حماتي _الجزء الاخير_بقلم هويدا زغلول

علشان اسمعهم انا مش زعلانه
هشام
للدرجه دي بتحبني
بسنت
وعمري ما حبيت حد غيرك وفي اليوم اللي سبتني فيه ورحت اتجوزت ايمان ومع انك كسرت قلبي لكن عمري ما كرهتك لكن حرمت نفسي على اي راجل وهو انا اهو زي ما انا ما تغيرش في حاجه حتى مشاعري
هشام قرب منها ومسك ايديها وقال لها
سامحيني يا بسنت كان في ظروف اقوى مني المفروض كنت استحمل علشان كده اتجوزتها لكن قلبي ما تغيرش ولا نسيت اصلي وسبحان الله في اليوم اللي دخلت فيه الست ثريا سمعتنا ايمان وزعلت ان انا بعمل عمليات لوجه الله
بسنت
ما هو ده اللي كان مخليني افضل احبك البلد كلها عارفه قد ايه انت طيب وبتاعتك على الغلابه واللي زيك نادر وجوده في الزمن ده علشان كده عمري ما بطلت احبك
ابتسم هشام وقال
اول ما طلقتها ومشيت ففكرتش غير فيك انت كمان كنت جوايا لكن ما كانش ينفع اتقرب منك او اشوفك كنت هعمل لك مشاكل وللاسف انا كمان كنت السبب في الحاډثه اللي حصلت لك دي لان ايمان قالت لحد يعمل كده معاكي
بسنت
تصدق اول ما شفت العربيه مقربه عليا ما جاش في دماغي غيرها افتكرت زمان لما هددتني اني ابعد عنك والا هتريحني خالص.
ثريا تنحنحت ما هي كانت قاعده في الاوضه
ثريا
والله يا دكتور لو تعرف فرحتي دلوقتي قد ايه ان انتم اتجمعتوا سوا واخيرا شفت حد عاقل ما يقبلش الاهانه على نفسه من مراته عقبال ابني ما يفوق من الغمه اللي هو فيها
لف هشام وبص لها
انا اسف ما خدتش بالي الكلام مع بسنت نساني الدنيا ادعي ربنا يهدي ابنك زي ما دعيتي لي لما عرفتي اني هعمل العمليه وساعتها دخلت ايمان متهيالي دي كانت دعوتك وربنا الحمد لله خلصني منها وانت كنت السبب انا مش هسيبك وهوصلك لبيتك وههتمي بيكي لاخر لحظه في حياتي
بسنت بضعف
انت وشك حلو علينا وانا نسيت اي ۏجع دلوقتي يكفيني ان ربنا جمعني بهشام وانت طول حياتنا هتبقي في عينينا
الثريا بټعيط وحكيت لهم حكايتها كلها
ثريا
وادي كل اللي حصل بعد سنين تعبي على ابني كل اللي طالباه منك يا دكتور هشام توصلني بيتي انا مش هعرف اركب مواصلات ويبقى كثر خيرك وجميلك على راسي من فوق ولغايه اخر يوم في عمري هسجد لربنا وادعي لك انت والدكتوره بسنت ربنا يجمعكم على خير ويرزقكم بالذريه الصالحه
ابتسمت بسنت وبصت لهشام اللي مسك ايديها بكل حب
واخر يوم العيد وفي بيت ثريا المتواضع
هشام
حمد لله على سلامتك يا حاجه ثريا ليه ما سمعتيش كلام بسنت وفضلتي قاعده معانا كمان مامت بسنت قالت ان هي هتبقى مبسوطه لو رضيتي وقعدتي معاها في بيتها خصوصا ان بسنت وانا هندور لنا على شقه علشان نتجوز فيها
ثريا
بجد يا