جائتنى برسالة بقلم عادل عبد الله

: خليه عندك لوجه الله مش علشاني ، الولد لو فضل معايا في البرد ده ھيموت !!!
كنت واقفة ومش عارفة اعمل ايه او اتصرف ازاي !!
كان جوايا حاجة بتقولي خدي الولد منها لكن كنت خاېفة !!! لحد ما سمعت جوزي بيقولي هاتي الولد يا اماني .
اخدت الولد من ايديها وسألتها هترجعي تاخديه امتي ؟
: بعد كام يوم ، اول ما الاقي شقة هرجع واخده منك .

ومشيت اختي واخدت الولد ودخلت وقفلت الباب وبمجرد ما قربت الولد مني و ضميته عليا حسيت بحبه دخل قلبي .
عدت الايام يوم ورا يوم وشهر بعد شهر وسنة بعد سنة واختي مرجعتش مرة تانية ، وانا وجوزي حبنا للولد ده كبر يوم بعد يوم وحسينا انه ابننا حقيقي وانه عوض ربنا لنا عن عدم خلفتنا ، الولد ده هو انت يا زياد !! "

الكلام ده كان كلام امي " اقصد اللي كنت فاكرها امي " لما رجعت في يوم من الجامعة وشوفتها قاعدة مع ست اول مرة كنت اشوفها !!
وبعد ما الست دي مشيت خرجت من اوضتي وكان واضح الحزن اوي علي ملامح امي فسألتها : مالك يا ماما ؟
ردت : مفيش يا حبيبي ، ادخل انت شوف مذاكرتك .
: مين الست اللي كانت قاعدة معاكي ومشيت يا ماما ؟؟
فجأة لقيت عينيها دمعت وبدأت تحكي كل الكلام ده !!!
كنت قاعد في ذهول ومش مصدق خاصة انها حكيت لي كل حاجة بمنتهي الصراحة وقالت ان اختها " أمي الحقيقية " كانت منحرفة لدرجة انها كانت بتتخلص من كل حمل بيحصلها ما عدا حملها فيا انا معرفتش تتخلص منه ، خاصة انها كانت مبتعرفش الحمل ده من مين !!!
والنهاردة وبعد عشرين سنة راجعة علشان تاخد ابنها " اللي هو انا " علشان يعيش معها الباقي من حياتها خاصة ان جسمها مليئ بالامړاض و المتبقي من عمرها ليس بالكثير !!!!!
نسيت اقولكم ان والدي " جوزي خالتي " ماټ منذ عدة سنوات ولم يصبح لخالتي احدا سواي !!
ودلوقتي انا في حيرة يا تري اعيش مع امي اللي ربتني ؟ ولا ارجع لأمي الحقيقية ؟؟ ويا تري لو تخليت عن امي سواء الحقيقية او اللي ربتني هل يعد عقوق مني لها ؟؟ ارجوكم افيدوني .
تمت .