زواج بحبر شفاف للكاتب عادل عبد الله

تاني .
وبعد حوالي ربع ساعة اتصل رشدي تاني وقالي زي ما توقعنا ندي خربت الدنيا وبهدلت صلاح ومصممة علي الطلاق .
بتتكلم بجد يا رشدي
ايوه وطلبت مني اني اقنع صلاح يطلقها .
لا يا رشدي بالله عليك روح صلح ما بينهم شوية وانا هكلم ندي علشان اهديها .
كلمت ندي وكانت مصممة علي الطلاق ورفضت انها تقابلني او اي محاولات للصلح .
بعدها صلاح اتصل بيا وقالي بقي كده يا هيام تقولي لندي
كنت اعمل ايه وانا شايفاك مش عاوز تسيبني في حالي !!
علشان بحبك يا هيام .
وانت بتكلمني كنت ناسي انك متجوز وان مراتك مش هتسكت
لأ مكنتش ناسي .
طيب وزعلان ليه اني قولتلها هي كده او كده كانت هتعرف .
طيب خلاص سيبك منها دلوقتي وخلينا في نفسنا انا لسه عند كلامي ليكي وكمان هطلق ندي علشان اكون ليكي لوحدك .
لا يا معلش انا مش هبني بيتي علي انقاض بيت تاني وفي اي حال من الاحوال احنا مش هننفع مع بعض .
ماشي يا هيام علي راحتك لكن اعملي حسابك لو عرفت انك اتجوزتي غيري هزعل اوي وانا زعلي وحش .
تاني يا صلاح !!! لغة الټهديد دي مش بحبها .
عدت ايام كتير وقربت مدة العدة علي الانتهاء وقبل نهايتها باسبوعين نادر اخو خالد الله يرحمه اتصل بيا .
نادر عاملة ايه يا هيام
الحمد لله بخير .
وخلود بنت اخويا اخبارها ايه
الحمد لله كويسة .
العدة خلصت ولا لسه
اظن انك عارف تاريخ ۏفاة اخوك وعارف ان لسه باقي حوالي اسبوعين !!
فعلا انا عارف لكن كنت بتصل علشان نتفق هنعمل اي .
نتفق علي اي
نتفق علي جوازنا .
اظن اني قولتلك قبل كده اني مش بفكر في الجواز .
ايوه قولتي كده فعلا لكن ده علشان كان لسه المرحوم مېت وزعلك عليه فقولت اكيد مع الوقت موقفك هيتغير .
انا موقفي مش هيتغير ابدا .
بالعكس انا متأكد ان موقفك هيتغير لكن احنا عايزين نكسب وقت .
انت بتقول اي يا استاذ نادر !!!
بقول ان في كل الاحوال بعد شهر اتنين او حتي سنة او سنتين لازم هتتجوزي فيبقي مش نضيع وقت علي الفاضي وخصوصا اني الصراحة من وقت ۏفاة خالد وانا بفكر فيكي وبصراحة اكتر انا حبيتك .
استاذ نادر لو سمحت التزم بادب الحوار وبلاش كلام ملوش لزمة .
وهو لما اعبر عن حبي ليكي يبقي كلام ملوش لزمة !!
بعد اذنك الموضوع ده اقفله خالص ومش عاوزة خلاص فيه تاني ابدا .
يعني افهم من كده انك رافضة فكرة الجواز ولا رفضاني انا شخصيا
في العموم انا رافضة فكرة الجواز .
طيب يا هيام انا هحترم رأيك لكن لو عرفت انك فكرتي بس مجرد تفكير في الجواز هفهم وقتها انك كنتي بترفضيني شخصيا ووقتها هيكون ليا تصرف تاني .
وانت بتكلمني بالاسلوب ده كده ليه انت مش لك عندي حاجة علشان تكلمني كده .
ليا خلود بنت اخويا .
بنت اخوك موجودة وقت لما تحب تشوفها وتطمن عليها هتشوفها .
ايوه لكن انا مش هسمح ان راجل غريب يربي بنت اخويا .
لما يحصل كده وقتها ابقي اعمل اللي عايز تعمله .
انتهت المكالمة وانا في قمة ڠضبي واتصلت في وقتها برشدي وحكيت له المكالمة كلها .
رشدي بقي نادر كلمك وقالك الكلام ده
ايوه .
انا عارف السبب الحقيقي اللي هو عاوز يتجوزك بسببه .
يعني اي السبب الحقيقي مش فاهمة بقلم عادل عبد الله
السبب الحقيقي ان المرحوم خالد كان شاري قطعة ارض من اكتر من ١٠سنين وخلص اقساطها ودلوقتي الارض دي تمنها اكتر من ٢ مليون جنية .
انت بتقول اي يا رشدي انا اول مرة اسمع الكلام ده !!!
هي دي الحقيقة ولو فتشتي في حاجة خالد كويس هتلاقي اوراق الارض دي .
وازاي خالد يعرفك انت واخوه نادر اللي كان مقاطعه ومش يعرفني انا حاجة عن الارض دي
هقولك يا هيام بس ارجوكي اوعي تزعلي من كلامي .
قول يا رشدي .
الصراحة ان المرحوم كان قلقان منك ومش بيثق فيكي .
انا !!!! خالد كان مش بيثق فيا انا !!!! طيب ليه انا عمري ما عملت معاه حاجة وحشة !!!
هي دي الحقيقة يا هيام .
يعني كان بيثق فيك انت ونادر اكتر مني
الحقيقة انه كان مش بيثق في نادر اخوه لكن نادر عرف بالصدفة .
تقصد تقول ان نادر عاوز يتجوزني علشان طمعان في الارض .
يا هيام الارض دي انتي ليكي التمن فيها والباقي بنتك ليها نصها ونادر له نصها .
ليه بقي نادر ياخد نصها ليه !!!
علشان المرحوم خلف بنت واحدة يبقي من حق اخوات المرحوم نص التركة .
بالشكل ده لازم نرتب اوراقنا من جديد .
لأ يا حبيبتي قصدك لازم نتجوز انا وانتي بسرعة .
افترض اننا اتجوزنا دلوقتي يا رشدي نادر مش هيسكت وهيقلب علينا الدنيا وهندخل في مشاكل كبيرة اوي معاه .
عندك حق يا حبيبتي علشان كده فكرت لحد ما لقيت احسن حل .
اي هو
نتجوز عرفي .
بتقول اي انت اټجننت يا رشدي !!!
زواج بحبر شفاف
للكاتب عادل عبد الله
الحلقة ٥
بالشكل ده لازم نرتب اوراقنا من جديد .
لأ يا حبيبتي قصدك لازم نتجوز انا وانتي بسرعة .
افترض اننا اتجوزنا دلوقتي يا رشدي نادر مش هيسكت وهيقلب علينا الدنيا وهندخل في مشاكل كبيرة اوي معاه .
عندك حق يا حبيبتي علشان كده فكرت لحد ما لقيت احسن حل .
اي هو
نتجوز عرفي .
بتقول اي انت اټجننت يا رشدي !!! انا اتجوز عرفي ليه انت شايفني اي انا كنت فاكراك بتحبني و بتحترمني اكتر من كده .
انتي مش فهمتيني صح .
طيب فهمني انت الصح با رشدي .
اولا احنا كده قدامنا مشكلتين اساسيين الاولي نادر والتانية صلاح ولو عرفوا اننا اتجوزنا هتلاقي المشاكل هتحاصرنا من كل اتجاه .
يا رشدي مفيش حد له حاجة عندنا علشان نعملهم حساب !!!
مش كده يا حبيبتي فعلا مفيش حد له حاجة عندنا لكن علشان ايه ندخل في مشاكل واحنا ممكن نبعد عن المشاكل دي كلها .
كلامك جميل لكن مش مقتنعة يا رشدي وبصراحة كده هبدأ اخاڤ منك .
تخافي مني انا يا هيام! معقول !!!
ده انا اكتر انسان حبك في الدنيا كلها .
قصدي اخاڤ من كلامك .
انتي ناسية بنتك يا هيام !! تفتكري انها هتوافق علي جوازنا وهتتقبل وجودي وحياتي معاكي عادي
مش عارفة .
هيام هتقدري تواجهيهم وتتحديهم كلهم بما فيهم بنتك !!! انا بالنسبالي ممكن اواجههم عادي لكن هتتحملي انتي معايا كل ده
واوعي تنسي كمان ان معاش المرحوم هينقطع !!! انا فكرت كتير يا هيام واكتشفت ان من الافضل اننا نتجوز عرفي دلوقتي ولما الامور تستقر ونمهد كويس لبنتك ولكل اللي حوالينا وقتها نتجوز رسمي ونعلن جوازنا قدام العالم كله .
اوعي تلعب بيا يا رشدي .
انا يا هيام دا انا عمري ما حبيت غيرك .
ولا حتي ياسمين مراتك
مش هكدب واقولك اني مش حبيتها لكن حبي لها حاجة وحبي ليكي انتي حاجة تانية خالص .
انت بتضحك عليا يا رشدي .
عارفة لو قولتي كده تاني مش هتشوفيني ولا هتسمعي صوتي ابدا .
طيب خلاص خلاص انا اسفة .
بصي يا هيام احنا دلوقتي لازم نرتب هنعمل اي بالظبط .
شوف انت يا رشدي الصح واعمله وانا معاك .
مبدئيا احنا مش هينفع نعيش مع بعض لغاية ما نعلن جوازنا .
اكيد طبعا .
مؤقتا هناخد شقة نتقابل فيها كل يومين تلاته .
لكن احنا كده هنبقي عاملين زي اللي بيسرقوا وخايفين حد يشوفهم .
لا يا حبيبتي هنبقي متجوزين ومعنا عقود الجواز ومش بنعمل حاجة غلط ولو عاوزة العقدين معاكي انا مش عندي مانع .
خلاص يا رشدي اللي تشوفه .
اول ما اخد الشقة هكلمك ونكتب عقود الجواز عند محامي ضمان لحقوقك يا حبيبتي وبعدها هيجمعنا عش حبنا الجميل .
ولو نادر او صلاح طلبوني للجواز تاني هعمل ايه
مؤقتا مفيش حد هيكلمك تاني في الموضوع ده ولو حصل وحد كلمك انا معاكي هقولك تعملي اي ومش
هسيبك .
وبعد انتهاء العدة بأيام رشدي اتصل بيا وقالي انه استأجر شقة وأخدني عند واحد محامي صحبه وكتبنا عقود الجواز العرفي .
اتجوزنا انا ورشدي والصراحة كان مختلف خالص عن خالد .
رشدي كان رومانسي وحبوب وبيهتم بيا اوي وبيحاول يسعدني بأي طريقة وطول الوقت وهو معايا ضحك وهزار ورغم دمه الخفيف ده لكن شخصيته محترمه جدا وكاريزما .
كنا بنتقابل في الشقة كل يومين واحيانا كل يوم .
لكن بعد حوالي اسبوعين اتفاجئت بياسمين بتتصل بيا وبتقولي عاوزة اكلمك ضروري .
حسيت من كلامها ان في موضوع خطېر عاوزاني فيه وخۏفت تكون عرفت ان انا ورشدي اتجوزنا .
ولما ياسمين جات وقعدت معايا كان واضح عليها التوتر والقلق فسألتها مالك يا ياسمين في اي
انا حاسة ان رشدي بيعرف واحدة عليا !!!
واي الجديد في كده ماهوه طول عمره بيعرف ستات وانتي بتبقي عارفة !!
المرة دي الوضع مختلف يا هيام .
ليه
لسببين الاول ان من اخر مرة من حوالي سنة كنت عرفت انه ماشي مع واحدة ولما عرفت حلف انه مش هيكررها تاني ومن ساعتها كان بطل يعرف ستات .
والسبب التاني انه اتغير معايا بطريقة ملفتة اوي يا هيام .
اتغير من ناحية اي يا ياسمين
بقي مش ملهوف عليا زي الاول وتصرفاته اتغيرت وكمان اتغير معايا. جدا في العلاقة بينا وبيغيب كتير عن البيت .
لما كانت بتتكلم كده كنت مش عارفة ارد عليها واقولها ايه !!!
معقول اقولها ان انا الست اللي واخده جوزك منك الايام دي !!!
ده المصېبة كمان انها بالشكل ده وهي فاكرة انه بيعرف ست عليها !!! اومال لو عرفت انه اتجوز هتعمل ايه !!!! اكيد هتولع الدنيا والمصېبة الاكبر لو عرفت ان جوزها اتجوزني انا صحبتها !!!
وفكرت اني احاول اكدب عليها وادافع عن رشدي علشان امسح الشكوك والوساوس دي من دماغها
حاولت ادافع عن رشدي واشتت تفكيرها وامسح من دماغها خالص فكرة انه يعرف ست عليها .
وكانت لحظة مرعبة لما رشدي اتصل عليا و ياسمين قاعدة جنبي !!!
فتحت التليفون تردد للحظات وقولتله ازيك يا رشدي اخبارك ايه انت ابن حلال ياسمين مراتك عندي .
رشدي فهم وقال معقول !! شوف الصدف !! دا انا كنت بتصل عليكي علشان اقولك لو فاضية يوم الجمعة انا و ياسمين والاولاد نعدي عليكم وتخرجوا معانا انتي وخلود
لا يا رشدي اسفة والله مش هقدر .
ياسمين قالتلي والنبي يا هيام توافقي وتخرجي معانا علشان خاطري .
معلش يا ياسو خليها مرة تانية .
ياسمين لو مش خرجتوا معانا