ابن عمها الصعيدي

حاجة يامرت عمي صوح ولا لع
سعاد
اني جولت أكده. دي ياعمي.......
نجية
ايه عتجولي لعمك يلا خوشي جوه كملي شغلك وانت ياعسران تعالي معايا عايزاك في كلمتين جوه
ودخلت نجيه مع عسران وقالت له
بجولك ايه اوعي تكون بتفكر لسه انك تجوز البت دي لولدك الا والله اسيب لك الدار وامشي اروح علي بيت اخوي ومش عتشوف وشي واصل
عسران
واااه جرا ايه ياولية انتي هو اني مش بعمل أكده لمصلحتنا ومصلحة ولادنا ولا ايه
نجية
انت بتعمل عشان مصلحتك انت وبس ياعسران انما مش عشاني اني وولادي هو اني يعني مش عارفاك كويس
عسران
خلاص يانجيه بطلي حديدك الماسخ ده اني ماشي من جدامك ومش جاعد
وعند منصور ابنه فارس قاله
اني بعد تفكير يابوي لجيت اني من مصلحتنا اني اتجوز سعاد بت عمي وزي ماتيجي بجا يابوي طلعت حلوه طلعت عفشه اديني هتجوزها وخلاص
منصور
عين العجل يافارس ياولدي ايوه أكده فرحت جلبي اني أكده بجيت مطمن على مستجبلك ومسجبلنا وياك وكل العز بتاع عمك عيكون لينا احنا
وراح فارس ومنصور عند عسران البيت وقال له
منصور
احنا جايين النهاردة ياعسران عشان نطلب يد سعاد بت اخوك لولدي فارس اهو عمها برضك وهو أولى بيها من الغريب
عسران
انت عتجول ايه يامنصور انت عايز تجوز سعاد لولدك فارس بس اني حجزها لولدي على يامنصور
منصور
كيف يعني تحجزها لولدك على وهي بجا موافجة على أكده ولا لسه ماخدش رايها
عسران
ومن مېته البنته عندينا ليهم رأي يامنصور اني هجوزها لولدي على من غير ماخد رأيها في حاجة
فارس
كيف يعني ياعمي سعاد من حجها تختار الراجل اللي هتعيش وياه مش هينفع انك تجوزها ڠصب عنيها خود رايها ياعمي
عسران
اسكت انت ياواد لما الكبار يتحدتو الصغار يسكتو
فارس
بس اني من حجي اتكلم ياعمي ده جواز مش لعب عيال
ومشي منصور وفارس من عند عسران
وكان قاعد مع نجيه وقالها
الواد فارس عايز يتجوزها يانجية واخوي مصمم عليها اني لازم اجول لها على فارس وعلى واخليها تختار على
نجية
لا يا عسران البت دي مش هتتجوز ولا على ولدك ولا فارس ولد اخوك هي هتفضل اهنه عايشة خدامة تخدمني وبس واني بجا هاجولهم على أنها مشوهه وان محدش هيطيج يبص في وشها العفش ديه
عسران
انتي ياولية لا بترحمي ولا عايزة تسيبي رحمة ربنا تنزل انتي ايه اسمعي يانجية لو نطجتي بحرف واحد جدام ولدك على هكون مطلجك وراميكي بره الدار دي
نجية
ماشي ياعسران بس ولدي مش هيتجوز البت دي واللي انت عايز تعمله اعمله بس بعيد عن ولدي اني جولت لك اهو
وعسران قرر انه ياخد رأي سعاد لان منصور بيزن عليه عشان يجوزها ابنه ونده عليها وقالها
اسمعي ياسعاد يابتي انتي بختصار أكده جاي لك عريس وانتي المطلوب منيكي تختاري وتجولي اه او لع وصدقيني يابتي محدش عيغصبك على حاجة انتي مش عايزاها والعريس ده يبجا فارس ولد عمك منصور ها جولتي ايه
سعاد
واني موافجة ياعمي اني اتجوز فارس ولد عمي منصور
عسران سكت شوية كده وقالها
ديه اخر كلام عنديكي ياسعاد خلاص يابتي يبجا اللي تشوفيه على بركة الله اني هبلغ منصور يجيب ولده ويجو نجرا فاتحتكم ونكتبو الكتاب علطول
وفعلا جه منصور وفارس كتبو كتاب سعاد اللي راحت عندهم البيت عشان مصدقت تخلص من نجية واللي بتعمله فيها وبعد الفرح ماخلص دخلت سعاد وفارس اوضتهم وفارس قالها
جرا ايه ياسعاد هو انتي مش ناويه توريني وشك ولا ايه مش من حجي اشوفك برضك
سعاد
جبل ماجلع النقاب يافارس انت ناوي تتجبلني بشكلي لو طلع وشي في حاجة
فارس
اسمعي ياسعاد اني وافجت اتجوزك لأنها كانت رغبة ابوي واني جولت اني عشوفك واكده ولا أكده انتي بت عمي واني مش هينفع اتخلى عنك واصل يعنى باختصار أكده اني مش هينفع اجول اننا نبعد
سعاد
تمام يافارس وادي وشي اهوه شوفو
فارس اټصدم لما شافها وقال
واااه ايه ده اللي في وشك دي يابت عمي ايه عشان أكده بتداريه عن الناس
سعاد
ايوه انا مولده بالوحمة الكبيرة اللي في وشي دي يافارس نصيبي كده وكان لازم اخبي وشي عن الناس واديك شوفتني لو عايز تطلجني دلوك يبجا مش هالوم عليك ابدا
فارس
ولما اطلجك الناس مش هتجيب سيرتك دول مش بعيد يجولو عليكي معيوبة لقدر الله اسمعي يابت الناس انتي خلاص بجيتي