حماتي الحلقه الاولي بقلم ايه عادل

يا قليله الحيا هاتي اي ملايه اداري الزفت ده
سماح
لا يا خالتي انا عايزاكي تتباهي وتفتخري بديلك ده ده انتي معجزه يا شيخه
وجه بعد ساعه لقاها بټعيط وديلها جنبها اتفزع وقال
عبد الله
يا خبر اسود ومنيل ايه ده يا امي اعوذ بالله حد يشيل البتاع ده من قدامي وبطلو هزار
سماح
والله مش هزار ده ديل بجد تعالي بس اهدا
الحما
مش عارفه يابني صحيت لقيت الديل ده خلصني منه بالله عليك انا خاېفه منه اكتر منك
قال عبد الله وهو مصډوم يا جماعه لو مقلب ف هو مقلب بايخ
الحما
تعالي شوف بنفسك يعني هو انا صغيره علي المقالب يابني
وعبد الله لما أتأكد أن الموضوع حقيقه قال
عبد الله
لازم نروح لدكتور يقول ده من ايه
الحما
يلا بينا والنبي خلصوني منه
سماح
استني بس يا عبد الله ناخد مين وننزل الديل باين وملعلع انت مش شايف
عبد الله
محدش هياخد باله يلا بس اجهزو
ولما نزلنا كانت فهيمه نشرت الخبر والعيال قعدو يقولو لحماتي ايه ده يا طنط ورينا كده الديل ده ده شكله غريب اوي
حماتي جريت علي العربيه وقالت يالهوي عليا وعلي سنيني بقي انا في آخر ايامي اتهزق كده
وأنا قولت للعيال
سماح
بس يابني انت وهو عيب كده
ام فاروق
في ايه يا مدام بس بتزعقي في الواد ليه هو عمل حاجه ايه ده ده الكلام اللي بيتقال صحيح بقي هي ام عبد الله طلعلها ديل بجد
سماح
لا طبعا ايه الكلام الفارغ ده
ام فاروق
ياختي هو احنا مش بنشوف ماهي كانت نازله وديلها باين ممكن يكون اتلبست ولا عليها ندر شوفو الست دي ممكن جماعه تحت الارض اللهم احفظنا ياخدوها
سماح
طيب شكرا للمعلومه بعد اذنك بقي احنا رايحين ماشيين
ام فاروق
رايحين فين يا ختي
سماح
وانتي مالك يا ستي انتي غريبه اوي
ام فاروق
ياختي بطمن ماتبقيش خلاقيه اوي كده ربنا يطمنا عليكي يا ام عبد الله
عبد الله
اخلصي يا سماح لازم تاخدي وتدي في الكلام مع النا
الحما
طبعا ماهي فرحانه فيا ماهي دي عايزه جنازه وتشبع فيها لطم فرحانه فيا يا سماح
سماح
ولا فرحانه ولا حاجه هعمل ايه يعني ما انا معاكي اهو لحد ماشوف آخره ديلك ده ايه
عبد الله
يمكن حضرتك تقلتي في الاكل ياماما
الحما
حتي انت بتتريق عليا يا عبد الله ماشي كتر خيرك يا ابني
وروحنا للدكتور ولما دخلنا قال
الدكتور
اهلا تفضلو استريحو مين العيان
سماح
خالتي ياكتور تعبانه شويه
الدكتور
الف سلامه يا حاجه في ايه خير
الحما
بصراحه ياكتور انا طلعتلي حاجه كده غريبه شويه
الدكتور
دمل يعني ولا ايه ممكن اشوف
الحما
حاضر يا دكتور امري لله
والدكتور اول ما شاف الديل اټصدم وقال
الدكتور
ايه ده مستحيل يا جماعه هو انتم عملتولها عمليه من اللي بيعملوها بره الاجانب اللي بيحطو ديل واللي يركبو حاجات غريبه في وشهم
لقيت عبد الله اتعصب وقال
عبد الله
يا دكتور هو احنا وش الكلام ده يعني اكيد امي ست كبيره مش هتروح تعمل عمليه تركب ديل يعني
الدكتور
اومال ايه ده ده زي ماتكون مخلوقه بيه طلعلها منين ده حاجه غريبه اوي
قالتله وهي تبعيط
الحما
يا دكتور أنا صحيت من النوم لقيت نفسي عندي ديل شوفلي اي علاج يوقعه والنبي احسن تكون حساسيه ولا حاجه اكتبلي علي اي مضاد حيوي
سماح
يا خالتي هو دمل ده ديل وباين اهو
والدكتور طلب إشاعات وحاجات كتير كده وبعد ما عملناها قال
الدكتور
أنا كان ممكن اشيله بس للاسف الحاجه لو ديلها اتقطع ھتموت لأنه متوصل بوريد وهيحصل ڼزيف وټموت لو شيلناه
حماتي قالت بحزن وكسره يعني ايه هفضل طول عمري بديل الكلب ده لا شوفلي حل يا دكتور بالله عليك
الدكتور
مش هعرف يا حاجه حياتك هتبقي في خطړ لو شيلناه
سماح
طيب وايه الحل يا دكتور ماهي مش هينفع تعيش معاه كده الموضوع صعب جدا بالنسبالها
عبد الله
يعني حضرتك شايف أن مايفنعش اي عمليات ليها
الدكتور
انا مقدر موقفكم كويس والله والموضوع ده عمره ما ورد عليا بس ياعالم يمكن نلاقي حل للموضوع ده في يوم من الايام
ومشينا وحماتي كانت بټعيط طول الطريق وبتقول كان كل ده مستخبيلك فين يافتحيه كله منك يا وش الفقر ياللي اسمك سماح انتي انتي تلاقيكي دعيتي عليا
سماح
ادعي عليكي انا برضو ادعي عليكي يا خالتي ده انتي حتي نسمه عمري ماشوفت منك الا كل خير صحايان بدري وبهدله وشيل وحط بس يلا انا مسامحاكي
الحما
بت انتي صدقتي نفسك