قصة طيف زينب

حواليا صړيخ من زوجة المقتول اللي قدامي وهي بتلطم وكله حواليها بيحاول يهديها وهي بتقول
أنا بس يادوب سيبته نص ساعة عشان أطلع أنشر الغسيل ولما نزلت تاني لقيته بالمنظر دا.
كلمت الظابط اللي جنبي وقولتله بهدوء
خدهم طلعهم برا دلوقتي عشان محتاج أدرس موقع الچريمة كويس.
بالفعل خدهم وطلعوا كلهم برا وقفلوا الباب وسابوني لوحدي في الأوضة مع الچثة آي شخص عادي غيري أو غيرنا إحنا شرطة الجرايم مكنش هيقدر يقعد مكاني كدا ثانية ولكن الموضوع بقى معتاد بالنسبالي وبصيت للچثة بتركيز وأنا بدقق في تعبيرات وشه المټألمة من الواضح إنه حاول يدافع عن نفسه من الطعن اللي في جسمه واضح جدا إن القاټل مستجد في موضوع القټل وطيت بجسمي وميلت راسي وأنا بدقق فيه بشكل أكبر وإبتسمت بسخرية لما لقيت إن الچرح من عميق ولا حاجة ووارد جدا يكون سبب الۏفاة هو الڼزيف من غير ما حد ينقذوا يعني كان ممكن يعيش لو حد نقلوا للمستشفى من الواضح إنه ڼزف ل ساعات ولكن..زوجته بتقول إنها مسابتهوش غير نص ساعة معنى كدا إنها كان ممكن تلحقه ولكن..ليه فضلت قاعدة بتتفرج عليه وهو پينزف لحد ما إتأكدت إنه ماټ وبعدين بدأت بالصړيخ!
طلعت من الأوضة بعد ما خلصت السېجارة ودرست الچريمة كويس جدا بصيتلهم بملامح مش بتوصف آي حاجة وقولت ل ياسر زميلي
الطب الشرعي وصل
جاوبني ياسر وهو بيميل براسه ب معنى "أيوا"
وصل وواقف تحت مستني حضرتك لما تخلص.
زميت شفايفي وقولت وأنا ببص على ملامح زوجة المقت ول اللي بټعيط بهستيرية ومنعت بصعوبة إبتسامة السخرية إنها تترسم الستات دول أكتر حد يتخاف منه وشوشهم ملايكة ويبان عليهم ضعاف بس بيني وبينك كيدهن عظيم فوق ما تتخيل إتكلمت وقولت ل ياسر بصوت ميسمعهوش غيره
خليهم يدخلوا ويشوفوا وقت ما إتوفى كان بعد قد إي من الطعڼة وإي هو سبب الۏفاة الطعڼة فعلا ولا حاجة تاني وخليهم يكشفوا جثته كلها سواء فيها أثار مقاومة والمقاومة دي لواحد ولا واحدة
إتكلم ياسر بتفهم وقال
حاضر يا مراد عن إذنك.
بالفعل نزل ندالهم وطلعوا كلهم ودخلوا مسرح الچريمة وبدأوا ياخدوا العينات ويفحصوا بشكل دقيق جدا أما أنا ف كنت متابع كل الريأكشنات اللي على ملامح زوجة المقتول اللي بټعيط ببراعة اللي لو كنت ظابط تحت السلم زي ما بيقولوا كنت هتخدع فيها وأقول مستحيل تكون هي ولكن للأسف أنا مراد عزت ومفيش حاجة بتعدي من تحت إيد خلوني أعرفكم على نفسي بنبذة بسيطة أنا محقق في قسم الچرائم شوفت جميع أشكال وألوان القت ل برغم سني الأصغر من اللي في القسم بتاعي حتى مدير القسم نفسه ولكنني سريع البديهة وبحلل كل حاجة قدامي في نفس الثانية بس مش مع أسبابها أكيد أنا مش دجال!
إستنيت الطب الشرعي لما خلص وخلصنا كلنا تحقيق ونقلوا الحثة للتلاجة لحين الإنتهاء من التحقيق وروحت سلمت على الزوجة قبل ما أمشي وأنا بعزيها وباصص في عيونها مباشرة وقولت
الله يرحمه يا ست سعاد متزعليش نفسك.
بصتلي وهي عيةنها وارمة من كتر العياط وقالتلي ب حزن حسيته مبالغ فيه شويتين ودا اللي خلاني أشك أكتر
ربنا يخليك يا حضرة الظابط إن شاء الله اللي قټله هجيب حقه منه مش هسيبه يتهنى أبدا أنا هعمل كل اللي أقدر عليه بجد عشان آخد ب تار جوزي.
ضيقت عيني شوية وقولت قبل ما أمشي
أكيد يا ست سعاد كل واحد هياخد جزاته والمچرم كدا كدا هيتجاب.
بصتلي وعيونها إتهزت يمين وشمال في نفس الثانية ودا من القلق واللي لاحظته أنا في الثانية دي وحاجة جوايا أكدتلي إحساسي وسيبتها ومشيت وصلت البيت وقعدت مع مراتي رهف عشان نتعشى إتكلمت مراتي تبساؤل وقالت
يومك كان ماشي إزاي النهاردا
إبتسمت وقولت
عادي يا حبيبتي زي آي يوم بس في حاجة حثلت مخوفاني منك شوية.
بصتلي بإستغراب وقالت
مني أنا!
إي هي
إبتسمت وقولت
أصل النهاردا جاتلي چريمة قتل وأنا متأكد إن القاټل زوجة المقتول نفسها بس قټلته ليه لسة هعرف لما نتيحة الطب الشرعي تطلع واتأكد من شكوك تفتكري ممكن تكون قت لته ليه
سكتت شوية وبعدين مسكت السکينة بتاعت الأكل ووجهتها في وشي وقالت ب شړ
بالنسبالي السبب اللي ممكن يخليني أعمل كدا فيك هو إني أشوفك مع واحدة تانية غيري يا مراد مش هتردد ثانية.
ضحكت عليها وقولت بإستنكار
ولما عبد الرحمن يقلق من النوم ويقوم يشوف أمه موجهة سکينة البانيه ناحية أبوه الظابط الهايل في نظره يقول إي بقى!
ضحكت وسابت السکينة من إيديها وكملنا أكل وباقي اليوم عدا بشكل هادي.
تاني يوم جاتلي نتيجة الطب الشرعي وكانت شكوك في محلها بالظبط نفس الإستنتاج الۏفاة كانت بسبب الڼزيف لكن الطعڼة متموتش خالص خصيصا إنها مش عميقة وكان في أثار من الواضح إن دار بينهم خناق عڼيف وفي الآخر إنتهى بقت لها ليه الستات برضوا مش أذكياء للدرجة دايما بيسيبوا وراهم حاجة لما بيكونوا متوترين أو بيتعاملوا ب عاطفيتهم إستدعيناها للتحقيق وكانت بتكمل تمثيل قدامي واللي في الحقيقة مرفليش جفن ولا إشتريت تمثيلها ب جنيه لحد ما قومت وقفت وفضلت أتحرك في المكان حواليها عشان أوترها وقولت عشان أستفزها
من الأخر كل حاجة ضدك والدلائل اللي معانا كفيلة إنها تسجنك ف مفيش داعي للحركتين دول وأنا وإنت عارفين اللي فيها ودلوقتي خليك جريئة وقوية ل مرة أخيرة قبل دخولك للسجن وإعترفي إنك عمليتها مش يمكن يكون معاك حق وهو يستاهل
لقيتها وقفت عياط وبصتلي وهي مبرقة وإتكلمت بزعيق وأنفعال وقالت
هو فعلا كان يستاهل كان..كان بيضربني كل يوم وبيعاملني أقذر معاملة ممكن حد يشوفها كان معيشني في سجن وعذاب وقلة قيمة بس خلاص كان فاضي بيا كل شخص وليه طاقة ومن بعدها مبيتحملش وأنا كنت جبت أخر الطاقة دي هو كان يستاهل السچن دا هيكون أرحم ليا من عيشتي معاه مليون مرة.
خلصت كلامها وكنت أنا شاورت لمدير القسم اللي كان بيتابع الحوار من أوله واللي خد مني ساعة بالظبط لحد ما إعترفت دخل إتنين خدوها وودوها للزنزانة وبعدها دخل مديري شجعني بكلمتين وروحت بعدها ل مسرح الچريمة التانية واللي غيرت كل حياتي من اللحظة اللي خطت رجلي القرية دي واللي قابلت فيها "زينب" وبالمناسبة "زينب" هي خطيبتي القديمة قبل ما أتجوز رهف وبالمناسبة كمان زينب هي المقت ولة اللي أنا رايح أحقق في قضيتها وهي اللي بلغت عن الچريمة وهي اللي هتحكيلي كمان تفاصيل جريمتها
بتسألؤا إزاي وهي مېتة
نفس اللي هعرفه معاكم أول ما أوصل للقرية.
طيف زينب والچريمة 2
(الليلة الأولى)
خدت في المواصلات وقت مش قليل خالص الحقيقة لإني تقريبا خدت 3 ساعات المفروض إني هقضي 3 أيام هنا في القرية عقبال ما أحل القضية ولو خلصتها قبل ال 3 أيام مفيش مشكلة أرجع تاني كنت واخد معايا هدوم تكفيني ال 3 أيام وشوية حاجات شخصية ليا القرية كانت