زواج بحبر شفاف للكاتب عادل عبد الله

انتي وخلود مش هخرج معاه وبصراحة انا عاوزة اخرج معاه بره البيت علشان أتأكد اذا كانت شكوكي في محلها ولا لأ .
وهتتأكدي ازاي
ياسمين دي طريقتي انا بقي .
ولقيت نفسي اتدبست في الخروجة دي معاهم وانا مش عارفة هتصرف ازاي ورشديوياسمين قدامي !!!
لما مشيت ياسمين اوصلت برشدي وقولتله پغضب انت اي اللي انت عملته ده يا رشدي
عملت ايه
دبستني في الخروجة دي معاكم وانا هبقي في موقف وحش اوي .
موقف وحش ليه
يعني افرض ياسمين هزرت او ضحكت معاك انت فاهم احساسي هيبقي اي وقتها
كنتي اعتذري وخلاص .
ياسمين صممت ومعرفتش اهرب منها .
طيب خلاص يا حبيبتي تعالي معانا انتي وخلود وانا هاخد بالي كويس واحافظ علي مشاعرك اني مش اجرح مشاعرك او اعمل موقف يضايقك .
طيب يا رشدي انا هروح معاكم لكن خلي بالك لو حصلت حاجة تضايقني مش هعديها علي خير .
وفعلا في اليوم المحدد اخدت خلود وخرجنا مع رشدي وياسمين واولادهم .
واللي عملت حسابه لقيته ياسمين من اول ما خرجنا وهي ضحك وهزار وتمسك ايد رشدي و انا مفروسة ومش عارفة اعمل لكن كنت لازم اعمل حاجة علشان الغل اللي جوايا يروح واستخدمت كيد النساء و......
الحلقة ٦
وفعلا في اليوم المحدد اخدت خلود وخرجنا مع رشدي وياسمين واولادهم .
واللي عملت حسابه لقيته ياسمين من اول ما خرجنا وهي ضحك وهزار وتمسك ايد رشدي و انا مفروسة ومش عارفة اعمل ايه لكن كنت لازم اعمل حاجة علشان الغل اللي جوايا يروح واستخدمت كيد النسا وقولتلهم بصوت عال
تخيلي مين كلمني البارح يا ياسمين
ياسمين مين
صلاح صاحب رشدي وخالد الله يرحمه .
تاني !!! ليه كان عاوز اي تاني
بيقولي ان العدة خلصت و بيقولي انه عاوز يتجوزني قولتله اني مش بفكر في الجواز قالي انه مستعد يعمل اي حاجة عاوزاها حتي لو هيطلق ندي .
يخربيته !!! بتتكلمي جد
ايوه .
وانتي قولتيله ايه
قولتله سيبني افكر .
وانتي بجد هتفكري تتجوزيه يا هيام
بعد اللي انا شايفاه ده هبدأ افكر .
رشدي تقصدي ايه يا هيام باللي انتي شايفاه ده
اقصد سعادتكم انت وياسمين ماشاء الله انا مش بحسد .
ياسمين بصراحة يا هيام الحب اللي بيني وبين رشدي حب يتكتب في روايات .
واضح يا حبيبتي واضح ربنا يسعدكم و يهنيكم .
رشدي كان قاعد مرتبك ومش قادر يسكت ياسمين وفي نفس الوقت مش عارف يهديني وانا مع كل كلمة ياسمين بتقولها دمي بيغلي زيادة .
وبعد دقايق جاتلي فرصة كنت مش اتوقعها ابدا .
جنة بنت رشدي كانت عاوزة تدخل الحمام وياسمين اضطرت تاخدها وتروح بيها للحمام ولحسن الحظ خلود بنتي قامت معاهم .
واتبقي رشدي و بنته لوجي ٤ سنين قاعدين معايا .
مش قدرت امسك نفسي خصوصا ان لوجي بنته صغيره ومش فاهمة وقولت لرشدي احنا كل اللي بينا انتهي لازم تطلقني دلوقتي .
حقيقي يا هيام صلاح كلمك تاني وقالك انه ممكن يطلق ندي علشان يتجوزك
متهربش يا رشدي سيبك من صلاح ومن زفت انت ايه اللي بتعمله انت والهانم ده
انا مش عملت حاجة قدامك هي اللي مش عارف بتعمل كده ليه !!! دي مش بتعمل معايا كده في البيت !!!
اذا كنتوا بتعملوا كده قدامي بين الناس يبقي بتعملوا ايه وانتو لوحدكم !!
هيام انا مش بحب غيرك انتي وانتي عارفة كده كويس .
رشدي مد ايده ومسك ايديا وقالي اوعي تقولي كده تاني انا بحبك انتي فاهمة يعني ايه بحبك انتي ومش اقدر اعيش من غيرك .
ياسمين رجعت وكان معها بنتها وخلود بنتي رشدي ترك ايدي بسرعة وبدأنا نتكلم في اي حاجة علشان ياسمين مش تلاحظ .
ياسمين رجعت وكانت بتبص لي اوي وسألتني انتي بجد ناوية تعملي ايه مع صلاح
مش عارفة لحد دلوقتي هعمل ايه يا ياسمين .
انا لو منك اوافق .
ده رأيك
ايوه طبعا .
وندي اقوله يطلقها
دي حاجة ترجعلك انتي لو عاوزاه يطلقها قوليله .
وندي ذنبها ايه
ندي طول عمرها انزوحة ومتكبره تستاهل بقي .
انتي بتتكلمي جد !! ده رأيك !!
وفجأة لوجي
بنتهم ضحكت وقالت لمامتها عارفة يا ماما .
ياسمين نعم يا حبيبت ماما .
انا بحب بابا اوي لكن هو مش بيحبني .
ليه بتقولي كده !!! بابا بيحبك اوي طبعا .
لا يا ماما مش بيحبني زيك وزي طنط .
بتقولي ايه طنط مين
طنط هيام .
ياسمين بصت بأندهاش انتي ليه يا حبيبتي بتقولي كده
ايوه هو ببحبكم انتوا وانا لأ علشان طنط لما كانت بټعيط من شوية و بابا كان ماسك ايدها علشان تضحك زي ما بيعمل معاكي في البيت . انما انا لما بعيط بابا مش بيمسك ايدي .
انا كان قلبي هيقف ولساني اټشل مش قادرة انطق ولا كلمة لكن رشدي قال لبنته ايه اللي بتقوليه ده يا بنت !!! بتكدبي ليه كده مش عارفة ان كده عيب وحرام !!!
ياسمين وشها اتغير وقالت لرشدي كنت ماسك ايديها ليه يا روميو
رشدي انتي هتصدقي البنت ولا اي !!! دي بنت صغيرة مش فاهمة حاجة .
انا قولتلها انتي بتقولي اي يا ياسمين !!! عيب اللي بتقوليه ده !!
والله العيب عليكوا انتوا الاتنين !! مش لقيتي قدامك الا جوزي انتي يا هيام اللي شاغله جوزي وانا مش عارفة !!! وانا من خيابتي كنت بشتكي ليكي انتي !!!
لا انا قايمة مادام وصلت للدرجة دي وانسي انك تعرفيني خالص .
قومت انا وخلود مشينا وسألتني خلود في الطريق بجد يا ماما عمو رشدي مسك ايدك
انتي اټجننتي يا خلود !!! عيب اللي بتقوليه ده .
لوجي هي اللي قالت يا ماما .
دي بنت كدابة وقليلة الادب .
انتي صحيح مش هتكلمي طنط ياسمين وعمو رشدي تاني
ايوه مش هكلمهم يا خلود انتي مش شوفتي قلة ادبها !!
بعد حوالي ساعتين رشدي كلمني وقالي مشيتي ليه يا مچنونة
انت مش شوفت اللي حصل !!!
انتي مش عرفتي تتصرفي صح .
والله !! وكنت المفروض اعمل اي بعد كلامها .
ارتباكك وخۏفك هو اللي خلا ياسمين تتكلم كده .
وانت كنت عاوزها تعمل ايه بعد كلام لوجي !!!
يا حبيبتي البنت صغيرة وبأي كلمتين ممكن نطلع من الموقف .
انا مش توقعت ابدا ان البنت تاخد بالها وتقول كده .
مش مهم خلاص حصل خير .
حصل خير ازاي يا رشدي !!! ياسمين عملت معاك اي بعد ما قومنا ومشينا انا وخلود
عرفت اقنعها واخليها تتصل بيكي تعتذرلك .
تتصل بمين !!!!
ياسمين هتتصل بيكي النهارده تعتذرك صدقيني وهتشوفي .
ليه انت قولتلها ايه
مش مهم بقي انا ليا طريقتي معها وعارف بأثر عليها ازاي .
يخربيتك يا رشدي ده انت مچرم .
ضحك رشدي اوي وقالي طيب بالمناسبة بقي عايز اشوفك دلوقتي .
لا دلوقتي مش هينفع .
علشان خاطري لازم اشوفك دلوقتي .
طيب ماشي انا نازلة ورايحة شقتنا وهكون هناك كمان ساعة .
الحلقة ٧
علشان خاطري لازم اشوفك دلوقتي .
طيب ماشي انا نازلة ورايحة شقتنا وهكون هناك كمان ساعة .
اغرب حاجة ان فعلا ياسمين اتصلت عليا بالليل !!!
لما شوفت اتصالها مش رضيت ارد عليها علطول علشان افهمها اني زعلانه منها الا لما كررت اتصالها ٣ مرات .
عايزة اي يا ياسمين تاني بعد اللي عملتيه معايا !!
اسفة يا هيام لكن اعذريني انا اټجننت لما البنت قالت كده وانتي عارفة انا بحب رشدي ازاي وبغير عليه اد ايه !!!
لكن انتي كلامك كان جارح اوي يا ياسمين واحرجتيني قدام جوزك وقدام خلود بنتي .
خلاص بقي يا هيام علشان خاطري سامحيني .
حاضر هسامحك خلاص لكن عاوزاكي تعرفي اني مش انا الست اللي ټخطف جوز صاحبتها .
كنت مش مصدقة نفسي وياسمين بتعتذرلي !!!
وبصراحة اعتذار ياسمين ليا كان السبب ان حبي لرشدي زاد اوي حسيت ان رشدي ده ساحر وممكن يعمل اي حاجة .
وبعد كام يوم صلاح كلمني تاني وقالي علفكرة يا هيام انا طلقت ندي علشانك .
انت اټجننت يا صلاح تطلق ندي !!!
ايوه طلقتها علشانك .
علشاني انا وانا مالي انا قولتلك قبل كده اني مش موافقة اتجوزك حتي لو طلقتها .
انا عارف ان ده كلام وبس من ورا قلبك علشان ندي صحبتك ومش عاوزة تبقي سبب في طلاقها .
انت بتقول ايه يا صلاح انا فهمتك قبل كده وقولتلك اني حتي لو انت طلقت ندي مش هتجوزك و قولتلك اني مش ناوية اتجوز وحتي لو غيرت تفكيري وفكرت اتحوز مش هتجوزك انت .
انتي فاهمة معني كلامك ده ايه
ايوه فاهمة طبعا .
معناه انك رفضة تتجوزيني انا شخصيا .
وده يزعلك في ايه يا صلاح !!! انا قولتلك ان انت الف واحدة تتمناك غيري لكن انا لأ ممكن تقول كيميتنا مش موافقة بعض او حاجة زي كده .
انتي عارفة يا هيام انا بحبك اد ايه !!! ليه مش عاوزة تديني فرصة اقرب منك !! مش يمكن لما نقرب من بعض تحبيني
صلاح ارجوك بعد اذنك مش عاوزة كلام في الموضوع ده تاني . وحاول ترجع ندي تاني وتحافظ علي بيتك .
ده اخر كلام عندك يا هيام
ايوه ده اخر كلام .
انا حبيتك اوي يا هيام ومستحيل ارضي ان راجل تاني ياخدك مني وصدقبني لو عرفت انك اتجوزتي غيري هموتك واموت نفسي .
قفلت في وشه التليفون واتصلت علطول برشدي وكلمته وقولتله علي كلام صلاح وتهديده ليا .
رشدي اتصل بصلاح وبهدله ولما صلاح سأله عن سبب تدخله في الموضوع رشدي قاله من باب صداقته لخالد الله يرحمه .
عدا علي جوازي انا ورشدي حوالي شهرين وفي يوم رشدي طلب يقابلني في شقتنا وبعد ما روحنا الشقة بنص ساعة تقريبا جرس الباب رن !!!
كانت اول جرس باب الشقة يرن واحنا جوه !!!
مفيش حد يعرف بوجودنا في الشقة ابدا !!!
مين اللي بيرن جرس الباب !!!
ولما سألت رشدي بتعجب وخوف مين اللي بيرن جرس الباب !!
قالي اكيد حد بيرن غلط ممكن دليفري او ضيف من بره العمارة وغلط في الشقة .
طيب قوم شوف مين انا مش هنفع اخرج كده !!
جرس الباب رن كتير اوي وكانت المفاجأة لما رشدي قالي ده صاحب العمارة بيرن وواقف قدام الباب !!!!
وعايز ايه انت دفعت الايجار
ايوه ده لسه حتي دافع ايجار الشهر الجديد الاسبوع اللي فات !!!
طيب افتح له وشوف في اي
وبعد دقايق فتحت لصاحب العمارة وقولتله اتفضل يا حاج .
صاحب العمارة لأ مش هدخل انا جاي اقولك كلمتين وهمشي علطول .
طيب اتفضل يا حاج مش هينفع نتكلم من علي الباب .
لا ملوش لزوم انا لما اجرتلك الشقة يا استاذ رشدي قولتلي انك هتعيش فيها مع مراتك انما