حياه شرين سيف النصر

هتلاقي إن حياة "شيرين سيف النصر" كلها مشاريع لم تكتمل لسبب أو لآخر.
شيرين اللي دخلت مجال التمثيل بالصدفة ما حبتهوش و لا قدمت له زي ما هو حبها و قدم لها كتير، و بالتالي فكان هو أول مشروع لم يكتمل في حياتها .. بعد ما سابته و إعتزلت 3 مرات في وسط مشوار فني قصير جداً ما كملش 15 سنة، إحتوى على 14 مسلسل تقريباً و نص العدد ده أفلام سينما و مشاركة في مسرحية وحيدة هي "بودي جارد" كبديلة لرغدة.

الزواج هو كمان مشروع لم يكتمل، بعد ما إتجوزت 3 مرات أولهم من مدحت صالح و تانيهم من عبد العزيز الإبراهيم أخو الوليد مالك قنوات MBC و التالتة و الأخيرة من طبيب مشهور في مجاله .. و كلهم جوازات قصيرة جداً .. حتى إن زواجها من مدحت صالح لم يستمر سوى لشهور قليلة.

لما فيفي عبده تجرأت عليها و قالت إن جوازها من مدحت صالح كان غرضه المصلحة، و إن فلوس مدحت صالح المديون بيها لفيفي عبده مش موجودة بسبب شيرين سيف النصر .. راحت شيرين أول ما راحت لنقابة المهن التمثيلية، تشتكي و تبلغ إن محتوى الشكوى هو توصية للنقابة .. إمنعوا الزملاء يطلعوا يجرحوا في بعض أمام الكاميرات من أجل ال Show.
رقي و أخلاق عالية بتواجه بيهم جعجعة و صوت عالي و قلة أدب.

الأمومة ما إتحققتش و الصداقة في حياتها تمثلت في صديقة العمر اللي سړقت مجوهراتها من قلب بيتها .. و الحدث اللي أنهى عليها و وقف حياتها تماماً كان ۏفاة أمها في مايو 2011 بعد شهور قليلة من زواجها التالت.
أمها اللي كانت عندها هي كل حاجة .. و اللي شيرين قالت عنها إنها بتقرأ لها الأعمال المعروضة عليها، و بتساعدها في حياتها و تشتري لها لبسها و تاخد لها معظم القرارات في حياتها.