جوزي واخته

وقبل ما بدا حكايتي اعرفكم بنفسي انا أسمي هند عندي 25 سنة متجوزة وعايشة مع حماتي وبنتها اماني اللي لسه انسة عايشين معاهم انا وجوزي في شقة واحدة
وفي يوم لقيت حماتي بتخبط على اوضتنا وكنت لسه نايمة انا وجوزي وفتحت لها وقالت
الحما
ايه يا ست هانم انتي هتفضلي نايمة جنبة طول النهار ولا ايه مش ها تقومي تشوفي ورانا ايه تعمليه
هند
في ايه ياحماتي ما النهاردة اجازة ابنك وهو بيبقا عايزني افضل جنبة يوم الاجازة اعمل ايه يعني
وبعدين ماما مخلصه كل حاجه امبارح علشان
عارفه ان انهارده هصحي متاخر
الحما
ومين اللي هيفطرني ياختي ولا عايزني ادخل انا
واعمل الفطار لنفسي
وبعدين مهو ابني نايم ما تخرجي من الاوضة تشوفي البيت في ايه يتعمل وتعمليه ماهو انا مش هشتغل لك خدامة ياختي
هند
وهو انا قولت لك اشتغلي لي يعني انا كنت شوية كده واقوم اشوف اللي ورايا وبعدين ماهي عندك اماني اهيه ماتعمل شوية لحد ما أنا اصحى
جات اماني وقالت لي
جرا ايه ياست هند ما أنا لسه مروقة اول امبارح وغسلة المواعين واليوم النهارده عليكي انتي فقومي بقا ياحبيبتي اعملي اللي عليكي
هند
حاضر يا اماني حاضر انا هغير هدومي وأخرج اشوف اللي ورايا في اي أوامر تانية ماهو الواحد مش بيعرف ياخد راحتة في البيت ده خالص
الحما
انتي عايزة راحة اكتر من كده يابت مش كفايه مقعداكي انتي وجوزك في الشقه الإيجار اللي انا عايشة فيها لما المحروس جه وقالي انا عايز اتجوز ياما ومش هعرف اجيب شقه قولت له وماله ياحبيبي تتجوز وتجيب مراتك وتعيشو معايا هنا في الشقة لو واحده غيري بقا كانت قالت له خود مراتك وروح شوف لك حته تانية اقعد فيها
هند
انا عايزة اعرف انتي ليه كل يوم بتفضلي تفكريني بالموضوع ده ليه هو انا اللي كنت قولت لابنك يتجوزني ويعيشني معاكي
الحما
لا ياختي ماهو انا عشان ست أصيلة مرضتش اسيب ابني يتجوز بعيد عني اصل الموكوس كان دايب فيكي وقال ايه بيحبك اوي
هند
الحمد لله ومازال لحد دلوقتي بيحبني ربنا يخليه ليا يارب
الحما
طيب يلا ياختي انجزي واطلعي من شوفي اللي وراكي ليكون اخر يوم ليكي النهاردة هنا وقالت كلامها ومشيت
ودخلت الاوضة لقيت محمود قاعد على السرير وبيقولي
محمود
هو كل يوم اصحى على الموال والوش ده على الصبح مفيش يوم اصحى على هدؤ في البيت ده
بجد والله لو الظروف تمسح كنت سبت
ليكم البيت ومشيت
هند
انت بتقولي انا الكلام ده ماتقول لأمك ياحبيبي اللي كل تنزلني بقعدتنا معاها هنا في الشقه عشان اقول لك يامحمود شوف لي شقه بعيدة عنها اجر في اي حته تانية فضلت تقولي وهجيب منين خلاص اشرب بقا واستحمل عمايل امك فينا
محمود
يوووه استغفر الله العظيم على الصبح هو انتي عايزة نكد وخلاص ياهند انا هاقوم اغور من وشك عشان ترتاحي
هند
هتروح فين ياحبيبي والنهارده اجازتك ايه هتروح تفتح المكان بتاع الشغل وتقعد هناك لوحدك
محمود
والله اروح اقعد لوحدي احسن من اني اقعد في الغم والنكد ده انتو مبتزهقوش نكد اوعي من وشي
وسبني وخرج بره الاوضة وامه كانت قاعده في الصاله وقالت له
جرا ايه يامحمود انت بتزعق للي ماتتسماش دي ليه عملت لك ايه
محمود
انا بتكلم عن الوش اللي عاملينة انتي وهي ياما على كل يوم نكد منكم كده فيه اي هو
انتي مش قادره تستحملينا ولا اي
الام
مش عجبك ياضنايا وبعدين مراتك دي تنكد علي بلد بحالها
هند
ماتخليكي محضر خير ياحماتي الله يخليكي كفايه كده بقا
الحما
اسمعي يابت والله انتي لو متعدلتي لكون مجوزاه