مكالمه هاتفيه

ما أقوله طبعا على اللي شوفته في الصور قالي ان دا مستحيل مفيش رقم في الدنيا بالشكل دا ....
ازاي اواجههم بحاجة زي دي وايه الدليل اللي معايه أنا لسه لحد دلوقتي مش فاهم أصلا ازاي الصور دي بتتبعتلي وازاي الفيديوهات دي اتصورت ووصلتلي ومين اللي ورا كل دا وايه الرقم دا أصلا
لكن دي مكانتش نهاية الفيديوهات دي كانت جزء صغير منها ..
قعدت 3 أيام بعد الواقعة دي مش قادر ابص في عين أي حد لا مراتي ولا بنتي ولا موظفين شركتي حاسس بعار محدش هيفهمه ولا هيعرف سببه غيري أنا بالنسبة لكل اللي حواليا إنسان عصبي وصاحب شركة متعسف ..
لكن بالنسبة لنفسي أنا واحد مش فاهم أي حاجة ..
بعد 3 أيام جاتلي رسالة تانية جريت على التليفون زي اللي مستني خبر مهم أو نتيجة فارقة في حياته .. كان عندي فضول أعرف هيبعت إيه تاني أو يعرف عني إيه تاني .. مين تاني بيخوني وإيه تاني بيحصل من ورا ضهري
المفاجأة الصاډمة انه الفيديو المرادي مكانش عن الناس اللي حواليا .. كان عني أنا .. كنت أنا بطل الفيديو ..
أما محتوى الفيديو فكان تفاصيل الصفقة اللي رفعتني في السما صفقة بيع الآثار المقپرة الفرعونية اللي سرقتها ..
كل حاجة كانت متسجلة بالصوت والصورة بجودة عالية جدا مش فاهم ازاي مع ان الكلام دا حصل من 30 سنة ..
بعدها توالت الفيديوهات والصور كل فضايح حياتي كانت متصورة كل حاجة غلط عملتها كل كاس شربته ..
كل ست عرفتها وعملت معاها حاجة تغضب ربنا .. كل إنسان أذيته أو شردته ..
حتى أخطاء المراهقين اللي كنت بعملها وانا في إعدادي كانت متصورة أهلي اللي اتنكرت ليهم وسيبتهم في فقرهم ..
مبقيتش عارف دا حصل ازاي ولا مين صاحب الرقم دا بس مبقاش عندي شك انه مش إنسان مفيش إنسان عنده القدرة الخارقة دي .
وكان السؤال الأهم النسبالي هو عايز مني إيه
أكيد بعد كل دا فيه شيء مطلوب أكيد كل مش معمول بلا هدف ..
وجاتلي
الرسالة جريت اشوف فيها إيه ..
لقيتها ولا فيديو ولا صور هي مجرد جملة مكتوبة يتم الآن رفع جميع الملفات على شبكة الإنترنت .. عملية التحميل قد تستغرق 10 دقائق ولا يمكن إيقافها إلا بطريقة واحدة .. رصاصة تطلقها على نفسك في منتصف رأسك تماما ..
قدامي 10 دقايق بس عشان احسم أصعب اختيار في حياتي أعيش مفضوح وللا ام وت منت حر