كليب صابرين

فيه كليب قديم كدا للفنانة صابرين كانت بتغني فيه بصوتها ، ، وللا كان عليها حكم في الشايب ، وللا إيه الظروف ا اللي خلتها تعمل في نفسها وتعمل فينا كدا ..
المهم الفنانة صابرين جابت مين يشاركها بطولة الكليب دا ؟ الفنان كمال ابو رية ..
انا كنت متخيل ان كليب بطولة كمال ابو رية أكيد هيكون بيتكلم عن كفالة اليتـيم ، فضل صيام السبت والتلات ، أصل دا أيقونة الطيبة يعني ..
انا من صغري اصلا لما بشوف الفنان كمال ابو رية في التليفزيون كنت بحس اني ممكن العب كورة قدام بيته ومش هيخرج يزعــقلي ..
لكن المفاجأة بالنسبالي ان الفنان كمال ابو رية كان بيعمل دور زوج خاېن.
الزوجة اللي هي صابرين قاعدة في البيت ضـ اربة الروب المحترم ومستنيه البيه لما يرجع من الشغل ، وبعدين فيه شوية هوا خبـطوا في الشباك كدا قامت الفنانة باصة على صورة جوزها وهنا بدأ الفار يلعب في عبها ، وبدل ما تلم الغسيل مثلا قررت تشـ ـك في جوزها ، اللي هو خير اللهم اجعله خير ، الجو قالـ ـب ليه النهارده كدا ، دا أكيد كمال بيخـ ـونني ، يعني ميمشيش معاكي ان احنا في أمشير يا مدام ؟ لا كمال بيخــونني ..
المهم جالها تليفون من فاعل خير ( غالبا كان الفنان احمد عبد العزيز ) وقالها الحقي جوزك بيخـونك واداها اللوكيشن بتاع الخېانة عشان متتوهش ، ومش فاهم انا يعني هو جاب تليفون البيت بتاع الاستاذ كمال منين ،