حاجه ساقعه مش ساقعه

ما انت لو بتتمنالهم النجاح فعلا ما تحطلهم امتحان سهل يعرفوا يحلوه
عندك حق والله
علبة السجاير مكتوب عليها إيه
احترس الټدخين يدم ر الصحة ويسبب الوف اة
تفتكر الشركة اللي بتبيعلك السجاير عايزاك فعلا تبطل تدخين
صح وبرضو نادي الأهلي في الزمالك حبيت افكرك بالحكاية دي
وام كلثوم معندهاش ابن اسمه كلثوم وقهوة الفيشاوي مش بتاعة فاروق الفيشاوي والباتيه بالجبنة مفيهوش جبنة
كلام حكم والله يا حاج
ولا انا حاج عايز حاجة تاني انا محجيتش اقولك عالكبيرة أنا أجنوستيك أصلا
يعني عندك تبول لا إرادي وللا إيه
لا دا موضوع كبير عليك المهم ان العالم كله تناقضات
طب انا فهمتك وهظبط كلامي إزازة المياه الغازية دي مش ساقعة
تعجبني خد المفاجأة دي بقى
هات
هي ساقعة
ازاي بقى انا بقولك مش ساقعة
وانت مين عشان تحكم على حاجة اصلا
يعني ايه انا مين
كل حاجة في الكون تخضع لقانون النسبية بتاع آينشتاين
أسمع عنه آه الرجل ابو شعر منكوش دا
آينشتاين لخص نظرية النسبية بتاعته في مثال واحد حط إيدك فوق شمعة مول عة لمدة دقيقة هتمر عليك كأنها سنة واقعد مع حبيبتك 10 ساعات هيخلصوا كإنهم خمس دقايق
دا كلام كبير اوي
دا كلام بيزيك أوي بس انت اللي مقطف
نعم
الحقيقة عنصر متغير في كل المعادلات يعني انت بالنسبة للنملة ديناصور وبالنسبة للديناصور انت نملة
صح
انت الطيب في رواية أحدهم والق ذر في رواية حد تاني
_ انا الق ذر في الروايتين اصلا
الحاجة الساقعة دي ساقعة بس د مك انت أسقع منها فمحستش ببرودتها
طب ليه الغلط بقى
تعرف محمد الحلو
المطرب
لا محمد الحلو الكبير بتاع السيرك فيه أسد اسمه سلطان قله وهو بيقدم عرض في السيرك من اكتر من 40 سنة
الله يرحمه
الله يرحمهم هما الاتنين ط ما الأسد كمان انحر لما حس بالذنب
يا خبر
تخيل الحيون حس بالذنب والإنسان مبيحسش
مش كل الناس
لا كلهم وانت أولهم انت راضي عن نفسك عشمت كام بنت بالجواز وخلعت
كتير
خيبت أمل ابوك وامك فيك كام مرة
كتير أوي
شوفت ناس بتاكل من الزبلة وانت بتاكل من ماك كام مرة
كتير بالعب ط
كل دا بيقول ان د مك أبرد من الحاجة الساقعة دي لو عندك نص احساس سلطان كنت فيصت من زمان
والله العظيم انت كلامك حكم
حتى كلامي اللي انت مبهور بيه دا كلام عادي جدا بس بالنسبة لحمر زيك انا بقول درر
الله يسترك يا عم الحاج
ما قلنا انا مش حاج ودي حاجة ساقعة ساقعة
خلاص انا هاخدها من وشك السمح وهاتلي معاها
بقى واحد آيس كريم
مستعجل عليه أوي
اشمعنى
أصله ساح لما الكهربا قط عت هي قدامها خمس دقايق وترجع تيجي اشرحلك مقدمة ابن خلدون واحنا قاعدين كدا
الاصطباحة
داڤنشي
حاجة_ساقعة_مش_ساقعة
شاي_بلبن_من_غير_لبن