عمها كان بيعيارها

كيف يابت تجولي أكده لا ملكيش حج والله يامها انتي حبيبتي واختي والله اني بس مشغوله اليومين دول في المذاكرة معلش الامتحانات على الأبواب يامها
مها
ربنا معاكي ياحبيبتي ويوفجك واشوفك احسن دكتورة كد الدنيا يارب اني كمان امتحاناتي جربت بس اني بجا في تجارة يعنى عادي ههههه
زهرة
لع بس برضك لازم تذاكري كويس عشان تنجحي يامها الا جوليلي امك كيفها وكيف صحتها دلوجتي كنت سمعت من امي انها مريضة شوي
مها
ايوه والله يازهرة الضغط والسكر عاليين عليها جوي ومش عارفين نظبطهم اتجدعني انتي بجا واتخرجي عشان تعالجيها لنا
زهرة
ان شاء الله جبل ماتخرج تكون هي ربنا شافاها امك دي من اطيب الناس يامها واني بعزها كيف امي بالظبط ابجي سلميلي عليها
مها
من عيوني يازهرة بس كنت بجوالك ايه اني في حوار حوصل أكده وكنت عايزة اجولك عليه بس بالله متزعلي يازهرة هو الحوار عليكي بس اني جدرت ارد غيبتك وجبت لك حجك مين اللي اتكلمت عليكي في ضهرك
زهرة باستغراب
حوار.!! حوار ايه ده يامها ومين اللي جاب في سيرتي جولي جوام يامها وبطلي الغاز
مها
بصراحة أكده يازهرة البت اللي اسمها بدرية بت عمك عمثان البت الفاشلة دي اتكلمت عنيكي وجالت كلام مينفعش واصل بس اني وجفتها عند حدها وجبت لك حجك
زهرة بدموع في عنيها قالت
بدرية اتكلمت عليا وجالت ايه يامها جولي ومتخبيش على جولي
مها
طيب هاجولك بس وحياتي عنديكي ماتزعلي روحك وسيبك منها خالص دي بت غلاوية بتكرهك عشان انتي احسن منيها يازهرة
زهرة بټعيط
جولي بجا يامها ارجوكي اخلصي وجولي
مها
البت بدرية خلاتنا جاعدين في دار البت سميحة يوم خطوبتها وجدام كل الحريم اللي كانو موجودين جالت لهم انك بتاخدي خلاجتها الجديمة تلبسيها وكمان ابوها هو اللي بيدفعلك مصاريف الجامعه وهو اللي بيوكلكم ولوما هو عليكم مكنتيش عتعرفو تعيشو انتي وامك وكمان جالت انك محدش عيبص لك واصل ولا عتتجوزي لانك عفشه وشكلك عفش
زهرة مصډومة وبتعيط وقالت
معجولة بدرية جالت كل ده عني ليه عملت فيها ايه عشان تجول أكده حسبي الله ونعم الوكيل فيها
مها
ولا تحطي في دماغك يازهرة اني والله مسكتلهاش وهزجتها جدام الناس كلاتها وجولت لها انك احسن منيها وعشان أكده هي غيرانة منيكي
زهرة
الله يسامحها طيب اجفلي انتي دلوك يامها واني بتحدت وإياكي بعدين
وقفلت زهرة مع مها وفضلت عيط كتير اوي وامها دخلت عليها وقالت لها
واااه في ايه يازهرة هو انتي يابتي علطول أكده تبكي ومهمومة ليه أكده وعشان ايه ده كله
زهرة
عشان الفجر وقلت الحيلة اللي احنا فيها ياما عشان معنديش اب يدافع عني لما حد يجيب في سيرتي ولا لما حد يزلني ياللجمة اللي بيوكلهالنا
كريمة
وهو مين بس اللي زلك يازهرة
زهرة
عمي وبناته ياما بنته بدرية كانت في فرح وراحت جالت عليا جدام الناس كلام مايصحش يتجال وفضحتني جدام الخلج