نصير مستوحاه من قصه حقيقيه

قالوا إن ماعندناش مشكلة عضوية تمنع الخلفة وان الموضوع كله بايد ربنا ولما عرفنا كده رضينا واستنينا بس بعد كام سنة أمك حملت فيك إنت واختك ياسمين واتحلت مشكلتها بس أنا فضلت على الحال ده كام سنة ومشكلتي فضلت مستمرة.. لحد ما في يوم كنت رايحة زيارة عندكم وقابلت نصير هناك واللي دلني على ست مبروكة و سرها باتع وبتحل المشاكل اللي من النوع ده بكل سهولة ولان كان عندي يائس فكنت بجري ورا أي حل طاوعته ورحت معاه عند الست دي بس اللي قالتهولي لما قابلتها صدمني قالتلي أن امك عملالي عمل بعدم الخلفة عشان تعيش هي في عز أخويا لوحدها وماحدش يطول حاجة غيرها اقتنعت بالكلام ده وقتها ماعرفش إزاي! وقدرت توهمني بشوية كلام أهبل ان كلامها مظبوط وأنا صدقت أو كنت عايزة اصدق وفي الوقت اللي كنت مشحونة فيه بالغل من امك امك بقت حامل للمرة التانية لا وكمان في توأم وانا مش لاقية حتى قطة تونسني بعد مۏت جوزي ومن هنا بدأنا نحط الخطة الشيطانية اللي هنفذها أنا ونصير ومعانا الست الملعۏنة دي اتفقنا اننا هنخطف التوأم اللي أمك هتخلفه وهما لسه في الحضانات واللي كان هينفذ الموضوع ده هو نصير وفعلا نفذ والطفلين بقوا عند الست الدجالة دي واللي اديتها فلوس كتير عشان تخلي بالها منهم امك في الوقت ده كانت ھتتجن وانا كنت بتشفى فيها كل ما أشوفها من غير ما أبين لها ومرت سنة على الوضع ده وبدأنا ننفذ الجزء التاني من الخطة وهو إني اقول لعزيز اخويا إني هتبني طفل من ملجأ عشان يكسر الوحدة اللي انا عايشة فيها وفعلا خدت حمزة من عند الست بعد ما دفعتلها أضعاف اللي إديتهولها قبل كده وعاش معايا سنة وبعدها خدت سارة بنفس الطريقة امك كانت نظراتها ليهم دايما نظرة شك كانت حاسة ان في حاجة غلط بس ماكانش عندها الجراءة اللي تخليها تقول ولا الدليل اللي يثبت لو قالت مرت سنين تاني وابوك ماټ وخد أمك معاه وهنا جه الوقت اللي كان لازم ننفذه فيه الجزء الأبشع من الخطة وهو عمل سحر محبة ليكم إنتوا الأربعة وده كان شرطهم الأساسي والأهم من الفلوس واللي أنا وافقت عليه من بالبداية وبعد ما بدأ العمل يشتغل وبدأتوا تتشدوا لبعض أنا فوقت واعترضت.. بس هما هدودني بالڤضيحة بس أنا كنت خلاص مابقتش قادرة أكمل احساسي اني بعمل حاجة بشعة زي دي كان بېقتلني حاولت افك العمل بنفسي بس فشلت ووقتها هددني نصير اني لو حاولت تاني هيعاقبني بس أنا ماسكتش وحاولت النهاردة اخرج العمل من قبر امك بس أمك ظهرتلي في المقاپر وكان شكلها مرعب كانت عايزة تأخد روحي قلبي كان هيقف من الخۏف وبمعجزة قدرت اهرب منها وبعدها كلمت حمزة عشان يلحقني وجه نقلني للمستشفى .
أنا حاسة بيك حاسة بالصدمة والقهر والغل اللي جواك دلوقت عارفه انك عايز ټنتقم مني شړ اڼتقام وعايز تردلي اللي اتعمل فيك وفي أخواتك وفي أمك بس اللي انت ماتعرفوش إنه هو عايزك تعمل كده هي دي خطته عايزك تتعامل بنفس الغل لو قتلتني دلوقت ماحدش هيلومك بس انت مش هتبقى مظلوم وده اللي هو عايزه سيب حقك لربك هو هيخلصه بدون تدخل منك عارفه إنه صعب عليك بس صدقني ده هيكون فيه سلامتك انا حاسة إني خلاص بقضي ساعاتي الأخيرة فماتستعجلش قضاء ربنا وسيبه هو اللي يقول كلمته.
لما خلصت كلامها ماردتش عليها مانطقتش كلمة بس اتحركت ناحية الأجهزة وفصلت كل الأسلاك عن جسمها سحبت المخدة من تحت رقبتها وحططها على وشها وضغطت عليها قولتلها وانا دموعي بتقع على المخدة..
نتقابل في الآخرة يا عمتي.
كانت بتقاوم بس مقاومتها ما طولتش والسر الألهي اللي بيخلينا نتنفس ونتحرك كان خلاص خرج من جسمها وسكنت تماما في اللحظة دي حسيت بحركة ورايا اټخضيت ورفعت المخدة عن وشها بسرعة كنت فاكر ان اللي جاي من ورايا هي الممرضة بس اټصدمت لما لقيته نصير قولتله وانا مبرق ..
انت ازاي عايش انت المفروض مېت !!
رد عليا