عمها كان بيعيارها

وجالت اني باخد خلاجتها يرضى مين ده ياما الزل ده ياما يرضى مين
كريمة
اهدي يازهرة اهدي يابتي ولا يشغلك كل الحديت الماسخ ده وكبري دماغك ياضنايا ولا يهمك اي حاجة
زهرة
لاه ياما اني مش هسكت لهم تاني وهاخد خلاجتها اللي بتزلني بيهم دول واروح دلوك ارميهم لها في وسط دارهم اني مش عايزة منيهم حاجة واذا كان على الجرشين اللي عمي بيرميهم لينا كل اول شهر اني مش عيزاهم
كريمة
يابتي الفلوس دي حج ابوكي في الأرض اللي جدك كان سايبها لابوكي وعمك بس عمك ضحك على ابوكي وعمل عجود مزورة وجاله ان ابوهم كتب الأرض كلاتها باسم عثمان هو واكل حج ابوكي ودلوك بالفلوس دي اللي بيساعدنا بيها دي المفروض انها حجنا بس هو واكله منه لله
زهرة
وابوي خلاص راح ياما ومش هنجدر نثبت جحة اني مش عايزة منيهم حاجة واصل سبيني ارجوكي سبيني
واخدت زهرة كل هدوم بدرية في ايديها وراحت بيت عمها ماهو البيت جنب البيت ودخلت قالت
يابدرية انتي يابدرية
خرجت بدرية من جوه واختها فايزة وامها جليلة وقالت لها جليلة
جرا ايه يابت انتي مالك داخلة بزعابيبك أكده علينا ليه ايه اللي حوصل
زهرة
اللي حوصل يامرت عمي ان بتك ديه جابت سيرتي وسط الخلج وقالت عليا حديت مايصحش يتجال واصل بس هاجول ايه ماهي لو كانت لجت اللي يجولها عيب وميصحش تتكلمي على بت عمك أكده مكانتش جالت ولا كانت احترمت نفسيها
بدرية
انتي جايه تعلميني ايه اللي يصوح وايه اللي مايصوحش انتي اتجنيتي في عجلك اياك وبعدين انتي مين انتي يابت انتي عشان تتحدتي ويايا أكده الزمي حدودك ها واعرفي انك وانتي وامك واختك اللي اتجوزت دي عايشين في خير ابوي
جليلة
انتي يابت جاية تغلطي في اسيادك ولا ايه اتلمي يابت وغوري من اهنه يلا غوري انتي جايه تعلي صوتك علينا في دارنا ولا ايه
زهرة
اني مش جايه أعلى صوتي يامرت عمي اني بس جايه اعرفك اللي بتك عملته في حجي وبدل ماتعجليها وتجولي لها عيب على عملته في حجي انتي كمان بتجفي في صفها وبتيجي على
جليلة
ااه اجي عليكي امال اجي على بتي يعنى بتي دي زينة البنات كلاتها مش زيك يامجشفة انتي
زهرة
الله يسمحك يامرت عمي علي العموم اني كنت جايه وفاكرة اني هلاجي بني ادمين اتحدت وياهم لاكن الظاهر أكده العما واكل جلبكم خودي يابدرية خلاجاتك اهي اللي عتزليني بيهم مش عايزاهم وياريت تجولي لعمي اننا مش محتاجين منه ولا مليم بعد أكده يوفر فلوسه ليكم
جليله بسخرية
هيهيهي ولما انتي مش عايزة فلوس من عمك هتعيش ازاى انتي وامك ده انت تروحو من الجوع يابت هو لاجين تاكلو اللجمة الحاف
فايزة
خلاص ياما عيب أكده زهرة مغلطتش اللي غلطت بتك بدرية ازاى تجول حاجة عفشة في حج بنت عمنا مايصحش