بنتي رفضت احضر فرحها ـ كامله ـــ بقلم هويدا زغلول

اخدمك ومش هخليكي تشيلي النسمة من على الأرض
ولاء
ياحبيبتي ياماما ربنا يديكي الصحة وطولت العمر يارب
ورجعت من تفكيري وانا عماله اعيط لقيت حماتي بتقولي
عيطو عليكي ساعه وانفضو يابعيده انتي ياختي عماله ټعيط وقلباهالي نكد يابت ومش بتشوفي شغلك ده انا هخلي يومك مش فايت
ولاء
انا والله شغاله اهو على أخرى انا بس قولت اقعد ارتاح شوية ضهري وجعني
سامية
بقولك ايه يلي اسمك ولاء انتي ادخلي اعملي لي فنجان قهوة لحسن دماغي ھتنفجر البت مش بتنيمني طول الليل
فضلت بصه لها كده وبعدين قالت لي
انتي هتفضلي متنحة لي كده كتير ياتقومي يابت تعملي اللي قولت لك عليك
الحما
سمعتي يابت سامية قالت لك ايه يلا ياختي نفذي اللي مطلوب منك
وقومت دخلت المطبخ وفضلت برضو أعملهم كل حاجة ورجع أسامة بالليل وقالي
أسامة
ماشي ياولاء براحتك
وسابني ودخل اقعد في البلكونة وانا فضلت كل يوم انزل اشتغل لامه ولا الخدامة وسامية اخته تسمعني كلام ملوش لازمة لحد مافي يوم
بنت سامية تعبت ودوها المستشفى والدكتور قال
البقاء لله ربنا يصبركم البنت راحت يا مدام سامية لانك مكنتيش بتهتمي بيها زي الأطفال اللي بيحتاجو معاملة خاصة
سامية اڼهارت وقالت
ياحبيبتي يابنتي برغم اني مكنتش عايزة بس لما راحت مني عرفت اد ايه هي كانت غاليه عليا اوي ااااه يابنتي
ورجعت سامية البيت وقفلت على نفسها وحماتي قالت لي
انا مش عارفه انتي بتعملي فيا كده ليه انا عملت فيكي ايه بس والله حرام كده
الحما
انا كده ياحبيبتي ماهو اللي تبيع امها زيك كده تستاهل كل اللي يجرا لها وتبقا خدامة وبس وانتي بقا بعتي امك
ولاء.
انا عملت كده لما انتي طلبتي مني ياحماتي عملت كده عشان خاطرك انتي لكن انا زعلانة عشان امي
الحما
انا قولت اللي عندي وخلاص انتي هنا خدامة وبس انتي سامعه
وطلعت شقتي وانا تعبانة وساميه قالت لأمها
اسمعي ياماما كفايه اللي انتي بتعمليه في ولاء ده خلاص بقا كفايه كده عامليها بما يرضي الله انا دلوقتي عرفت يعني ايه ضنا وخليها تروح تصالح امها
الام
اسكتي انتي ملكيش دعوة ياسامية
سامية
لا ياماما مش هسكت عشان انتي ظلمتي ام ولاء وظلمتي ولاء كمان كفايه كده ارجوكي يا أمي أنا دلوقتي بندم اني بنتي راحت وعرفت ان الله حق
الام
انا كنت بعمل كده عشان لما قولتي انها نحس عليكي وانها السبب في طلاقك انا حسيتاني لازم انتقم منها وابهدلها
سامية
وعملتي فيها كتير اوي والبنت مستحمله عشان شارينا فلازم نعاملها بما يرضي الله ياماما
الام
عندك حق ياسامية انا فعلا غلط يابنتي
ولقيت حماتي طالعه عندي وقالت لي
انا مش عايزاكي تزعلي مني ياولاء يابنتي حقك عليا انتي من هنا ورايح هتبقي زي سامية بنتي وانا عايزاكي تروحي تصالحي امك وتجيبها
فرحت اوي وقولت لها
بجد ياحماتي انا فعلا نفسي اروح اصالح ماما بس يارب ترضى عني
وفعلا نزلت بسرعه على ماما لقيتها قاعده في الشقه وحزينة بوست على ايديها وراسها وقولت لها
حبيبتي ياماما متزعليش مني ياغاليه انا عرفت غلاوتك والله واد ايه انتي غاليه عني ومش قادرة استغني عنك
الام
بقا كده ياولاء تعملي في امك كده يابنتي
ولاء
حقك عليا والنبي ماتزعلي مني انا اسفه تعالي معايا حماتي مستنيانا يلا بينا
وروحت البيت ومعايا ماما وبقت هي وحماتي أصحاب جدا وانا بقيت حامل وماما بقت تعملي كل حاجة هي وحماتي وبقيت عايشه في سعاده معاهم
وبكده تكون خلصت حكايتي