عمها كان بيعيارها

كلها في بعض جدكم يمسك في جدتكم وابوكم يمسك في عثمان كان بتجيد الدار ڼار منها لله
زهرة
اني كمان كنت اسمع خالتي عيشة جارتنا تشتكي منيها وتجول عليها سو
شادية
سيبكم منيها تغور في داهيه المهم دلوك متحمليش هم يازهرة ياخايتي مصاريفك عتندفع ان شاء الله ده انتي فاضلك السنة الجاية وتتخرجي وتبجي دكتورة كد الدنيا مش عايزين نضيعو اللي فات عليكي
زهرة
ازاى بس يا شادية ازاى هنجيب منين
شادية
اني هكلم أحمد جوزي واحكيله المشكله وهو يبجا يدفع الفلوس وابجي رديها بعدين لما تتخرجي ان شاء الله وتبجي دكتورة
زهرة
لاه ياشادية وذنبة ايه جوزك انه يدفع لي مصاريف الجامعة لاه اوعي تجوليلو حاجة
شادية
بجولك ايه ملكيش صالح انتي بالموضوع ده وبعدين اني لسه بجولك اهو ابجي رديهم بعدين
قامت زهرة حضنت اختها وقالت لها
ربنا ما يحرمني منك ياغالية يارب
كريمة
ربنا يخليكم لبعض يارب ياولادي
وعدت الايام وفضلت بدرية وهادي يتكلمو على النت وكان بيستغلها ويخليها تبعت له فلوس لحد في يوم ماهادي قالها
عندي ليكي خبر هيفرحك اوي يابدرية انا جاي الأسبوع الجاي عندكم في بلدكم حجزت في فندق وهاروح عليه
بدرية بفرحة
بجد ياهادي اني فرحانة جوي اني عشوفك انت هتيجي يوم ايه بجا
هادي
هاجي على نص الأسبوع كده بس اسمعي انتي تفضي لي نفسك يوم كامل يبقا انا وبس يعنى تقولي لأهلك اي حجة عشان نقضي اليوم كله مع بعض
بدرية
متجلجش ياجلبي اني هتصرف طبعا وعكون وياك
زهرة نزلت شغل في المستشفى العام في سوهاج دكتورة تحت التمرين لكن ساعات بترجع متأخر
وعند عثمان كان مستغرب زهرة جابت الفلوس بتاعت الكلية منين وقال لجليلة
شوفتي ياجليلة الفلوس بتاعت الكلية ادفعت كلها اني رحت سالت وعرفت انها دفعت الفلوس
جليلة
واااه ودي جابت الفلوس من فين دي دول مش لاجين ياكلو تكونش البت دي مشيت في البطال ياعثمان ايوه اكيد أكده
عثمان
بطلي يا ولية ياخرفانة اني بطال ايه وبتاع ايه بطلي حديتك الماسخ ده
جليله
اومال ياخوي عتكون جابت الفلوس من فين بجا ان شاء الله الا اذا كانت بتعمل حاجة غلط دي بجت تخرج واوجات ترجع نص الليل رماح ولدك شافها وهي راجعه متاخر
عثمان
بتجولي ايه ياجليلة انتي متأكدة ياولية من الحديت ديه
جليلة
ايوه ياخوي متأكدة جوي البت دي مش سهله وهتجيب لك العاړ ياعثمان
عثمان
ده لو اللي عتجوليه ده صوح يبجا هخلص عليها البت دي جبل ماتجيب لنا العاړ
وراح عثمان عند بيت زهرة وقال لكريمة
بتك زهرة فين ياكريمة
كريمة
وااه وايه الډخله دي ياعثمان جرا ايه وبعدين انتي جاي تسأل عنيها ليه انت مش خلعت يدك من مصاريفها عايز ايه تاني
عثمان
واني لما خلعت يدي من مصاريفها تخلي تروح تشتغل في البطال عشان تصرف على نفسيها وعليكي
كريمة
أخرس جطع لسانك لما تجول على بتي أكده اني بتي مفيش واحدة في ادابها واخلاجها اوعاك تجول عليها كلمة أكده