هو حضرتك هتشكني بالابره هتخطفني

سؤال
_ لأ
تمام
_ هاهاهاي خط فتك انا
لأ انا اللي خطڤك
_ مش كدا قصدي يعني اشتغلتك اسأل يا عم طبعا هو معقول هقولك لا يعني
معلش مبحبش اتطفل على حد دي حرية شخصية يعني
_ متبقاش بايخ بقى انت هتندمني اني هزرت معاك اسأل يالا
انت ازاي متساهل أوي معانا كدا وسايبنا نخط فك ونق طعك
_ أصل هي دي الحياة يعني لازم حد يم وت عشان حد يعيش
بس كل واحد عايز هو اللي يعيش
_ ما هو دا اللي محلي اللعبة بس انت لو بصيت حواليك هتلاقي الدنيا كلها ماشية كدا
ازاي
_ ياما راحتنا كانت على حساب تعب ناس تانيين وياما فرحنا كان قصاد حزن غيرنا
أيوه احنا خنزير فعلا
_ في الكورة مثلا عشان فريق يكسب لازم فريق تاني يخسر في البحر السمك الكبير بياكل السمك الصغير
واحنا بناكل الاتنين
_ بالظبط وفيه حيوانات تانية بتاكلنا احنا شخصيا
حيوانات زي إيه
_ زيك انت وزمايلك مثلا وزي الأسود والضباع والحاجات دي وانت مش هتفضل طول عمرك تفرح ولا هتفضل طول عمرك تكسب كراسي موسيقية الحياة دي ..
أول مرة اشوف حد متصالح مع نفسه بالشكل دا
_ أصلك كدا كدا هيجيلك يوم وتتاكل لو مكانش بالطريقة دي هيبقى بغيرها
غيرها اللي هو إيه
_ المړض الحزن الهزايم المتكررة غدر الصحاب ما هي كل دي حاجات بتستهلكك وبتم وتك بالبطيئ
عندك حق والله يا أستاذ الحياة بقت مق رفة
_ الحياة ربنا سلمهالنا ورقة بيضا احنا اللي خليناها مقرفة عمالين ناكل في بعض والدنيا تساع الكل اصلا بس تقول ايه غبوة
يعني انت مش زعلان عشان خط فناك
_ لا والله خالص صدقني انت باين عليك حساس على فكرة
مش حكاية حساس بس مبحبش حد يزعل مني
_ لو زعلان هقولك والله عيب عليك
طب احنا خلاص وصلنا يالا ننزل
_ يالا بينا
اتفضل يا أستاذ عبد العال اتفضل بيتك ومكانك
_ يا رب يا ساتر
معلش البيت مكركرب شوية اصلنا عزاب مفيش حد ينضفلنا فهتلاقي دراع على الكنبة