عمها كان بيعيارها

عمها كان بيعاير بنت اخوه بشكلها القبيح وانها اقل من بنته ف كل شي لحد مادارت الايام وال حصل ....
وقبل مانبدا حكايتنا اعرفكم على بطلتنا اسمها زهرة عندها 24 سنة صعيدية بشرتها سمرا شوية وبتدرس في. كلية الطب ابوها راح وعايشة مع امها وليها اخت اكبر منها ومتجوزة وليها عمها هو اللي بيصرف عليهم وعايز يتحكم فيها
وفي يوم زهرة رجعت من الكلية بتاعتها ودخلت البيت وكانت شكلها حزينة ومعيطة ولما امها شافت قالت لها
واااه واااه مالك يازهرة فيكي ايه يابتي شكلك عامل أكده ليه في حد زعلك ولا ايه
زهرة بحزن
مفيش ياما اني زهجانة لوحدي أكده وطهجت من عيشتي دي وخلاص بجا مباجدش جادرة استحمل كل اللي بيوحصل دي
الام كريمة قالت لها
ليه بس يانضري عتجولي أكده مافيش حاجه في الدنيا تستاهل جولي بس ايه اللي زعلك بالشكل ده
زهرة
عمي ياما عمي مش عايز يسبني في حالي واصل كل دجيجة في الرايحة الجاية يعايرني بأنه هو اللي بيصرف علينا وانه ليه الفضل اني ادخل كلية الطب وميعرفش انه لولا اجتهادي في الثانويه العامه والمنحة اللي جاتني من الوزارة عشان طلعت من الأوائل هي اللي ساعدتني كتير لع ده مفهم الناس انه هو اللي صاحب الفضل على
كريمة
سيبك منيه عمك عثمان معيجيش من وراه غير الهم والنكد هو هيفضل طول عمره أكده من يوم مالمرحوم ابوكي ماراح وهو عيزلنا بس عنجول ايه ربنا على الظالم يابتي
زهرة
ياما ده اني ببجا ماشية في البلد وشي في الأرض من الناس وكلامهم بحس ان الكل عمال يتهامس على
كريمة
ولا يهمك من اي حد يازهرة انتي بكرة تبجي دكتوره ااد الدنيا والناس هتتمني تتكلم وياكي وبكرة تجولي امي جالتها كلمة صدجيني يابتي كل ده عيروح بمجرد انك تبجي حاجة كابيرة عشان أكده بجولك سيبك من عمك وكلامة وكلام اي حد وركزي في دراستك انتي وبس ويلا جومي غيري خلاجتك على ماحضر لك لجمة تاكليها يلا يابتي يلا
ودخلت زهرة اوضتها تغير هدومها وفضلت ټعيط على حالها
وعند عثمان دخل البيت ومراتة جليلة قالت له
بجولك ايه ياعثمان رماح ولدك كان عايز فلوس عشان ينزل مع اصحابة وخاېف يجولك
عثمان
ومن مېته ده بېخاف ياجليلة ها من مېته وبعدين فلوس ايه دي اللي عايزها هو مش من يوم واخد مصروفة مني عايز ايه تاني هو لحج يخلصهم ولا ايه
جليلة
اباااي عليك ياعثمان ماديلو اللي هو عاوزه هو احنا حيلتنا غيرة ده ولدك الوحيد ومن حجة ياخد اللي هو عايزه جرا ايه ياراجل ولا انت جادر تصرف على بت اخوك وبس وعيالك لا
عثمان
واااه جرا ايه ياولية هو اني يعنى بصرف ايه على بت اخوي داني برمي لها ملاليم هي وامها هو انتي فكرك يعنى اني مبسوط بكده داني عزلهم