علشان مفيش اكل عملت حاجه غلط

من غير نفس وبتقولي
انتي ايه اللي جابك ده جوزك لسه مارجعش من السفر بتاعه
صفيه
ماهو انا رجعت عشان لما على يرجع اكون مستنياه في البيت ياحماتي
الحما
طيب ياختي امسكي بقا البيت وخليه بيلمع اصل على ابني جايب معاه ضيوف
صفيه
ضيوف مين بس على وانا بكلمة في التليفون مقاليش حاجة زي كده
الحما
بس هو قالي انا وقالي ابلغك ان تنضفي البيت وتخليه بيبرق من النضافة
صفيه
حاضر وبعدين انا طول عمري بخلي البيت بيبرق ياحماتي
الحما
ااه ما انا عارفة انك شاطرة بس ده ما يمنعش برضو انك تتكي على النضافه شوية كمان
وسمعت كلام حماتي وخليت البيت بيلمع ورجع على ولقيت معاه مراته التانية ودخل بيها وحماتي قالت له
حمد الله على السلامة ياعلي يابني انت ومراتك نورتو البيت ادخلي ياحبيبتي وبراحة عشان اللي في بطنك خلي بالك
وانا خرجت من جوه وقولت له
مين دي ياعلي هااا قولي ميين
على
دي دي دي.........
الحما
دي مراتة ياحبيبتي وام ابنه اللي جاي في الطريق اسكتي ياصفيه مش على طلع متجوز من وراكي ومراتة حامل كمان باركليهم بقا
صفيه
انتي بتقولي ايه يا حماتي ايه الكلام الي بتقوليه ده اتجوز يعني ايه مترد ياعلي انت فعلا اتجوزت عليا زي ما امك مابتقول كده
على
ايوه ياصفيه انا متجوز قمر وهي دلوقتي حامل في ابني
انا في الوقت ده اڼهارت وقولت له
طيب ليه عملت فيك ايه انا عملت ايه عشان تروح تتجوز عليا ناقصك ايه ياعلي
الحما
ناقصه عيل ياحبيبتي ناقصه عيل يشيل اسمة اللي انتي معرفتيش تجيبه وخلاص اهو هيجيب العيل
صفيه
رايح تتجوز عليا وانت اصلا مش بتصرف جنيه وكل حاجة في بيتنا من عند امي امل وشرب ده انا استحملت غلاستك مع اهلي وكنت بسكت كنت بجيب لك الاكل وباكلك
الحما
انتي ياختي بتعايرية باللي كنتي بتجبيه من عند امك
صفيه
ااه بعايرة عشان هو الصراحة يستاهل بس ياترى الحلوه اللي معاه دي عارفه انه بخيل ومعفن وانه هايخليها تجيب الأكل من عند اهلها ده المعفن ابنك خلاني شيلت الاكل اللي امي جيباه من قدام بنت اختي الصغيرة عشان هو ناكر للجميل
على
ماخلاص بقا ياصفيه ماتتلمي بقا الله ايه الكلام اللي بتقوليه ده قولت لك اهلك دول انا مش بطيقهم ولا كنت بحب اشوف حد من ريحتهم
صفيه
بس اهلي دول اللي كانو بياكلوك وبيصرفو عليك يابخيل ياجلده ومن دلوقتي انا مش هعيش معاك وانت لازم تطلقني طلقني ياعلي
قمر
ماطلقها ياعلي ولا انت ياحبيبي عاجبك الكلام اللي هي بتقولو عنك ده انا مش هستحمل عليك كلمة تانية منها على فكرة
صفيه
ليه هتعملي ايه ياختي هتقفي قدامي عشانة بس خلي بالك هيجي عليكي اليوم اللي هتطهقي منه ومن عمايلة معاكي
قمر
لا ياحبيبتي لعلمك بقا على كريم اوي معايا ده فسحني في اسكندرية وجاب لي كل اللي بتمناه ريحي نفسك
صفيه
طلقني ياعلي طلقني ياندل ياخاين انت مش تستاهل اني اعيش معاك لحظة بعد النهارده وهاخد منك كل حقوقي اللي عندك
وبعدها فعلا على طلقني ورجعت بيت ماما واخدت منه كل حقوقي اللي عنده وقررت اعيش حياتي من غير اي راجل وانا كده مبسوطه وسعيدة لوحدي
وبكده تكون خلصت حكايتي