هو حضرتك هتشكني بالابره هتخطفني

_ هو حضرتك هتش كني بإلإبرة دي في دراعي صح
لا والله مش قصدي الموضوع كله إن ال ...
_ عايز تخط فني
لا يا عم اخط فك إيه بس أعوذ بالله هو انا شكلي بتاع خط ف
_ من ساعة ما قعدت جنبك في الميكروباص وانت عمال تبص للسواق في المراية وهو يبصلك ومحدش تاني ركب غيري باينة يعني
انت الفيس بوك هرش دماغك خالص
_ انت قلقان ليه أنا معنديش مانع اخط فوني
انت بتهزر
_ لأ والله بتكلم بجد اتعاملوا أنا بتاعكم
اوعى تكون بتشتغلنا
_ انت عندك أزمة ثقة ليه يا ريس إيه الغريب ان الواحد يكون متعاون مع العصابة اللي بتخط فه
أول مرة أشوفها دي بصراحة
_ لأ يا عم انا بتخط ف بنفس راضية والله
يعني مسامح
_ الله يوسع عليك يابا ولو عايز تقف في الطريق تخط فلك زبونين تلاتة معايه انا موارييش حاجة عادي
مش عايز اتقل عليك بس
_ برضو انت عامل فرق بيننا والله ازعل منك بجد
لأ تمام والله انت كفاية علينا أوي إسم الكريم إيه بقى
_ عبد العال
طب عال
_ هاهاها والنبي عسل انا قلبي اتفتحلك في الخط فة دي والله
حبيبي ربنا يعزك لازم الواحد يهزر ويضحك كدا عشان يعدي اليوم
_ الله يقويك يا حبيبي وانتو بقى نظامكو إيه فدية وكدا
لا يا عم فدية ايه مبقتش تأكل عيش دلوقتي احنا شغالين في قطع الغيار
_ طب وحياة أبوك ما الاقيش عندك مراية جنب بتاعة لادا 76 عشان دايخ عليها
هاهاها ما انت ابن نكتة زينا اهو أمال أول ما ركبت الميكروباص كنت قافش ليه
_ انت عارف الواحد في أول الخط ف بيبقى مأريف لحد ما يفك بس وياخد على اللي خاط فينه
ربنا يروق بالك يا حبيبي لا والله احنا بنشتغل في قطع غيار البني آدمين شغلها سهل ومكسبها حلو
_ الله يرزقك يا غالي والله انت شكلك ابن حلال
حبيبي دا من ذوقك والله بس انا عايز أسألك
[[system-code:ad:autoads]]