علشان مفيش اكل عملت حاجه غلط

اقعد وفطر معانا وبعدين اطمن اخويا جاب لي الاكل ومشي
على
ااه بحسب اصل يعني تبقا قلة زوق لما يجيب الاكل ويجي ياكله هنا عندنا احسن انه مشي
فضلت بصا له بغيظ وقولت له
لما اروح احضر السفرة عشان المغرب قرب يأذن
وسبته ورحت المطبخ وبعد شوية جه اخوه ومراتة وولاده وحماتي واقعدو على الاكل وأسماء مرات ماهر اخو علي قالت
تسلم ايدك ياصفيه الاكل تحفة طول عمرك شاطرة في الطبيخ
صفيه
الف هنا وشفا يا اسماء بس الاكل ده......
وقبل ما كمل كلامي رد على وقال لهم
الاكل ده كله صفيه اللي طبخته انا اللي اشتريت اللحمة اللي هي طبختها دي انا بجيبها من جزار مخصوص
الام
طيب كنت جبت لأمك كمان هو مش العيد بكرة برضو بتجيب لمراتك لحمه وامك لأ ياعلي
على
ااا ان شاء الله ياما هبقا اجيب لك اللحمة خلينا ناكل بقا كول ياماهر كولي يا اسماء كولو ياولاد هو انا هعزم عليكم في بيتكم ولا ايه
اسماء
الصراحة اللحمة جميلة جدا تعيش وتجيب لها ياعلي
طبعا انا كنت مصډومة من كلامه عشان مش هو اللي جايب الاكل لكن عمره مايعترف ان امي بتجيب لي حاجة
وبعدها اخو اخد مراتة ونزلوا تحت وفضلت امه قاعده معانا وقولت له
بقا انت اللي جايب اللحمة والاكل ده كله ياعلي انت بتكدب على اخوك ومراتة
الحما
الله اومال مين ياختي اللي جايب لك الحاجة ايه امك اللي جايبها ولا ايه
صفيه
ايوه طبعا امي هي اللي بعتت لي الاكل ده كله وكانت بعتاه كمان جاهز على الاكل علطول يعني هو مجابش حاجة خالص
الحما
يووه وماله ياختي لما امك تجيب لكم الاكل هو انتي مش بنتها ولا ايه اما عجايب ده ايه الهم ده مش كفايه مش عارفة تخلفي حتة عيل لابني الغلبان ده ده اخوه معاه عيلين اهو
صفيه
الله يخليكي ياحماتي مش وقته الكلام ده والله انا فيا اللي مكفيني خلاص بقا انا تعبت من كلامك ده وبعدين دي حاجة بتاعت ربنا
الحما
ااه بتاعت ربنا بس ربنا بقا عرفوه بالعقل وانتي مش عايزة تروحي تشوفي دكتور والمفروض انك تجري وتشوفي الموضوع ده انما انتي حاطة ايدك في المايه الساقعه
انا داخله جوه في اوضتي وفضلت اعيط من كلامها وعلى قال لها
انا مش عارف اعمل ايه ياما هو انا مش من حقي اتجوز برضو ولا ايه
الام
طبعا ياحبيب امك انت لازم تتجوز اومال ايه عشان تخلف لك عيل وانا افرح بيه
على
خلاص قريب اوي هتجوز وانتي تباركيلي
الام
ليه انت حاطط عنيك على واحده قولي عشان لو مفيش انا اجيب ست البنات كلها
على
لا انا حاطط عيني على واحدة بس ايه قمر وهي قمر اسم على مسمى
الام
طب والله جدع ياواد ايوه كده فرح قلبي ياعلي خليني اشيل لك حته عيل ما روح
وتاني يوم كان أول يوم العيد وامي بعتتلي لحمة العيد وقولت لجوزي
امي بعتت اللحمة ياعلي يعني امي اللي شيلاني وبتبعت لي حاجة اهو وانت مفكرتش حتى تكلمها تقول لها كل سنة وهي طيبه
على
بقولك ايه روحي شوحي اللحمة واعمليها حلوه كده خليني اكل وارم عضمي انا محتاج اتغدى كويس عشان الايام الجايه داخل على مجهود جامد
صفيه
ومجهود ايه ده بقا ان شاء الله هو المصيف محتاج مجهود ولا ايه
على ارتبك وقال
ااا ااه المصيف محتاج مجهود اومال انتي فاكرة ايه ده المصيف مره كل سنة ولازم نستمتع بيه
صفيه
طيب ياعلي هعمل لك اللحمة
على
انا نازل عند امي لحد لما تخلصي الاكل اللي في ايديك
ونزل عند امه وانا ابتديت اعمل في الأكل ولقيت منه اللي عندها