ابويا

يا عز
عز
تحب حضرتك السواق يوصلك اي مكان قبل ما تروح الفيلا
كاظم
انا هروح ازور قبر اخويا مراد الله يرحمه وهاخد ابني معايا عشان يزور قبر عمه
عز
طيب ما تروح الفيلا النهاردة تستريح وبكرة حضرتك تروح تزور
كاظم
انا اخدت عهد علي نفسي اول حاجة اعملها لما انزل القاهره ازور قبر اخويا الله يرحم
مرات كاظم
وانا هروح معاك أزوره اتحرك يا اسطي لو سمحت ... واول ما وصلوا المقاپر بدا كاظم يبكي
عز
ربنا يرحمه يا كاظم بيه
كاظم
اللهم امين بس انا عندي احساس جوايا غريب قوي بيقول ان جنه لسه عايشه
عز
مش عارف اقولك ايه يا كاظم بيه حتي إحنا جبنا غواصين وفرق إنقاذ وللاسف مافيش اي حاجة ظهرت
كاظم
انا عارف ان انت عملت كل ده بس الاحساس اللي جوايا مسيطر عليا وحاسس اني ممكن الاقيها قريب وقريب قوي كمان
مراته بهمس ل عز
من ساعة اللي حصل وهو مش مصدق ان اخوه راح ده غير زي ما بيقول لك عنده احساس ان البنت لسه عايشه
وفاتح حساب تاني حاطط فيه كل ثروه اخوه مراد الله يرحمه واي ارباح بتيجي بيحطها بالنص في الحساب ده بيقول ان عنده امل البنت لسه عايشه وفي يوم هتظهر وتاخد ورث ابوها...
كاظم
يلا بينا عشان نطلع على الفيلا بص لابنه الصغير وقاله... ده قبر عمك مراد ومرات عمك فريده ومش عايزك تبطل زيارتهم ابدا فاهم
ابنه
حاضر يا بابا....
عدت حوالي 4 سنين كمان ودلوقتي جنه بقى عمرها 10 سنين
صابر
بقو طلك ايه يا مروه البنت دي مش هينفع تروح المدرسه تاني دي بتصرف اكتر مننا
جنة
بس انا يا بابا بحب المدرسه وعايزة اتعلم زي باقي اصحابي
صابر
هبقى اخلي مامتك تذاكر لك هنا في البيت لكن المدرسه انسيها خالص
جنة
ايوه يا بابا بس انا بحب المدرسه
صابر
وبعدين معاكي بقى حبه برص يعني احنا ڼموت من الجوع عشان خاطر حضرتك تتعلمي
مروة
بقولك اي يا حبيبتي بابا قال مافيش تعليم يبقي مافيش تعليم
جنه بكت ودخلت اوضتها تنام...
صابر
بقولك ايه ما تجيبي السلسله اللي كانت في رقبة البنت نبيعها على الاقل تفك زنقه
مروة
تصدق انا كنت ناسيه حوار السلسله ده دي تعملها مبلغ هدخل اجيبها من جوه... ودخلت مروه جابت السلسله واخدها صابر عشان يبيعها
الجواهرجي
صدقني يا حبيبي ما تستاهلش اكتر من كده
صابر
انت بتقول ايه بس يا خواجة سلسلة دهب وزنها 25 جرام عايز تاخدها بى جنيه هو انا سارقها ولا ايه ده لو سارقها كنت هتشتريها اكتر من كده
الجواهرجي
انا ممكن ازودلك 200 جنيه كمان بس اكتر من كده مش هزود وانا عارف ان السلسله دي مش بتاعتك
صابر بتوتر
وانت اي إللي خلاك تقول انها مش بتاعتي
الجواهرجي
عشان الصوره اللي على السلسله ما فيش حد بيعمل النوع ده غير الطبقه الغنيه جدا لانها معموله بالليزر وده مكلف جدا وانت حبيبي ومش ممكن تعمل حاجه زي كده...
صابر
بقولك ايه انا مش هيبيع هات السلسله
الجواهرجي
خلاص انا هديلك فيها 2000 جنيه هتبيع
صابر
قلتلك مش هيبيع هات السلسله خلاص... وخد صابر السلسله ورجع بيها على البيت
مروة
طيب كنت تبيع السلسله على الاقل كانت فكت ديقتنا
صابر
عايزاني ابيع السلسله بعد ما عرف انها مش بتاعتنا ومش بعيد يدور يعرف صاحبه الصوره ده غير بقى ان السلسله دي تستاهل اكتر من كده بكتير
مروة
وبعدين هنعمل ايه احنا ما بقاش معانا غير 25 جنيه يا دوب يكفونا بكره
صابر
خلاص انا لقيت الحل
مروة
هتعمل ايه هتروح تبيع السلسله لحد تاني
صابر
انا هوصل مشوار دلوقتي لغايه الاشاره ولما اجي هعرفك انا ناوي على ايه...
وبعد شوية في الإشارة
صابر
قلت ايه يا معلم شلش هتاجر