ابويا

الجوازه التانيه
عز
بصراحه كده با كاظم بيه مراد بيها الله يرحمه كان بيحب مراته جدا وممكن يكون قالك انه مخلف عشان ما يتجوزش عليها
كاظم
ايوه بس ازاي وهم كانوا جايين على فرنسا هنا انا لو حتى الصحيه تسمح كنت نزلت القاهره بس الدكاتره محرجين عليا اني اتحرك حتى من السرير
عز
ما تزعلش مني يمكن يكون استغل انك مش هتقدر تتحرك من مكانك وعمل كده
كاظم
ما انا اكيد كنت هطلب اني اشوف البنت ولا دي كمان هينفع يخبيها منه
عز
كان ممكن يجيب اي بنت تانيه ويتبناها ويقول انها بنته او يجيب اي بنت كده من اي حد معرفه عشان تسكت
كاظم
لا ما اعتقدش ان مراد ممكن يفكر كده لان الموضوع مسيره ينكشف انا متاكد ان عمليه الحقن المجهري نجحت وانا مكلم الدكتور بنفسي اللي عمل لمراته العمليه وقال انها حامل
عز
فيبقى تاهت ولقيناها احنا نكلم الدكتور ممكن نكون ولدت عنده في نفس المستشفى ده لو حصل حمل اصلا
كاظم
فكره كويسه قوي حاول تجيب رقم المستشفى بص انا معايا رقم الدكتور هتصل بيه دلوقتي... وفعلا بيتصل كاظم السيوفي بالدكتور وبعد ما بيقفل معاه
كاظم
عشان تبقي تصدقني أن مراد خلف فعلا و البنت كانت معاهم
عز
احنا يا فندم رحنا بيت السواق بس ما لقيناهوش موجود مش معقول يعني يقول لا الطفله واخذها خصوصا انه حالته الماديه زي الزفت
كاظم
انا عايز اوصل لجنه باي طريقه ايا كانت انت ما تعرفش مرات اخويا كان غالي عندي ازاي وهي الوحيده اللي ممكن تصبرني علي فراقه
عز
انا عندي تخمين يا فندم بس صعب شويه... هو صعب على حضرتك ان انك تسمعه
كاظم
قول يا عز اللي عندك المصائب لا تاتي فرادي
عز
الحاډثه حصلت قريب من ترعه هو ممكن تكون بنت اخو حضرتك...
كاظم
ما تكملش خلاص قصدك تقول انها ڠرقت في الميه
عز
ده التخمين اللي عندي والاقرب للحقيقه طالما البنت ما وصلتش للمستشفى
بعد مرور أربع سنين عند صابر السواق...
صابر
اخيرا رجعنا للحاره تاني
مروة
والحمد لله ما فيش حد شك ان البنت مش بنتنا مع ان ما فيش اي شبه بيني وبينها ولا بينك وبين البنت
صابر
البنت ما شاء الله فلقه قمر فعلا تربيه زوات
مروة
اهم حاجه يكون اهلك اكدوا انها ماټت في الحاډثه
صابر
هو انتي لسه عندك شك في الموضوع ده الحاډثه فات عليها ست سنين ولما البنت كانت لحمه طريه كان زمانها اتكسرت ده انا طلعتها من وسط الكراسي
مروة
يعني انت ما رحتش بالبنت المستشفى
صابر
هو انا يعني لو كنت رحت بيها المستشفى كانوا هيخرجوني بيها انا سبتها بين الكراسي لغايه ما رحت المستشفى وجيت وديتها عند امي في السيده زينب وتاني يوم رحت قسم الشرطه عشان نقفل المحضر
مروة
يعني انت من الاول كنت ناوي تاخد البنت دي
صابر
بصراحه كده ايوه ما انا كمان نفسي في حته عيل يقول لي يا بابا وخير وجه لغايه عندي ارفضه... وبعدين ما عدتيش تفتحي السيره دي ثاني خالص
مروة
طيب اعمل حسابك عشان تقدملها في المدرسه
صابر
انا مش شايف اي لازمه انها تروح المدرسه خليها هنا معاكي في البيت وخلاص إحنا مش ناقصين مصاريف
مروة
لا كله الا المدرسه حتى لو مش بنتي لازم البنت تتعلم
صابر
ايوه بس احنا غلابه واللي جاي على قد اللي رايح
مروة
فما فكرتش ان احنا غلابه لما جبتها عشان نربيها البنت لازم تروح المدرسه يا صابر يعني لازم تروح المدرسه فاهم ولا لا
صابر
خلاص نوديها المدرسه بس اعملي حسابك لو ما قدرتش على مصاريفها هخرجها من المدرسة
في مطار القاهرة الدولي
عز
حمد الله على السلامه يا كاظم بيه نورت القاهرة
كاظم
الله يسلمك