ابويا

البنت مني بكام
شلش
ايوه بس البنت لسه صغيره ومحتاجه وقت عشان تتعلم
صابر
على فكره بقى البنت ذكيه جدا ده غير انها في منتهى الجمال وانا بصراحه عايز استغل جمالها ده قلت اي هتاجر البنت ولا اشوف حد تاني...
شلش
ماشي يا صابر هاجر البنت بس اعمل حسابك لو ما نفعتش هرجعهالك تاني
صابر
وانا بقى بقولك ان البنت دي هتنفع وهتغطي على كل البنات اللي معاك وهتعمل من وراها احلى فلوس مانا وريتلك صورتها على الموبايل البنت ما فيش زيها ولا زي جمالها قولي بقى هتدفع فيها كام في اليوم
شلش
هدفعلك فيها 30 جنيه كل يوم
صابر
قليل قوي يا معلم شلش طيب حتى خليهم 50
شلش
البنت لسه مستجده بس مع الوقت لو ظبطت وعملت زبون حلو ممكن اخليهم لك 50
صابر
وانت بقا ناوي تطلعها شقق ولا تسرحها في الشوارع
شلش
لغايه هنا وما لكش حق تسال انت تسلمني البنت وتاخد ايجارها كل يوم وادي 210 ايجار اسبوع بحاله وبكره البنت تكون عندي
صابر
من النجمه هجيبهالك ولو عايز امها فوق البيعة اجيبهالك هي كمان
شلش
ما تلزمنيش انا عايز حاجه لسه خام الزبون بيحب البنت الجديده
وبعد شوية
صابر
البنت دي طاقة قدر واتفتحتلنا
مروة
بصراحه كده انا صعبان عليا البنت دي يعني بدل ما نربيها كويس نشغلها في الحړام
صابر
جري اي يا مروه انت صدقتي ان هي بنتك ولا ايه تحمد ربنا انها لقيت حد يربيها ويصرف عليها لغاية ما بقي عندها عشر سنين
مروة
انا بس بقول يعني تبيع السلسله وخلاص باي تمن بدل ما ربنا يحاسبنا على اللي هنعمله في البنت دي
صابر
البنت هتتعلم شغلانه تعيشها مبسوطه العمر كله مش لوحدها واحنا كمان على الاقل نطلع من الفقر اللي احنا فيه ولا انتي عاجبك العيشه دي
مروة
انا بس بقول يعني...
صابر
ما تقوليش حاجه يا مروه وما فيش كلام بعد كلام بكره الصبح بدري تصحي البنت وتصحيني معاها عشان اسلمها لشلش
مروة بزعل
حاضر يا صابر
صابر
امسكي ال 150 جنيه دول مصاريف السبوع كله
مروة
وهما ال 150 جنيه دول هيكفوا اي ولا اي
صابر
صرفي نفسك بيهم يا اختي كلها شويه والبنت تتعلم الشغل وبدل ال 30 يبقوا 50
مروة
هو انت ناوي تصرف من الفلوس اللي هتيجيلك من ورا البنت مش ناوي تشتغل ولا ايه
صابر
اشتغل ازاي هو انا اكون معايا كنز زي جنه واشتغل انت شايفه البنت بقى شكلها ايه بعد خمس سنين كمان يعني في 2019 ولا في 2020 البنت دي هتبقى اجمل بنت في المنطقه كلها وهنعمل من وراها احلى فلوس..
وتاني يوم بياخد صابر البنت وبيوديها لشلل
صابر
اتفضل يا شلش البنت يا رب بس تقدر النعمه اللي معاك وتقدرني انا كمان
شلش
سلام يا صابر بالسلامه انت
جنة بدموع
ما تسيبنيش يا بابا ما تسيبنيش يا بابا
صابر
اسكتي بدل ما اضربك على وشك قلم يوقع صف اسنانك انتي هنا مع المعلم شلش ولازم تسمعي كلامه
جنة
خلاص يا بابا انا مش هروح المدرسه بس خدني معاك مش عايز اقعد مع الراجل ده وشه وحش قوي
شلش
بكره تتعودي على الوش ده ما خلاص يا صابر امشي امال..وبعد ما بيمشي صابر
شلش
اقطع دراعي لو كانت البنت دي بنتك يا صابر
جنة
لو سمحت خليني امشي انا مش عايزة اقعد هنا
شلش
تمشي فين بس يا حلوه هو دخول الحمام زي خروجه وبعدين هو انا هلاقي واحده زيك ولا في جمالك من فين ده انتي كنز... وبياخد شلش البنت وبيوديها لام السعد
شلش
انا عايز البنت دي خلال يومين تتعلم الشحاته كويس قوي وبعد ما هتعلم الشحاتة تعلميها السرقه
ام السعد
انت وقعت على البنت دي فين معقول الجمال ده
شلش
هو انت