حكايه شمس بقلم عادل عبد الله

خصوصا انه معندهوش اولاد غير جوزي واخوه الكبير !!
حمايا راجل مبسوط وغني جدا عنده تجارة كبيرة و محلات كتير في المنطقة والكبير والصغير بيعمله الف حساب .
مادام حمايا متجوز كانت مراته هي اللي بتشوف طلباته من تنضيف البيت وطبخ الاكل وغسيل هدومه انما لما كان يطلق كنت انا وسلفتي كنا اللي بنعمل الحاجات دي .
وفي يوم وانا بمسح الشباك لقيت جارتي في البيت اللي قصادنا بتصبح عليا وبتقولي انها عايزة تتكلم معايا .
انا استغربت لأنها ساكنة قصادنا من اكتر من سنة واول مرة تكلمني !!!
قولتلها اهلا وسهلا تشرفي في اي وقت . سألتني جوزك او حماكي موجود قولتلها لا مشيوا راحوا اشغالهم قالتلي ربع ساعة واكون عندك .
كنت مستغربة لكن الاغرب اللي جارتي حكيتهولي
جارتي جات قعدت وبدأت تقولي مش عارفة ابتدي منين قولتها تحت امرك اتفضلي قولي كل اللي نفسك فيه .
قالتلي ان حمايا الرجل الكبير الوقور المحترم بيعاكسها !!!
طبعا انا اټصدمت من كلمتها وكدبتها وقولتلها لولا انك في بيتي كنت قولتلك انك ست كدابة وجاية تفتري علي حمايا .
قالتلي ليكي حق متصدقيش هو يبان قدام الناس محترم لكن بيعمل حاجات مراهقين !!وبعدها قالتلي انها صورته بالموبايل علشان يبقي دليل معها وورتني الصورة علي تليفونها .
اللي في الصورة يبان انه حمايا من بعيد قولتلها ده مش دليل لان ممكن الصورة تتعدل بالفوتوشوب .
بردو مستحيل كنت اصدقها لحد ما قالتلي علي الوقت اللي دايما بيقف يعاكسها فيه !!
جارتي قالتلي انها لحد دلوقتي مش عايزة تقول لجوزها علشان الموضوع ميكبرش .
وفعلا وقفت في الوقت اللي جارتي قالتلي عليه وكنت مخبية نفسي وبعد شوية شوفت حمايا بيعاكسها بقلم ليزر احمر !!!
كنت مش مصدقة عينيا حمايا الرجل الكبير الوقور اللي الكل بيعمله الف حساب يعمل كده !!!
قولت لازم احكي لسلفتي و نشوف حل للموضوع ده قبل ما يف ضحنا في المنطقة .
الغريبة اني لما حكيت لسلفتي قالتلي انها شافت حمابا بيعاكس جارتنا اكتر من مرة وقالت لجوزها لكن جوزها قالها ملكيش دعوة وانه
مينفعش يكلم ابوه في حاجة زي كده لأن ممكن يكون رد فعله انه يطردهم من البيت والشغل !!
ودلوقتي انا طلعت اللي جوايا وحكيتلكم علشان تفيدوني انا ممكن اعمل ايه اقول لجوزي بكلم ابوه وممكن وقتها يكون رد فعله انه يطردنا من البيت ولا اسكت لحد ما تحصل ڤضيحة لينا ولعيالنا منعرفش نعيش بعدها في المكان ده !!
تمت .