عمها كان بيعيارها

أكده
جليلة
انتي اخرسي خالص يابت وانتي مالك انتي عايزة تاجي في صفها وتتعاركي مع اختك بسببها انتي اتجنيتي ولا ايه
فايزة
ياما اني مش هاجي في صفها ولا في صف اختي اني بجول الحج زهرة مغلطتش فيكم زهرة جاي تدافع عن نفسها وعن اللي اتجال عليها من بدرية اختي
بدرية
الله الله ياست فايزة دافعي عنيها جوي دافعي طيب والله لما يرجع ابوي يشوف له صرفه وياكي
زهرة
ايوه طبعا لازم تجولي أكده ماهو اللي يجول الحج عنديكم لازم تيجو عليه على العموم اني مش عارفة اجولك يافايزة ربنا يسعدك وانتي يامرت عمي انتي وبدرية مش هجول غير ربنا يهديكم
وسابتهم ورجعت البيت عندها وجليلة قالت
غوري كتك غورة بت عفشه وسو صحيح وانتي بجي يافايزة حسابك ويايا بعدين لما يرجع ابوكي بس
فايزة
لما يرجع لما يرجع هو يعنى هيجف في صفي ماهو هايجي على هو التاني
وسابتهم ودخلت اوضتها وبدرية قالت لأمها
شوفتي ياما البت عماله تتعالي علينا كيف طيب والله ورحمة جدي لكون مورياها اسمعي ياما البت دي انتي تخلي ابوي يخرجها من الكليه اللي فرحانة بيها دي انتي فاهمة ولا لع
جليله مسكت شعرها وقالت
طيب وحيات ده يابدرية لاخليها ټندم على اليوم اللي جات فيه عندينا اهنه وعليت صوتها علينا
وعند زهرة قالت لأمها
شوفتي ياما مفيش حد فيهم عنديه ذرة كويسة في جلبه كلهم حاجدين من جوه ونفوسهم مريضة
كريمة
مش حولت لك بلاش تروحي عنديهم دي جليلة دي طول عمرها سو هي وبتها اللي اسمها بدرية دي
زهرة
عندك حج ياما الوحيدة اللي كويسة فايزة بس لما جات تتدافع عني جدامهم جليلة كانت عاتكولها
كريمة
سيبك منيهم يابتي ربنا على الظالم
ورجع عثمان البيت عنده وجليلة حكت له على اللي حصل من زهرة وقال لها
باجي البت المجشفه دي جات اهنه وعلت صوتها عليكم وجالت اللي جالتة ده والله عالي ياست زهرة
بدرية
ايوه يابوي دي كان ناجص تضربني جدام امي وكل اللي عتعمله ده وهي لسه متخرجتش اومال بجا لما تتخرج محدش فينا عيعرف يتحدت وياها البت دي لازم تسيب الكلية بتاعتها دي يابوي مش هينفع تبجا دكتورة وتتعالي علينا
جليلة
ايوه صوح ياعثمان انت لازم تشوف لك حل وتخرجها من التعليم اني لا يمكن اسمح انها تكمل علام
عثمان
هي ملهاش حل غير أكده فعلا اني مش هدفع لها مصاريف الكلية وتبجا توريني عتجيب منين الفلوس
وعدت الايام وبدرية اتعرفت على شاب من على النت وبقت تكلمة رسايل وقالت له
انت عارف ياهادي اني مبقتش عارفة استغني عنك ابدا ياحبيبي ونفسي اشوفك جوي
هادي
وأنا كمان يابدرية من ساعت ماشوفت صورتك وانا هتجنن عليكي وقولت في بالي دي الصعيد فيها بنات زي القمر اهو امال بيقولو بنات الصعيد وحشين ليه
بدرية
لا طبعا احنا عندينا بنات زي القمر واني منهم طبعا
هادي
طيب انا نفسي نتقابل انا بفكر اجي أزور