حماتي الحلقه الاولي بقلم ايه عادل

هنفخك
سماح
أنا ديل الكلب برضو بصي كده في المرايا خالتي انتي طلعلك ديل هههههههههههههه انتي بقيتي ديل الكلب بصحيح
بصت في المرايا وقعدت تقول أعوذ بالله ايه ده خير يارب
وفضلت تصوت وأنا اضحك
الحما
اعمل ايه يابت يارب اعمل ايه
سماح
اهدي بس البسي حاجه تداري الديل وتعالي نروح المستشفي نقطعه
الحما
نقطع ايه احسن يطلع ديل تاني أطول منه يا خبر اسود ومنيل...
الجزء_الثاني
ولقيت حماتي عماله ټعيط ومش عارفه تداري الديل ولقيت الباب بيخبط قالتلي
الحما
أوعي تفتحي يابت استني
سماح
ليه بس خالتي ما افتح الباب عادي
الحما
يابت استري عليا انا دلوقتي ديلي بقي أطول مني استني عليا اداري الداهيه دي
سماح
طيب طيب يا خالتي
وعملت نفسي عبيطه وفتحت الباب وأنا مبسوطه
ولقيت فهيمه اللي خبطت امبارح وقالتلها أني شغاله عندهم
فهيمه
ازيك يا حبيبتي عامله ايه
سماح
كويسه يا طنط اتفضلي اتفضلي
فهيمه
ماتزعليش بقي من موقف امبارح يابنتي انا ماكنتش اعرفك
سماح
لا عادي ولا يهمك اتفضلي
فهيمه
اومال فين ام عبد الله
شاورتلها علي اوضتها وقولت
سماح
اتفضلي دي قاعده هنا ادخلي انتي مش غريبه
ولما الست خبطت وفتحت مره واحده لقت حماتي ديلها باين زي الشمس الست اټفزعت وقالت
فهيمه
يا نهار ابيض اعوذ بالله من الشيطان الرجيم ايه ده ايه ده ايه ده يا ام عبد الله طلعلك ديل ولا ايه ده جن ولا انس يا خړابي هي وصلت لكده ديل
الحما
اسكتي والنبي وطي صوتك أنا صحيت لقيت الديل ده معرفش من ايه ياختي وهتجنن من الصبح شوفولي حل يا جماعه اخرج من اوضتي ازاي
فهيمه
ألف سلامه عليكي وايه الحل في الموضوع ده انا مش عارفه ده سببه ايه جتتي لبشت من منظره
الحما
والنبي مش عارفه ياختي ياحسره عليا والف حسره ده انا كنت ست الستات دلوقتي ابقي بديل وديل كلب كمان يادي الڤضيحه ام جلاجل
والست فهيمه كانت مړعوبه وقالت
فهميه
أعوذ بالله ربنا يعافينا يارب معلش يا حبيبتي أنا ورايا مشوار كده وهبقي اعدي عليكي في وقت تاني سلام يا ام عبد الله اشتاتا شلتوت
وبعد ما الست مشيت سمعت حماتي بتندب وتقول
الحما
يا فضيحتك وسط الناس يا فتحيه ده انتي مافيش كبير ولا صغير غير لما بيعملك حساب دلوقتي هبقي مسخره البلد ايه العمل دلوقتي الوليه فهيمه دي لتاته وتعرف المنطقه كلها اعمل ايه بس ياربي في الديل اللي عايز يتقطع ده
دخلت علي خالتي عشان اواسيها شويه واضحك عليها
لقيتها قالتلي
الحما
اطلعي بره يا وش المصاېب يا ام اربعه وأربعين انتي انا مش قولتلك ماتفتحيش عليا الباب وماتدخليش حد عليا
سماح
حصل يا خالتي حصل
الحما
ولما هو حصل يا خالتي حصل تقومي مدخله الست عليا الاوضه بديلي ده زماني اتفضحت في المنطقه ارتاحتي يا عقربه انتي
سماح
الله وأنا مالي يا خالتي وبعدين مش الست دي من كتر حبك فيها قولتيلها عليه اني الشغاله بتاعتك قولت ادخلهالك تفكك شويه
الحما
اتفككت عضامك يا سماح قصره مش موضوعنا اتصلي ب عبد الله يشوف الوكسه اللي انا فيها دي اجري وعايزاكي تعملي الأكل وتغسلي وتمسحي الشقه عايزاها تبرق عايزاكي تشوفي وشك في الأرض كده
سماح
بس بس اسكتي انتي في ايه ولا في ايه اصبري نشوفي ديل الكلب ده طلعلك من ايه سبحان الله ذنوب وربك بيخلصها انا داخله امسح اوعي تيجي ورايا احسن ديلك يتبل من المياه
الحما
بقي كده يا سماح ماشي ماشي يا اوطي من الموس علي الارض
وقعدت ټعيط وتقول يا فضيحتك يا فتحيه كان مستخبيلك ده كله فييين وايه الحل بس ياربي
خرجت من قدام خالتي وأنا مېته من الضحك
وكلمت عبد الله وقولتله
سماح
انت فين يا عبد الله
عبد الله
في ايه يا سماح انتو كويسين
سماح
تعالي يا عبد الله أمك طلعلها ديل
عبد الله
ايه الهزار البايخ ده ماتحترمي نفسك يا سماح دي زي ما هي امي هي خالتك برضو وانا ماسمحش بكلام زي ده
سماح
بجد مش هزار تعالي شوف ديل الكلب اللي طلع ل أمك
عبد الله
قولتلك احترمي نفسك بدل ما هقلب عليكي امي ست محترمه ماعندهاش ديول ولا كلام فارغ من ده
سماح
والله بتكلم جد مش بغلط فيها تعالي بسرعه يا عبد الله
وقفلت مع عبد الله ولقيت خالتي قالتلي
الحما
هاه خلاص فضحتيني قولتي للناس كلها اني بقيت بديل
سماح
ياستي ماقولتش لحد ده انا كنت بكلم عبد الله يجي شوف ديلك الفل ده
الحما
عقبالك كده لما اشوف ودانك بقت زي ودان الحمار