علشان مفيش اكل عملت حاجه غلط

خيرك ياماما انا بس اللي مضايقني انه مش عايز يعترف بده لا ده كل اللي على لسانه انه هو اللي بيصرف وبيجيب
مدحت
ياسلام وانتي بقا مستحمله العيشه دي ازاى ياصفيه وليه مش بتحكي لي حاجة زي كده مش المفروض نبقا عارفين هو بيعمل معاكي ايه..
صفيه
انا مش عايزة مشاكل معاه يامدحت وبعدين في الأول وفي الاخر انت اخويا وهو جوزي ومش هينفع يبقا في مشاكل بينكم
الام
عندك حق يابنتي ده جوزك ومش ها ينفع تشتكي منه الواحده الشاطرة هي اللي تستحمل جوزها بكل حالاته اوعي ياصفيه تزعليه ولا تخليه يشيل منك
صفيه
اكيد طبعا ياماما انا مش صغيره عشان اعمل مشكله مع جوزى ربنا يهديه يارب
الام
ربنا يهدي سركم يابنتي يارب
وبعد شوية امي قالت لاخويا يلا بينا احنا بقا يامدحت عشان نلحق نروح انا جايه
علشان اطمن عليكي
يا بنتي والله مش علشان اكل ولا اشرب
صفيه
الله ما انتو قاعدين شوية ياماما هتمشو ليه دلوقتي وبعدين زمان على جاي وانتو لسه مقعدوش معاه
الام
لا مرة تانية بقا نبقا نقعد مع علي وبعدين العيد قرب اهو وهنجي لك نعيد عليكم يلا سلام ياحبيبتي
ومشيت ماما واخويا وبعدها رجع على وقالي
امك واخوكي مشيو خلاص الحمد لله الواحد يقعد براحته بقي
صفيه
اه ياعلي مشيو وانت اصلا كنت عند امك تحت مستني هما يمشو وتطلع انت ليه بتعمل كده عايزة افهم يعني واي الحمد لله دي انا ليه
بتتعامل معاهم كده رغم والله ان هما
بيحبوك
على
انا كده واذا كان عجبك ياصفيه انتي عايزة ايه بقا دلوقتي انا مش طالبة معايا نكد انا بقولك اهو اتمسي احسن لك
صفية
انا ولا هنكد ولا عايزة نكد انا كمان يلا ياخويا تصبح على خير ياعلي
وسبته وخرجت من الاوضة وعند اختي صباح جوزها قال لها
سيد
انتي هنا بتعملي اي يا خبر الساعه 12
انتي بتعملي اي ي وليه لحد دلوقتي هنا
صباح
امال عايزني اكون فين
سيد
هو احنا هنستعبط ولا اي
انتي مروحتيش الشغل النهاردة ليه ياوليه انتي يعني بتحبي يتخصم منك نص المرتب بالغياب بتاعك ده هو انهارده كام يا خبر انهارده 1
يعني يوم القبض
صباح
بقولك ايه ياسيد انا مش ناقصاك سبني في حالي انا تعبانة ومن حقي اني ارتاح في بيتي انا مش مكنة شغالة ليل ونهار عشان خاطر اجيب لك فلوس الهباب اللي بتشربة انا تعبت منك
سيد
ااه انتي بقا ما بتصدقي اني اقول كلمتين عشان تطلعي اللي جواكي ناحيتي ياصباح مش كده وبعدين ما انا كنت شغال وبجيب لولا الظروف اللي خلتني سبت الشغل وعادي يعني لما الست
تشتغل وتساعد جوزها يعني فيها اي
صباح
وانت تسيب الشغل ليه ياسيد ما كل الرجاله اهيه بتشتغل وبتجيب وبتصرف في بيتها مش الراجل هو اللي بيعتمد على الست
بس انت خلاص حبيت قاعده البيت
ومش بقيت تحب تنزل تشتغل وصحيح تشتغل
ليه طول مانت لاقي واحده تصرف عليك
سيد
اخرتها كده يا صباح تقولي ليا انا الكلام ده
ماشي ياصباح لما الاقي شغلانة هبقا اقعدك في البيت واصرف عليكي وعلى عيالك زي زمان
صباح
ااه لما اشوف اخرتها معاك ايه خليك كده ده انت حتى مش بتدور على شغل هو الشغل هايجي لك لحد عندك
سيد
يوووه ده انتي وليه بومة صحيح كتك الهم انا نازل اقعد على القهوة واغور من وشك
وسبها سيد ونزل وانا اتصلت بيها وردت وقالت
ايوه ياصفيه عاملة ايه ياختي وحشاني اوي
صفية
انتي كمان ياصباح وحشتيني والله يابت انتي مبقتيش بتيجي ليه ولا بقيتي بتبعتي البت منه بنتك دي وحشاني اوي والله البت دي
اي ي بت مالك صوتك عامل ليه كده
في