علشان مفيش اكل عملت حاجه غلط

الهانم بتهبب ايه فوق
واعمل اللي قولتي عليه ربنا يخليكي
ليا يا ماما والله مش عارف انا من غيرك
كنت عملت اي بصراحه انتي العقل المدبر ليا
الام
هو انا ليا غيركم ي ابني انتو اغلي شي
عندي والله ولازم افكر في مصلحتكم
ولقيت على طالع عندي وقالي
انتي هتفضلي طول النهار بتشتغلي في البيت ومش هتعملي لي لقمة أكلها ولا اي
ولا انتي مش عارفه ان المفروض راجل البيت لما يجي يلاقي لقمه في بيته
صفيه
حاضر ياعلي الاكل على الڼار هيستوي واحط لك تأكل
على
وأن شاء الله بقا طابخة ايه انا شامم ريحة فراخ انتي عامله فراخ ولا ايه
صفيه
ااه ياعلي عاملة الفراخ اللي امي بعتتها مع اختي امبارح وعشان هي جايه لي النهارده واخويا جاي معاها قولت اطلعها واطبخها لهم اومال يعني كنت هطبخ لهم ايه مفيش حاجة في بيتنا
الفريزر بتاعك علي طول فاضي وانت مش
عايز تاخد بالك من البيت
على
ااه انتي يعني عايزة تقولي أن امك اللي بتجيب لنا كل حاجة لازم تسمميني اللقمه قبل ما نكلها
صفيه
يووووه بقول لك ياعلي ادخل ريح لك شوية على ماخلص الاكل وابقي اجيبه لحد عندك
بجد مامتك عملت بما فيه الكفايه وانغىمس قادره لاي خناق خالص والله
على
ماشي ياصفيه ماهو ده اللي باخده منك
بس اعملي حسابك بقي طلما اهلك عاملين فيها
كويسين كده يشيلوا الليله الفتره دي
اه انا واحد ظروفي مش كويسه ومش عارف
هعرف اصرف علي البيت منين
صفيه
وانا اقول لاهلي اي أنا بقدر اخد منهم
لحمه وخضار انما عايزني اقولهم هاتو
كمان فلوس
علي
علشان نقدر نعيش الفتره دي انا داخل انام لحد
ما الاكل يخلص
وبعد شوية دخلت له الاكل واكل وامي جات ومعاها مدحت اخويا وقالت لي
صفيه
ماما تعالي يا حبيبتي الف حمدالله علي السلامه
اي ده مدحت ازيك يا واد عامل اي ادخل
تعالي انت هتعمل فيها مكسوف ولا اي
تعالو علي السفره علي طول انا عامله شويه
اكل انما اي هتكلوا صوباعكم ورا
الام
والله ياصفيه انا لا كنت عايزة اجي لك ولا اروح
انا مش بحب اخرج من بيتي اصلا
صفيه
ليه بس ياماما ده انتي منوره انتي ومدحت اخويا
مدحت
تسلمي ياصفيه ده نورك ياحبيبتي
الام
اصل بصراحة بحس ان جوزك وامه مش عايزين يشوفنا مش عارفه ليه بحس بكده مع أن والله ي بنتي انا بحب جوزك اوي وبحس ان هو ابني ربنا يعلم بس زي ما بيقولوا مينفعش
تاكل حد لقمه ڠصب عنه
صفيه
بالعكس ده على فرح انكم جيته النهاردة عندنا ده هو اللي قال لي اعمل احلى اكل عشانكم اوعي تقولي كده تاني
وخرج على من جوه وقال
ازيك ياحماتي ازيك يامدحت منورين عاش من
شفاكم ولا عاش من شافكم اي بقي
مانتو كل يوم والتاني عندنا
صفيه
اي طريقه الكلام دي ي علي هههه
علي بيهزر معاكي ي ماما اوعي تزعلي منه
الام
لا يا حبيبتي عارفه ان جوزك ذوق ولا يمكن
يكون اقصدو أنه يتكلم بجد
ده نورك ياعلي يابني امال لابس كده ورايح
فين هو انت مش خارج تقعد معايا ولا اي
على
لا يا حماتي اقعد معاكي اي أنا نازل بقي وفضلت
عامله ابص ليه ومكسوفه من طريقه كلامه وقال
طيب انا همشي انا رايح مشوار وجاي
مدحت
ما انت قاعد معانا ياعلي هو احنا بنشوفك كل يوم يعني ولا ايه
على
معلش يامدحت اصل انا ورايا مشوار مهم وبعدين البيت بيتكم يلا سلام عليكم
وبعدها نزل وانا قولت
صفيه
طيب يا جماعه قوموا الاكل علي السفره
يلا ناكل
الام
لا اقعدي ماتعمليش حاجة وبعدين هو انا مش قولت لك ماتعمليش حاجة من الحاجات اللي جيبتها لك عشان تكفيكي انتي وجوزك
صفيه
ياسلام وايه يعني لما اعمل الحاجة اللي انتي جايباها ده كله من