بناتي والجان.الحلقه التانيه بقلم هويدا زغلول

الحلقه الثانيه

الراجل
لا لا الصوره مش مهمه اووي انا عايز حاجه تانيه خالص..
احمد
حاجة ايه دي اللي انت عايزها مش انت اللي طلبت الصوره في الاول..
الراجل
ايوه طلبتها بس انت طلبت الاقوي من السحر اللي اتفقنا عليه يبقي تسمع كلامي وتجيب ليا اللي هقولك عليه مفهوم..
احمد
مفهوم ايه اللي انت عايزه بالظبط..
الراجل
شعره من كل واحده فيهم ونقطة ډم..
احمد
بس ده صعب اوووي مش هقدر اجيب حاجه زي دي خالص..
الراجل
لا ما ليش فيه اتصرف وهات اللي انا طلبته منك والا ما تلومنيش لو قولتلك مش هعرف انفذلك اللي طلبته مني في محروس..
احمد
خلاص انا هتصرف بس هو انت هتعمل اللي قولتلك عليه..
الراجل
ايوه والبنات هينزلو معاك تحت وهما مش حاسين بحاجه...
احمد
تمام اتفقنا كده انا كمان اسبوع كده وهجيبلك كل اللي انت طلبته..
_ومشي احمد من عنده ورجع البيت تاني وقابل محروس في طريقه اللي قاله..
محروس
علي فين يا احمد وكنت فين الوقت ده كله..
احمد
جرا ايه يا محروس هو انت هتحاسبني ولا ايه وبعدين كنت في شغل..
محروس
ايوه شغل ايه بقي ده اللي انت كنت فيه هو مش المفروض اننا بنشتغل سوا..
احمد
اقف في نص الشارع وقولها وقول كمان احنا شغالين ايه خليها تكمل..
محروس
انا لا هقول ولا هعيد بس انت تعالي معايا دغري وقولي الموضوع هيخلص امتي..
احمد
تعالي طيب معايا فوق يلا نتكلم بالهداوه بدل وقفة السلم دي..
_ وطلعو فعلا فوق هما الاتنين وانا كنت واقفه علي السلم ولما سمعت الكلام ده دخلت وقولت لاميره اللي كانت قااعده قدام التلفزيون..
ناديه
بت يا اميره تفتكري لو ابوكي هيشتغل مع البي اسمه احمد ده هيشتغلو ايه..
اميره بحزن
مش عارفه يا ماما ايه اللي بينهم تلاقيه مشروع فاشل من اللي بابا بيعملهم..
ناديه
بس تعرفي انا عاجبني الواد احمد ده تحسيه جدع وابن نااس وبتاع سغل ياارب بس ابوكي ما بعملش حاجه تكرهه فينا حقه لو اختار واحده منك انتي او اخواتك ليه ويتجوزها هبقي مبسوطه اووي..
اميره
ليه هو الامله يعني ده حتي ساكن في اوضه..
ناديه
لا ما انا ابوكي قالي دي فتره مؤقته انما هو معاه فلوس كتير وناوي يشتري شقه وعربيه كمان..
طلعت امنيه من جوه وقالت
والله انا شاكه ان الواد ده نصااب اصل انا عارفه ابويا مش بيلم غير علي خوازيق..
ناديه
يالهوي منك ومن لسانك انتي تطفشي بلد بحالها المهم خلي بالك من اخواتك ومن اميره وخليها تاكل كويس وانا همشي اروح الشغل وابوكم هيروح الصبح ان شاء الله..
امينه
ماشي يا ماما تروحي وتيجي بألف سلامه يارب...
وانا مشيت وامنيه قالت لاميره
اجيبلك حاجه تاكليها ما ينفعش اللي انتي عملاه في نفسك ده..
اميره بدموع
انتي عارفه انا شوفت حلم وحش اووي امبارح مش عارفه اطلع منه..
امنيه
حلم ايه ده كفا الله الشړ قولي ربنا يجعله خير.
اميره بدات تتنفض وقالت
انا شوفتني وانا داخله المكتب عند عماد بيه وفجأه