كليب صابرين

المهم راحت مدام صابرين خبـ ـطت على الباب ، خرجت عليها الفنانة سهام جلال ، اللي هي كان محمد هنيدي في فيلم صعيدي في الجامعه الأمريكية بيقولها يا مدام لميا ..
فتحتلها الباب وهي مندهشة جدا ، قامت الفنانة صابرين ضــربت بعينها جوا فهي اتصـدمت جدا عشان ، ورجعت البيت خدت حمكشة ابنها ، وراحت على بيت ابوها وهي عمالة تفتكر ذكرياتها مع الفنان كمال ابو رية، اللي هو كانت بتفتكر وهي بتحطله الاكل وبتطبطب على كتفه وتقوله خلص طبقك كله عشان ميجريش وراك يوم القيامة ..
وتفتكر وهي قاعدة تعمله كمادات عشان كان عنده إسهـال ، وذكرياتها معاه كلها خليتني احس انها متبنياه بشنبه دا ، مستحيل دي تكون ذكريات واحدة مع جوزها ..
يعني مالكيش لقطة معاه في الساحل ، مفيش خطڤة وانتو في حديقة الأزهر ؟ .. مجريتوش ورا بعض عالشط طيب ؟
المهم في الحوار دا كله اني كنت مكمل في الكليب ومستحمل صوت الفنانة صابرين لسبب واحد بس ..
إني مستني مفاجأة من الفنان كمال ابو رية ، اصل مفيش حد خـاين هيبقى اسمه ابو رية ..
فانا كنت عايز اعرف الظروف اللي خلته يعمل كدا ، هل البت دي ماسـ ـكة عليه كمبيالات ، هل هو كان في مهـمة سرية مثلا ومرضيش يتكلم عنها لحد الكليب ما خلص .. دا محل ملابس عادي ومدام صابرين دخلت عليه وهو بيقيس ؟
ملقتش أي عذر في الآخر واضطريت اقتنع انه خـاين ويستحق يسمع أغنية زي دي ..