جوزي واخته

وجايباها معاكي هنا في نفس الاوضة ونفس السرير انت سامعة
هند
انا مش هاقول غير ربنا على المفتري
الحما
انتي بتقولي ايه يابت بتبرطمي تقولي ايه ياموكوسة انتي
هند
مش بقول حاجة خالص ياحماتي انا بس بكح بكح انا هدخل المطبخ اشوف هنعمل ايه
وسبتها هي ومحمود جوزي ودخلت المطبخ وحماتي قالت له
بقولك ايه يامحمود بكرة اول الشهر والراجل صاحب البيت هيجي يقول لنا على الإيجار وانا لسه مش قبضت المعاش ومش معايا غير نص الإيجار هنجيب منين الباقي
محمود
انا مش معايا ولا مليم ياما عشان تبقى عامله حسابك اني مش هدفع ولا مليم القبض
في الشركه بقي يتأخر باليوم وڠصب
عني والله مش ب ايدي خالق
الام
ياساتر منك عيل طالع لابوك الله يرحمة في البخل مش بيهون عليك القرش تطلعه ابدا ماهو ابوك كان كده وعمتك اخت ابوك كده برضو طالعين لامهم الله يرحمها
محمود
انتي بتعرفيني على شجرة العيلة ياما منا عارفهم والله واحد واحد
الام
ااه يعني عارف انهم عيلة معفنة وبخيله كلهم من اول جدتك ام ابوك كانت وليه مفترية وبعدها عمتك ماجده اللي اشوف فيها يوم دي
محمود
بس عمتي ماجدة غلبانة اصلا ياما ومش لاقيه تاكل انتي ليه بتقولي عليها كده ماهي اصلا مش معاها ولا مليم
الام
ااه انا عارفه انها مش معاها بس الله اعلم بتصرف منين اصلا دي كانت لما تيجي تقول لابوك انا عايزة فلوس اصرف منها لما جوزها تعبان قبل مايروح مكنش بيرضي يديها ويقولي ماجده دي على قلبها ااد كده بس هي اللي مكنزة الفلوس ومش بطلع مليم احمر
محمود
يعني دلوقتي عمتي معاها ولا مش لاقيه تاكل ولا ايه الحوار
الام
الله اعلم يابني انا معرفش هي معاها ولا لا بس اللي اعرفه انها بخيلة ومش بيهون عليها القرش مقضياها لقمة بملح
محمود
الله يكون في عونها ياما المهم دلوقتي هنعمل ايه في موضوع الإيجار ده
الام
انا مش عارفه المفروض انك الراجل يبقا تتصرف يابني انا مش هفضل اصرف عليك انت ومراتك كده دايما وانت ولا بتعمل حاجة
محمود
ياما ما أنا بديكي المرتب كله في ايدك هو انا باخد حاجة ليا
الام
بطل كدب ياواد انت بتاخد نصه تديه للشملوله مراتك والنص التاني ليا انت هتحور عليا انا برضو
محمود
يلهوي عليكي يازينب هو انتي مابيفوتكيش حاجة ابدا عايشه في حياتنا ومركزة علطول كده وبعدين دي مراتي يعني مسؤلة مني ولازم برضو اديها فلوس
الام
يبقا اكيد محوشة طبعا خلاص يبقا تشوف معاها كده قرشين نكمل بيهم الإيجار
وخرجت من المطبخ وقولت لحماتي
هو احنا هنطبخ ايه النهاردة ياحماتي التلاجة مفيهاش حاجة خالص اعمل ايه
الحما
ياختي اعملي اي اكل هو لازم يعني لحمة وفراخ
هند
وهما فين اللحمة والفراخ دول ياحماتي ما احنا كل يوم بنقضيها اي حاجة
الحما
شوف مراتك يامحمود بتتبطر على النعمة ياختي احمدي ربنا ده غيرك مش لاقي يابت
هند
الحمد لله حمداه وشكراه بس برضو اعمل اكل ايه
الحما
اي لقمة ومشي حالنا احنا في أيام ما يعلم بيها الا ربنا وعايزين ندفع الإيجار ومش لاقيه اكمل اهو لسه بقول لجوزك
محمود
صحيح ياهند لو معاكي قرشين زيادة هاتيهم عشان نكمل على فلوس الإيجار
هند
منين ياحبيبي منين انا مش معايا حاجة خالص مبقاش معايا ولا مليم
الحما
شوف البت اللي هاتقول مش معايا برضو هو ابني مش بيديكي نص مرتبة يابت ولا ايه
هند
بيديني بس ساعات بحتاج حاجات بجيبها اعمل ايه يعني انا داخله المطبخ اشوف هعمل ايه بلا ۏجع دماغ بقا
ودخلت المطبخ وحماتي قالت لمحمود
ايه ياسبع البورمبة مفيش كلمة للموكوسة مراتك دي ولا ايه
محمود
بقولك ايه ياما متفضليش تسخنيني عليها عشان اقوم