عمها كان بيعيارها

بالفلوس دي
جليلة
طيب ياخوي ادي لولدك الفلوس خليه يروح لاصحابة بلا بت اخوك بلا كلام فاضي كنا ناجصينها على التانية
عثمان
هديلو ياجليلة هديلو وخليكي أكده دلعي فيه احد مايتلف ومنبجاش عارفين نلموه واصل وبعدين على الاجل بت اخوي دخلت كلية الطب اللي بتك معرفتش تدخلها وخلت بت عفشة كيف زهرة دي تبجا احسن منها
جليله
اني مفيش واحدة احسن من بتي اني بتي زينة البنات كلاتها مش زي المجشفة بت اخوك اللي وشها يجطع الصفار من البيض
عثمان
ايوه مجشفة لكن متعلمة علام عالي وهتبجا دكتورة وهو ده اللي محزني بجا زهرة بت خلف اخوي اللي كان فجير وعدمان هتبجا دكتورة وولادي التلاتة البتين واحده واخده الدبلوم والتانية فشلت في الجامعة ومعرفتش تكمل والواد يطلع من التعليم خالص
جليلة
بجولك ايه ياعثمان عيالي مفيش احسن منيهم واصل انت فاهم ولا لع ياراجل واوعي أكده من جدامي خليني اروح احضر لك الوكل
وتدخل المطبخ ويدخل وراحا رماح ويقول لها
فين الفلوس ياما خليني امشي بجا من البيت ديه
جليلة
روح لابوك خودهم منيه هو عدييك اني لسه جايله له
رماح
اني مبحبش اتحدت وياه بيتعصب على ومش بيطيجني
جليلة ندهت على عثمان وقالت
ياعثمااان ادي لولدك الفلوس خليه يمشي
عثمان
تعالي يازفتة انت خود الفلوس اهيه ايه مش جادر تجولي بلسانك رايح تتحامي في امك ياحليتها
رماح
وااه ماخلاص يابوي ملوش عازا الحديت ده واصل اباااي
عثمان
ايوه صوح ملوش عازا يلا غور من جدامي كتك غورة
ومشي رماح من قدامه وجات عليه بنته بدرية وقالت له
مالك يابوي متعصب ليه أكده بجا الجميل ده كله يتعصب برضك اني سمعاك من ساعة مارجعت من بره وانت عمال تزعج اهدي أكده يابوي مفيش حاجة مستهلة واصل المهم عندينا صحتك وبس
عثمان
وهو اللي يشوفكم ميتعصبش ياجلب ابوكي ده انتو اللي هتجبولي الضغط
بدرية
ياساتر ليه بس أكده بعد الشړ عليك يابوي ماتجولش أكده هو احنا لينا غيرك يعنى
عثمان
بجولك ايه يابدرية اني عايز منيكي كام بلوزة أكده لبت عمك زهرة ابجي شوفي خلاجاتك الجديمة اللي عنديكي وجهزيهم
بدرية
ليه يابوي دي لسه واخده مني خلاجات كد أكده اجيب لها منين تاني لع يابوي انت مدلع البت دي جوي وعتخليها تتمرع على
عثمان
ماعاش ولا كان اللي يتمرع عليكي ياجلب ابوكي اني بس بجول خلاجاتك القديمة بدل ماترميها هي أولى بيها
بدرية بفرحة قالت له
صوح يابوي بدل خلجاتي بدل مارميها اديها لزهرة واهو فرصة اضحك عليها شوي
وعند زهرة كانت قاعده بتذاكر واتصلت بيها صاحبتها مها وقالت لها
ازيك يامها وحشتيني جوي
مها
وانتي والله يازهرة وحشتيني جوي ايه يابت هو احنا مش متربين مع بعضينا يعني نعتبر خوات
زهرة
طبعا ياجلبي خوات وأكتر كمان بس ليه لزومة الحديت ديه
مها
عشان انتي مبقتيش تعبريني وتيجي عندي يازهرة زي ماتكوني اتكبرتي علينا من ساعت مادخلتي كلية الطب
زهرة
وااه اخس عليكي يامها اني بجا اتكبر عليكي انتي