حماتي مش بتخلي جوزي يبات عندي غير يوم واحد في الاسبوع والسبب؟

كدا في يوم صبحيتكم اما مره ناقصه بصحيح قومي اغسلي وشك كدا ومتبينيش ان في حاجه معاكي قومي يلا
وقامت منار تغسل وشها وحطت ميكاب عشان ميبنش عليها حاجه وفعلا ناديه استنت الناس اللي تحت وستنتها تطلع هنا وتكلمت معاها وقالت
ناهد بصفار
يا اهلا يا اهلا والله نورتونا الف مبروك يا ام منار لمنار عقيال ما تيجي تباركيلها علي ولادتها كدا
ناديه
الله يبارك فيكي يا ام محمود بس اللي سمعته عكس المقابله دي خالص
ناهد
خير كفلله الشړ سمعتي ايه
ناديه
سمعت ان ست كبيره زيك محترمه بتفهم في الاصول متعملش تصرف زي داا تاخدي جوز بنتي من علي سريره من الفجريه عشان تنزليه تحت لا احترمتي خصوصيتهم ولا احترمتي الوضع اللي هما في ولا اتعاملتي بالاصول حتي وانتي ست مبتطلعش منك العيبه فالما تعملي تصرف زي دا فا غلط في حقك اوي
ناهد
هي الشملوله بنتك لحقت تحكيلك مش عيب كدا مفروض انتي مربياها كويس مش عيب الخبص
ناديه
ومش عيب اللي انتي عملتيه دا ثم بنتي مقلتليش غير لما لحظت عليها انها مش كويسه عنيها متنفخه من العياط ودبلانه دي شكل عروسه كان فرحها امبارح انا بحذرك يا ام محمود ابعدي عن بنتي وملكيش دعوه بيها غيرانه علي ابنك خيري بطريقه احسن من كدا متبينيش غيرتك
طلع محمود وسمع حماته بتتكلم وقال
خير يا حماتي في ايه بس
ناديه
وهيجي منين الخير يا محمود هي دي الامانه اللي انا امنتك عليها دا تصرف يحصل طب امك ست كبيره والسن ليه حكمه انت اي نظامك بطاوعها وتسيب فرشتك وتنزل
ناهد
اقولك ايه يا وليا انتي احترمي نفسك وتكلمي عدل اناي جاية تخربي علي بنتك ولا ايه
ناديه
بنتي هيتخرب بيتها فعلا طول ما انتي بتتعاملي كدا ومتقوحيش في الغلط
محمود
خلاص يا جماعه استعدو بالله انا مش عايز حد يدخل في حياتي انا ومرتتي بعد ازنكم محدش يتكلم في الموضوع دا تاني
ناديه
يارب تكون قد كلامك يا محمود وانا ماشيه اهو يلا يا بنتي سلام خدي بالك من جوزك وبيتك وخدي بالك من نفسك
ومشيت ناديه وفضلت ام محمود تدندن معاها برضو في الكلام وتقولها
اسمعي يابت انتي مش اي حاجه تجري وتحكيها لا امك احنا لسه بنقول يهادي
منار
دي امي ومن حقها تعرف اي حاجه عني
ناهد
لا يا حبيبت قلبي مش من حقها لا اخليها متعتبش البيت دا تاني
منار
انتي هتمنعي امي من انها تجيني يعني ولا ايه
ناهد
اه همنعها وهمنع اي حد ميعجبنيش طلام امك مش بتيجي بحترامها تبقا متجيش تاني
منار
لااا بقا كدا كتيير هو انا متجوزه مين يا محمود وانت ازاي واقف وساكت كدا ومش متكلم
محمود
عايزاني اعمل ايه يعني
منار
عايزاك تعمل اي حاجه انت شايف اني بتهان انا واهلي وانت واقف تتفرج انت ازاي كدا
ناهد
عايزاه يعمل ايه يا حبيبتي يعلي صوته علي امه مثلا ولا
يضربها لا انا ولدي عرفت اربيه الدور والباقي علي اللي مترباش اصلا
منار بصت لمحمود بخذلان واخدت بعضها ودخلت اوضتها جوه وفضلت ټعيط
محمود بره
مش كدا يا امي براحه علي البنت دي لسه عروسه
ناهد
اسكت انت انا عارفه الاشكال دي كويس لازم يدبحلها القطه عشان تخاف وتتعدل متتعوجش انا نازله بقا وهستناك الصبح تنزل تفطر ولا اطلع اصحيك انا
محمود
لا هنزل والله متقلقيش يلا تصبحي علي خير
ونزلت ناهد ودخل محمود لي منار وقالها
انتي زعلانه ليه دلوقتي بس ممكن افهم
منار بحزن
يااااه انت بتسأل لا والله بتسأل انا زعلانه ليه لا ابدا واحده اټصدمت في حماتها وكانت فكراها طيبه وطلعت شريره اه وكمان اكتشفت انها مكنتش راضيه بالجوازخ وجات من الفجر اخدت جوزي من حضڼي ونزلته عندها تحت و جوزي يوم صبحيتي من الفحر عند امه تحت لغايت اللحظه اللي احنا فيها دلوقتي وجاي تقولي زعلانه ليه مكبراها صح
محمود
جدا بصراحه مش لاقي اي سبب لزعلك كلها امور عاديه انتي بس اللي حساسه
منار
الظاهر يا محمود اني اتسرعت في اختياري ليك تصبح علي خير
محمود بتعجب
اتسرعتي في اختيارك ليا ! ويعني ايه تصبح علي خير انا عريس يا هانم مفيش نوم
منار
كويس انك عارف انك عريس لما بقا تستوعبها ابقا صحيني العريس مبيسبش فرشته وينزل يوم صبحيته يا استاذ ونامت منار وتاني يوم كالعاده جات حماتها
منار
قوم افتح امك جايه ترضعك باين
محمود
خفي نقوزه علي الصبح هاا خفي
منار
قوم بس هتقولك ابني حبيبي يلا عشان تنزل تفطر انزل بقا من سكات بالهنا يا روح امك
محمود
حسابك معايا بعدين مااشي
منار
ولا دلوقتي مش فارقه
محمود
طب عندا فيكي مش نازل ايه رايك
منار
طب لو راجل اعملها وبتحداك
محمود
مااشي وقام فتح الباب ولقي امه فعلا راح لبس الشبشب بتاعه ونزل معاها تحت ووو
يتبع