بنتي رفضت احضر فرحها ـ كامله ـــ بقلم هويدا زغلول

دي بنتها برضو لازم تحضر
نبيله
جرا ايه يافتحي انت رجعت حنيت ولا ايه شكلك كده حنيت للمعفنه اللي ريحتها تقرف دي
فتحي
يووه بقولك ايه يانبيلة اتمسي وقولي يامسا عشان ليلتك تعدي على خير
ولقيت حماتي جايه تقولي
هو انا مش اتفقت معاكي أن امك ماتجيش الفرح ولا انتي كنتي بتضحكي عليا عشان أوافق على الجوازة وبعد كده تخليها تيجي
ولاء
عشان امك هنا ياحبيبتي في الفرح متعمليش نفسك مش عارفه انها جات
ولاء
معقوله هي جات فين ده انا معرفش والله انها جات هي فين بس
الحما
اهي قاعده هناك اهيه ياختي يلا اتصرفي بدل ماخلي الفرح ده عزا فوق دماغك انتي وامك
واخدت بعضي وروحت عند امي وقولت لها
انتي ايه اللي جابك هنا انا مش قولت لك ماتجيش الفرح ده ايه اللي جابك
الام
انا انا يابنتي اصل اااا
ولاء
امشي من هنا حالا انا مش عايزاكي هنا انتي جايه عشان تعريني والناس تعرف انك امي انا مش عايزاكي افهمي بقا
امي بصت يمين وشمال ولاقت كل الناس عماله تبص عليها وانا بقول لها الكلام ده وجه أسامة وقال
ايه اللي انتي بتعمليه ده يا ولاء دي مامتك انتي بتكلميها كده ليه مينفعش اللي انتي بتعمليه ده
الام
سبها يابني انا اصلا من اللحظة دي مليش بنات ودي خلاص انا اعتبرت انها مش بنتي وانا
انا اسف ياطنط حقك عليا انا مكنتش اعرف انها.....
الام
ولا تعرف يابني خلاص عليه العوض ومنه العوض في بنتي لما بنتي تعمل فيا كده قدام الناس امال الغريب هيعمل ايه حقك عليا يابنتي انا اسفه اني خلفت واحده زيك
ومشيت ماما وحماتي قالت لي
برافو عليكي يامرات ابني جدعه ايوه كده دلوقتي بقا روحي اقعدي مكانك يلا ياجماعه افرحو في ايه ده ابني الغالي
وفضل الفرح شغال وبعدها رجعنا على البيت وطلعت شفتي انا واسامة وحماتي دخلت شقتها هي وسامية وقالت لها
انتي جايبه واحده واطيه زي دي بيتنا ليه ياماما دي باعت امها عشان خاطر جوزها دي واطيه وندله اوي
الام
مانا عارفه انها واطية يابت عشان كده انا ناوية اطلع عنيها وعين اللي خلفوها
سامية
الام
طمني يابت دي محدش هيرحمها من اللي هعمله فيها بنت بتاعت السمك دي
وعدت الايام في بيتي لقيت حماتي طالعه عندي تقولي
جرا ايه ياحلوه انتي هتفضلي عامله لنا فيها عروسة ولا ايه مش ناوية تنزلي تحت وتشوفي اللي وراكي ولا انتي فاكرة نفسك جايه عشان تبقى هانم هنا
ولاء
الحما
طب يلا ياختي على تحت عشان وراكي هم مايتلم في الشقه تحت وبعدين انتي زمانك معتمده على سامية اللي بنتها معاقه وقاعده بيها
ولاء
لا ابدا انا هنزل اهو اعمل لك كل حاجة حاضر كل اللي انتي عايزاه انا هعمله بس متزعليش نفسك
وفضلت اشتغل في الشقه امسح وانضف واطبخ لحد ما ضهري وجعني وقولت لحماتي
انا ضهري وجعني اوي ياحماتي ممكن ارتاح شوية وبعدين اكمل
الحما
لا طبعا انا معنديش حد يقول لي الكلمة دي انا معنديش راحة هنا ويلا بقا اتنيلي واشتغلي
وفضلت اكمل وانا تعبانة وافتكرت لما كانت ماما بتعملي كل حاجة وتجيب لي الأكل لحد السرير
فلاش باك
ولاء
حضرتي الفطار ياماما انا عايزة افطر عشان انزل اروح الجامعة
الام
الفطار جاهز ياقلب ماما يلا افطري عشان تلحقي تنزلي لمحاضراتك
ولاء
منحرمش منك يا احلى ماما يلا انا هنزل بقا عشان الحق المحاضرات
الام
ماشي ياقلبي وانا هنزل السوق ابيع شويه السمك دول وارجع اعمل لك الغدا على ماترجعي ياضنايا
وروحت الجامعة ورجعت لقيتها في المطبخ وقولت لها
ايه ياحبيبتي انتي رجعتي قبلي من السوق ده انا قولت هاجي اريحك واعمل انا الغدا عشان انتي اكيد هتبقي راجعة تعبانة
الام
ده اتعب عشان خاطر عيونك ياروحي انا مش عايزاكي تحطي ايديك في حاجة ابدا انتي عارفه يا لولو انا ناوية ان شاء الله لما تتجوزي وتبقى في بيتك جوزك انا اللي هاجي