ابن عمها الصعيدي

يرحمة يعنى لازم تسمعي كلامي يلا بينا
وراحت معاه سعاد على بيته ودخلت نجيه قالت لها
يامرحب ياسعاد كيفك أكده
سعاد
اني بخير يامرت عمي نحمد ربنا
نجية
هو انتي لسه لبسه النقاب ديه هو انتي مش ناوية تجلعيه ولا ايه هتفضلي عايشة بيه أكده طول عمرك ده اني حتى عمري ماشوفتك
سعاد
اني مبسوطة بالنقاب يامرت عمي ومرتاحة فيه ومش ناوية اجلعه واصل
نجية
خلاص انتي حره بجا بجولك ايه غيري خلاجتك وادخلي على المطبخ جهزي الوكل لعمك وبعدين تخرجي توضبي الدار كلتها من فوج لتحت يلا وريني شاطرتك
سعاد
انتي عايزاني اعمل كل حاجة في الدار يامرت عمي انتي عايزاني اشتغل خدامة عنديكي اهنه
نجية وهو انتي يعني عتشتغلي في دار حد غريب ديه دار عمك يعني تعتبر دارك يلا بجا وريني الهمة انتي هتجعدي النهار بطولة ترغي يلا يابت
سعاد دخلت الاوضة تغير هدومها وقالت لنفسها
ياربي اعمل ايه وياها مرت عمي المفترية دي شكلها ناوية تطلع عيني ربنا يستر بجا والله يرحمك يابوي كنت حايش عني كاتير جوي ربنا يعيني على الجاي مع نجيه مرت عمي
وغيرت هدومها ونزلت لمرات عمها وفضلت تشتغل طول النهار وجات بالليل وقالت لمرات عمها
اني خلصت يامرت عمي في حاجة تاني هعملها في شغل الدار دي ولا خلاص أكده
نجية
ايوه مش فاضل بس غير انك تحلبي البهيمة اصل البت اللي بتحلبها مجاتش النهاردة ومش لاجيه حد يحلبها
سعاد
بس اني عمري ماحلبت البهايم جبل أكده يامرت كيف يعني احلبها
نجية
تخوشي الزاريبة وتعملي تحلبي البهيمة ياضنيا ويلا بجا بلا كتر حديد عمك زمانة راجع من برة هو وولاد عمك وهايعوزو يتعشو يلا يابت
وعند عسران كان راجع بيته قابلة منصور اخوه وقاله
كيفك ياعسران كيفك ياخوي
عسران
اهلا يامنصور كيفك انت كيف مرتك وعيالك
منصور
كلهم ابخير ياعسران الا جولي هو صوح سعاد بت اخوك عبد الحكيم الله يرحمة جعده عنديك في دارك
عسران
ايوه يامنصور اني خدتها عندي في داري انت عارف انها كانت عايشه لوحديها بعد اخوك الله يرحمة ماراح ومكنش ينفع اسيبها لوحدها في الدار أكده وهي وافجت انها تعيش ويانا
منصور
اااه ومالو ياخوي ماهي برضك مش هينفع نسيبها تعيش لوحدها بس اني بجول يعنى انت عنديك شباب ومينفعش انها تجعد وياكم وسط ولادك الشباب يا عسران
عسران
تجصد اييه بحديدك ده يامنصور
منصور
اجصد يعنى اني اني عندي بت وولد يعنى هتبجا هينه شوي لو عاشت ويانا في دارنا
عسران
انت بتجول ايه يامنصور لع طبعا سعاد هتفضل جاعدة عندي في داري وكمان اني بفكر اجوزها لعلي ولدي واهو يبجا زيتنا في دجيجنا ولا ايه
منصور بخبث
ااه جولت لي يعنى الحكاية أكده انت حاطط عينك على سعاد لولدك على طيب ياخوي على بركة الله اسيبك اني بجا عشان ورايا مشوار امهم فوتك ابعافية ياخويا
وسابه ومشي وعسران رجع البيت وسعاد حطت الاكل ليه هو وولادة ومراتة ودخلت اوضتها لأنها مش بتعرف تاكل قدامهم بالنقاب
وهما بياكلو على قال
الله الوكل النهارده حلو جوي ياما ده مين اللي طابخ بجا
رد محمود اخوه وقال
فعلا ياعلي الوكل حلو جوي جوي ده مش طعم طبيخك ياما ده
نجية
واااه ماتاكلو منك ليه ياواد وانت ساكت وبعدين سعاد بت عمكم هي اللي طبخت الوكل ديه كله
على
ااه جولتي لي اني برضك جولت ده مش طعم طبيخك ياما
نجية
تجصد ايه ياعلي تجصد تقول ان امك مابتعرفش تطبخ
على
لا العفو ياما ازاى انتي عليكي وكل يجنن ياما
عسران
طيب حيث أكده ياعلي ايه رايك في سعاد بت عمك نجوزهالك
نجية
تجوزه لمين ياعسران لاه طبعا اني مش موافجة على أكده بقا على ولدي زينة الشباب يتجوز سعاد بت اخوك دي وشها ...... لع ياخويا لع اوعي تفكر في أكده
على
وشها ماله ياما هو في حاجة عفشه في ولا ايه جولي ياما
نجية
ها ااه دي وشها......
وقبل ما تكمل كلامها عسران زعق وقال
نجية ايه الحديد الماسخ اللي عتجوليه دي انتي اتجنيتي في عجلك ولا ايه مالو وش سعاد ماهي البت زي الفل اهيه
نجية
يعني مسالتش نفسك هي لابسة النقاب ومدارية فيه ليه مانت شايفها وعارف شكلها كويس
محمود
ايوه بجا ياما مالو شكلها ماتفهمونا
على
ايوه صوح ياما مالو وشها وانت يابوي ازاى عايزني اتجوز واحدة عمري ماشوفتها ابدا في حياتي لع اني لازم افهم كل حاجة والا اني مش موافج
وسابهم ودخل