ابن عمها الصعيدي

اوضتة
عسران
هو انتي كان لازم تتسحبي من لسانك انتي ايه ياولية انتي فجرية احنا عايزين نجوز على لسعاد عشان كل الورث بتاع عبد الحكيم يبجا لينا في الأخر ولا ايه
محمود
خلاص يابوي اتجوزها انها ههههه
عسران
أخرس ياواد يا مخبول انت دي سعاد أكبر منيك بعشر سنين
نجية
اسمع ياعسران انت تتصرف وتأخد منيها الورث من غير ماتجوزها لولدي انت فاهم ولا لع
وعند منصور فضل رايح جاي في الاوضة بتاعته كريمة مراتة قالت له
وااه جرا ايه يامنصور خيالتني ياراجل رايح جاي في الاوضة مش عارفة انام منيك اباااي عليك مالك مش على بعضك أكده ليه
منصور
ياولية يامخبولة انتي عمال من الصبح اجولك عسران اخوي واخد البت سعاد عنديه في داره عشان ياخد ورثها ديه طمعان فيها اني عارف أكده زين
كريمة
وانت اش عرفك انه طمعان فيها مش يمكن بيعمل أكده عشان خاطر اخوك عبد الحكيم الله يرحمة وهي مبجاش ليها حد غيركم
منصور
طيب وليه مناخدهاش احنا اهنه عندينا ياكريمة ماحنا أولى بالورث من عسران اللي الطمع مالي جلبة
كريمة
بجولك ايه ياراجل انت طفي النور بجا وسبني انام اني دماغي مصدعة طول اليوم واجفة على رجلي لحد مابجت مش شيلاني واصل
منصور
اتخمدي ياكريمة اتخمدي اعوزو بالله منك وليه
وسابها في الاوضة وخرج بره في الصالة وفضل يشرب سجاير
وتاني يوم عند عسران نجية دخلت تصحي سعاد من النوم وقالت لها
انتي ياست هانم يلي لسه نايمة لحد دلوك جومي ياختي جومي شوفي اللي وراكي الشمش نورت الدنيا وانتي لسه نايمة
سعاد بصت في الساعه وقالت
الساعة لسه سته الصبح يامرت عمي عايزاني اجوم دلوك اعمل ايه
نجية
تعملي ايه انتي وراكي شغل كاتير النهاردة في الدار اول حاجة هتعمليها هتحلبي البهايم وتدخلي على الدار تنضفيها وبعدين تدخلي على المطبخ تحضري الوكل يلا جومي واعملي لك همة شويه النهار اجصير ومفيش وجت لدلع البنته ديه
سعاد بتافف
حاضر يامرت عمي اديني جايمة اهو روحي انتي واني جايه وراكي علطول
وخرجت سعاد من اوضتها وفضلت تشتغل في البيت طول النهار وهلكت ودخلت الاوضه وفضلت ټعيط وقالت
هو اني هفضل في الغلب ديه لحد امتى ياربي اني تعبت على الآخر ونجية معندهاش رحمة واصل يارب رحمتك بيا بجا وفضلت ټعيط
وعند منصور في البيت قال لمراته وابنة فارس وبنتة امال
اسمعو اني نويت اجيب سعاد بنت عمكم اهنه تجعد ويانا وكمان نويت اجوزها لفارس
فارس
ايييه تجوزني لمين يابوي انت ايه الحديد اللي عم بتجوله ديه اني اتجوز سعاد ده اني عمري ماشوفت شكلها عامل كيف يبجا اتجوزها واني معرفش شكلها واصل ديه كلام برضك يابوي
كريمة
ايوه صوح يامنصور احنا عمرنا ماشوفناها ده اني موقعاش عليها من هي بنته صغيرة اد أكده
منصور
سعاد بت اخوي حلوه ياكريمة ومالها يعنى عشان لابسه نقاب هاتجولي انها وحشة وتطلعي فيها حاجة عفشة بطلي ياكريمة حديد ماسخ
امال
طيب يابوي ماتجيبها تجعد ويانا اهنه ونشوفها شكل عامل كيف وبعديها فارس اخوي يجرر يتجوزها ولا لع
منصور
ليه وهو انتو فاكرين ان اخوي عسران ناوي يسيبها تيجي تجعد ويانا اهنه ده ماسك فيها بيده وسنانة وعمره ماهيسبها واصل
كريمة
طيب وايه العمل بجا يامنصور هنجيبها اهنه كيف وانت عتجول ان اخوك مش هسيبها واصل
منصور
ماهو اني هاروح ليه واجوله اني عايز اجوز سعاد لفارس وساعتها نجيبها عندينا اهنه
كريمة
ايوه صوح يامنصور عنديك حج يبجا هو ده الحل عشان تجيب سعاد تجعد ويانا
فارس
حيلك ياما انتي وابوي واني كيف هوافج عليها واني معرفش شكلها لع يابوي اني مش موافج اتجوز بالطريقة دي
كريمة
ياولدي دي عنديها خير ياما دي عمك عبد الحكيم سايب ليها ورث كاتير جوي
منصور
ايوه يافارس انت لازم توافج عشان الورث كله يبجا لينا ياولدي لحسن عمك حاطط عينة على ورثها عشان أكده مجعدها عنديه
فارس
خلاص هافكر في الموضوع ده ونشوف بجا النصيب هيعمل ايه
وعند عسران رجع البيت شاف سعاد بتشتغل وقال
انتي بتعملي ايه ياسعاد يابتي انتي بتنضفي بنفسك الدار دي كلتها ليه ومرت عمك فينها أكده
سعاد
مرت عمي في اوضتها ياعمي وبعدين اني من يوم ماجيت اهنه واني بشتغل وبعمل كل حاجة في الدار مش جديدة عليا يعني
خرجت نجية من جوه وقالت
وهو مش انتي يابت انتي اللي جولتي لي انك عايزة تشتغلي في الدار وجولتي متحطيش يدك في