سلفتي المطلقه بقلم رحاب القاضي

جو التعارف والصرمحه ده مش عندي..
طارق
والله وانا كمان معاك يا بابا في الموضوع ده..
_ دخلت نور اوضتها وهي مدايقه جدا وكلمت واحد في الموبيل وقالتله...
نور
الحقني يا زياد بابا جابلي عريس وموافق بيه..
زياد
طيب الف مليون مبروك وربنا يتمم بخير نعم بقي عايزه ايه..
نور
انت ايه اللي بتقوله ده. مش احنا بنحب بعض وانت قولتلي انك هتيجي تخطبني..
زياد
هو انا لاقي اكل يا بنتي وبعدين اناكنت بتسلي شويه من ايام الجامعه وخلصنا خلاص..
نور پبكاء
انت مش محترم حسبي الله ونعم الوكيل فيك...
_وقفلت معاه وفضلت ټعيط وفعلا اتخطبت لعلي واتكتب كتابهم وبعد كتب الكتاب كانو قاعدين لوحدهم وهو قام وقعد جنبيها وقال.
علي
عامله ايه..
بعدت نور عنه شويه وقالت
الحمد لله كويسه ممكن تقعد مكانك..
علي
لا انتي بقيتي مرتتي فعادي اقعد جنبك وامسك ايدك والحاجات البسيطه دي..
نور بضيق
لو سمحت يعني انا لسه ما بقتش في بيتك عشان تعمل كده اصلا..
علي
خلاص يا ستي مش هعمل حاجه بس ما تدايقيش المهم الشبكه عجبتك..
نور
ويفيد بأيه وانت تاني يوم جواز هتبيعها..
ضحك علي وقال
هههههه لا لا والله مش هبيعها اولا دي هديه مني ليكي حتي يا ستي لو عايزه تشليها مع مامتك هنا ما عنديش مشكله..
نور
تبقي الشبكه فلصو مدام بايع اوي كده..
ضحك علي تاني وقال
ههههه لا مش فلصو ما انا دافع تمنها قدامك وانتي اللي اختارتيها بس كل الحكايه ان الشبكه دي هدين مني ليكي والهدايه مش بتتباع يا نور ولا بتتبدل حتي..
_ارتاحت نور في الكلام معاه وبدأت تحس فعلا انه شخص كويس حتي انه ما كلفش اهلها حاجه ودفع هو تمن حاجات كتير عليهم واتجوزته نور وتاني يوم جواز صحيت من النوم علي صوت خبط علي الباب..
نور
علي يا علي..
قام علي وقال
في ايه يا نور علي الصبح كده..
نور
قوم شوف مين بيخبط علينا بدري كده..
علي
قومي افتحي دي هبه اختي تلاقيها جيبالنا الفطار..
نور
طيب ما تقوم تفتح انت..
علي
قومي يا نور بقي ما تهزريش وما تعمليش دوشه انا هكمل نوم..
نور
والله شكلي اتجوزت غيبوبه انا..
_ولبست نور الروب وطلعت فتحت الباب ولقيت هبه اخت علي وحماتها..
نور
اهلا وسهلا صباح الخير تعالو اتفضلو...
بصتلها هبه بخبث وقالت
صباح النور يا عروسه بقولك ايه امسكي حماتك بقي عشان انا مسافره مع جوزي كام يوم البلد بس لو هتزعلي انها هتقعد عندك اخدها معايا..
ردت هنيه الحما وقالت
وايه اللي يزعلها بس ده بيو ابني واجي اقعد فيه في الوقت اللي يعجبني ولا انتي عندك اعتراض ياللي بيقولو عليكي عروسه...
نور
لا عادي يا طنط ولا يهمك اتفضلي نورتي البيت..
هبه
معلش يا بقي يا نور كان بودي اقعد معاكي اكتر من كده بس اعمل ايه بقي جوزي هو اللي مصمم نسافر عشان شغله وما ببقدرش يستغني عني خالص..
نور
لا عادي ولا يهمك تعالي طيب اقعدي معانا شويه..
هبه
لا مش وقته مرت تانيه خدي بالك من ماما بعد اذنك..
_قالت كلامها ومشيت وهنيه دخلت فتحت اوضة الضيوف وقالت..
هنيه
بقولك ايه يا مرات ابني ابقي تعالي شيلي كراكيبك دي من الاوضه انا مش هحب اقعد في حاجه كلها حاجات مش بتاعتي...
نور
حاضر يا طنط هرتاح شويه وهعملك كل اللي حضرتك عايزااه..
_وسابتها نور ودخلت اوضتها وقالت بعصبيه لعلي اللي نايم..
نور
علي يا علي قوم كلمني..
قام علي وقال
نعم يا نور في ايه تاني مش عارف انام منك من اولها...
نور
اختك ما كانتش جايبه الفطار دي كانت جيبالي امك لا وكمان امك عماله تلقح عليا بالكلام من اولها..
علي
في ايه يا نور دي ست كبيره عايزه تتخانقي معاها ولا ايه وبعدين لقحت عليكي خدي الكلام