حماتي _كامله _بقلم هويدا زغلول

كل الافلام اللي انت بتتفرج عليها يا اما اكشن يا اما ړعب وانا ما ليش في الكلام ده
ياسين وهو
ايوه لانك رقيقه وما لكيش غير في الرومانسيه بس لكن انا ما بحبش اتفرج على الافلام الرومانسيه
نيفين
انا هقعد جنبك اهو وانت اتفرج على اللي يعجبك
ياسين بيلف بدماغه بيبص لها
مالك يا نيفين مش كنا اتكلمنا في الموضوع ده
نيفين
بجد ياسين قلبي مش مطمن لهم انت ما تعرفهمش زيي دي نقطه جوزها وماټ حتى ابنها عبد الرحمن ما كانش واخد طبعها كان واخد طبع ابوه اما بنتها صباح واخده طبعها لو اقول لك بتقعد طول النهار تتكلم على الناس تقول لي كذابة
ياسين بتعجب
يا بتقعد طول النهار تتكلم على الناس
نيفين
اه والله دي بتعمل مقالب في جيرانها وبتعمل حاجات غريبه انت عارف كانت متغاظه من عروسه ساكنه في الشقه اللي جنب منها مع ان في فرق في السن اهو كانت تجيب الادوم الكبير وتفضل ټضرب بيه على الحيطه
ياسين وهو بيضحك
يا شيخه في حد كده
نيفين
اه والله فيه انا قعدت معاها وشفت عمايلها دي كانت هتجنني لا وبنتها كمان طالعه زيها انا كنت اقعد معاهم يتكلموا على اي جاره كلام فظيع
وبعدها لو شافوها او شافتهم يبوسوها ويحضنوها ويقولوا لها يا حبيبتنا يا اللي مفيش في قلبنا غيرك
ياسين
دول ناس غريبه عاملين زي عواجيز الفرح عموما يا حبيبتي في اقرب وقت هجيب لهم شقه صغيره تكفيهم هم الاثنين ومتكفل يا ستي بجهاز صباح لما تيجي تتجوز
نيفين
تمام يا ياسين والنبي عايزاك تهتمي بالموضوع ده
ياسين
ما تقلقيش اخلص بس المشروع اللي في ايدي اللي واخد كل وقتي هو انتبه لهم
وبعد اسبوع كانت صباح وامها قاعدين في الليفنج بيتفرجوا على التلفزيون وبياكلوا فاكهه ومقرمشات
دخلت عليهم نيفين وقعدت تشوف بيعملوا ايه
صباح
فينك كده يا نيفين على طول نايمه من يوم ما جينا يعني هو انت فيك حاجه
نيفين وهي بتتفرج على التلفزيون
معلش يا صباح اقلبي القناه دي انا ما اعرفش ازاي بتتفرجي على الحاجات اللي انت جايباها خبط ورزع ودم
ام صباح وهي بتضحك
هو انت لسه ما بتحبيش الحاجات دي
نيفين ضحكت هي كمان
الغريبه ان انتم لما بتشوفوا المناظر دي والضړب بتقعدوا تضحكوا وتازازوا لب وكانكم بتتفرجوا على فيلم كوميدي
صباح عدلت نفسها وبصت لنيفين
نيفين انت بتهربي من الكلام انت ايه حكايتك احنا من يوم ما جينا ومش بنشوفك كتير على طول نايمه بنشوفك بس لما جوزك بيجي من الشغل هو انت مش عايزه تقعدي معانا ولا ايه
ام صباح
ايوه صح هو انا ما خدتش بالي بالموضوع ده ازاي
نيفين بتحاول تهرب من الاجابه
لا ابدا انا قلت اسيبكم وعلشان احسسكم ان البيت بيتكم
ام صباح بتبتسم
طبعا بيتنا وامك الله يرحمها كانت بنت خالتي و كانت غاليه علينا وانت زي بنتي ومصارين البطن بتتخانق
صباح
في سؤال كنت عايزه اساله لك بس خاېفه تزعلي
نيفين بندهاش
اسالي يا صباح لكن انا اول مره اعرف ان انت پتخافي لحد يزعل انت على طول بتتكلمي والكلام بقى يزعل ما يزعلش مش مشكله
الصباح بترد بسرعه
ايوه طبعا علشان انا صريحه واللي في قلبي على لساني بمناسبه اللي في قلبي على لساني هو انت ما جبتلهوش حته عيل ليه لغايه دلوقتي
ام صباح
ايوه يعني فين يا بنتي كده غلط لازم تربطيه بالعيل لكن هقول ايه ده انت كنت متجوزه ابني وما ما كنتيش مرسياني على حالتك لا انت ولا عبد الرحمن
نيفين
حاله ايه يا خالتي
ام صباح
ايوه كده بقى لك مده ما قلتيش يا خالتي بحب