حكايه شمس بقلم عادل عبد الله

حكاية شمس
بقلم عادل عبد الله
أنا اسمي شمس والنهارده قررت اتكلم بعد صمت طويل واحكيلكم حكايتي اللي اكيد مش هتصدقوها او يمكن تقولو عليا اټجننت......
انا من محافظه ريفية ومن قريه بسيطة كل اهلها ناس طيبين .
انا متجوزه وعندي تلات عيال وعندي ٢٨ سنه .
الحمد لله جميله جدا بشهادة الجميع .
انا متجوزه في بيت عيله بيت كبير و ساكنه في الدور الارضي وفوق مني سلفتي الكبيرة وعيالها الاربعه .
انا وهي زي الاخوات بالظبط عمرنا مااختلفنا او زعلنا مع بعض هي بتعتبرني اختها الصغيره وانا بعتبرها اختي الكبيره ولو عندي اي حاجة كنت بقولها هي اول واحدة وباخد رأيها في كل حاجة .
هي عندها ٣١ سنه وجميله جدا جمالها يفوق جمالي بكتير .
عيونها خضرا وشعرها اشقر وناعم وخدودها وردي وجسمها ملفوف .
هي كمان من محافظة تانية ريفية لكننا لما اتجوزنا عيشنا مع اهل اجوازنا في بيت العيلة .
الحمد لله عايشيين كويس ومش ناقصنا حاجه .
حماتي ټوفيت من تلات سنين كانت لسه مش كملت الخمسين لكنها كانت مريضة الله يرحمها .
وحمايا عنده ٥٧ سنة و شخصيته قوية راجل لسه بصحته وله هيبة هو ساكن اخر دور فوق سلفتي حمايا اتجوز بعد ۏفاة حماتي بكام شهر .
اتجوز بنت عندها ٢٠ سنه وبعد ست شهور طلقها واتجوز بعدها مرتين كل مرة بنت اجمل من اللي قبلها !! ما بين كل واحدة والتانية شهرين او تلاتة بالكتير !!
فضل يتجوز ويطلق حوالي سنتين اكتر وحده قعدت معاه ست شهور وكل اللي اتجوزهم صغيرين وحلوين قوي .
وبعد مايطلقهم كان لازم يطلع سبب الطلاق اما انها طمعانه فيه واما انها مش نضيفة او يقول انها كانت عايزاه يكتبلها حاجة من املاكه المهم انه يقول اي مبرر علشان نصدقه !!
حمايا دا شخصيته قويه جدا وبيتحكم في كل حاجه ومسيطر علي البيت كله واللي فيه حتي في حياتنا الشخصيه !!
حتي اجوازنا لازم يرجعوله في كل حاجة حتي في اشغالهم وحياتهم خاصة انهم شغالين معاه في تجارته حمايا كان مهتم بالكبيرة والصغيرة في حياتنا