عمها كان بيعيارها

سوهاج دي اوي هي صحيح فيها معالم أثرية كتير
بدرية
اومال ايه دي فيها معالم ياما ياهادي انت بس تعالي ونتقابل انا وانت وهفسحك فسحة محصلتش
هادي
دنا ناوي اجي لكم النهاردة قبل بكرة خلاص انا هاخد اجازة من الشغل كام يوم واحجز في فندق واجي وابقي اكلمك اول لما اول بس اسمعي انا عايز اقضي معاكي وقت كتير يعني اعملي حسابك
بدرية
ان شاء الله ياحبيبي هو انا هسيبك بقولك ايه انا هسيبك دلوقتي لحسن ابويا رجع من برة يلا سلام
وقفلت معاه بدرية وهادي قال لنفسه
والله انتي شكلك بت هبلة اوعي وسهله وانا يعجبني الصنف ده اللي الواحد يتسلى معاه ده وضحك ونفخ في سېجارة الحشېش اللي كان بيشربها
وعند زهرة قالت لأمها
اني رحت لعميد الكلية ياما وجولت ليه يستنى على شوية على مادفع مصاريف التيرم ده اصلهم مش ناوين يدخلو اللي مدفعش المصاريف من السبوع الجاي
كريمة
طيب وهنعمل ايه يابتي اني معرفتش اتصرف واستلف من حد واصل منك لله ياعثمان انت السبب في اللي احنا فيه ده
زهرة
معلش ياما ان شاء الله بتفرج اني هاروح بكره ابيع السلسة اللي معاي واهي تجيب لي قرشين حلوين وتسد معانا وخلاص لحد ما ربنا يفرجها من عنده
وهما قاعدين بيتكلمو جات عندهم اختها الكبيره شادية ودخلت وقالت
كيفك يازهرة كيفك ياما خوش ياواد خوشي يابت
زهرة
شاديه ياحبيبتي ياخايتي كيفك والله وحشتيني جوي وانت ياواد ياسامي كيفك اوعي تكون مغلب امك
سامي
لع والله ياخالتي بسمع كلامها عشان جالت لي هخلي جدتك كريمة تجيب لك حاجة حلوه لو سمعت الكلام
كريمة
ياجلب جدتك ده اني هجيب لك احلى حاجة انت واختك بسمة تعالو معاي نروحو الدكان ونشتري حاجات حلو كاتير
شادية
لاه ياما متتعبيش حالك هما لسه جايبين دلوك سيبك منيهم واجعدي ويانا داه انتي وزهرة وحشتوني جوي
زهرة بحزن
انتي كمان ياخايتي وحشتيني
شادية
مالك يازهرة انتي في حاجة مضايقاكي حساكي أكده في حاجة خير ياخايتي جولي لي
كريمة
أصلها زعلانة عشان مش عارفة تدف.......
وقبل ما تكمل كلامها زهرة قالت
اما مش وجتة الحديت ده عاااد
شادية
واااه انتي بتجاطعيها في الكلام ليه يازهرة سيبي امك تجول في ايه ولا انتو عتخبو على
زهرة
لا مش أكده ياشادية بس مش لازم نشيلك همنا اني وامي
شادية
لا ياحبيبتي شيلوني وجولي بجا فيه ايه
كريمة
أصلها مش عارفة تدفع مصاريف التيرم يابتي وانتي عارفة ان عمك خلاص منع المصروف جال ايه عايزها تخرج من التعليم
شادية
هو اتجن في عجله اياك هو عايزك تبجي فاشلة كيف بناتة الفاشلين دول والله اجطع دراعي من اهنه ان مكانت العجربة جليلة اللي جالت له يخرجك من التعليم ماني عارفها طول عمرها عجربة منها لله
كريمة
عنعمل ايه يابتي نصيبنا أكده اني كنت عايشة ويا ابوكم طول عمرنا في حالنا ومرت عمك دي كانت تبخ سمها أكده على الفاضية والمليانة وكانت توجع الدار