أخت جوزي بقلم عادل عبد الله

طلعت تاني وعملت اني بنادي علي حماتي ودخلت الشقة شوفتهم طالعين من اوضة البنت وبيعدلوا هدومهم .
قولتلهم انتوا كنتوا بتعملوا ايه في اوضة النوم اتفاجئت بالبنت بتزعق وبتقولي انتي ازاي تدخلي الشقة من غير ما تستأذني انا لما تيجي امي واخويا لازم اقولهم علشان يتصرفوا معاكي !!
وبدل ما كانت هي اللي محل اتهام اصبحت انا اللي محل اتهام وبدافع عن نفسي !!
قولتلها انتي بتعملي كده علشان تداري علي فضيحتك !!
لقيت خطيبها بيقولي ايه الكلام اللي بتقوليه ده ، محصلش حاجة علشان تقولي كده ده هي كانت بتوريني صورها وهي صغيرة انتي ليه ظنك سئ كده !!
و قعدنا نزعق انا وهي وبعدها نزلت واستنيت حماتي ترجع من بره .
ولما رجعت اخدتها في شقتي وكنت لسه بحكي لقيت بنتها نزلت وقلبت الموضوع وخلتني انا اللي غلطانة وقالت انها كانت قاعدة هي وخطيبها في الصالة واني بكدب !!!
حماتي فضلت تزعقلي وقالت اني عايزة اسوء سمعة بنتها و انها هتتصل بجوزي تقوله علشان يتصرف معايا واخدت بنتها وطلعوا شقتهم .
وفعلا بعد نص ساعة جوزي اتصل عليا وفضل يزعقلي في التليفون ولما رجع اخر النهار كمل زعيق معايا !!
بقلم عادل عبد الله
حاولت اهديه و افهمه اللي حصل لكنه مرضيش يسمعني !!
و الخناق ما بينا زاد وصوتنا كان عالي راحت حماتي وبنتها نزلوا وزعقولي هما كمان وفي الاخر جوزي طردني من البيت !!!
ودلوقتي انا روحت عند اهلي ولما سألوني عن سبب المشكلة خۏفت احكي اللي شوفته بالظبط علشان مفضحش البنت وقولت اني شوفتها وخطيبها في الصالة لوحدهم وامها وابوها مش موجودين في البيت .
ودلوقتي انا عند اهلي وبيزعقولي هما كمان اني دخلت بدون استئذان وجوزي اتصل بيهم وقالهم لما تربوا بنتكم وتعلموها الاصول قولولي علشان ارجعها !!!
ودلوقتي انا مش عارفة اللي انا عملته كان صح ولا غلط ومش عارف اعمل ايه ؟ ياريت تقولولي رأيكم .