حماتي _الجزء الاخير_بقلم هويدا زغلول

ايمان
بجد يا محروس خلصتني منها خلاص
محروس
من امتى قلت لك يا فندم حاجه وما حصلتش كل اللي امرتي بيه حصل
وفي مستشفى بسنت
هشام
حضروا لي اوضه العمليات بسرعه دكتوره ايمان في خطړ لازم نوقف الڼزيف
ام بسنت
ايه اللي بيحصل ده يا ربي انا ما صدقت بنتي وقفت على رجليها وقدرت تفتح المستشفى اللي كانت حلم ابوها
خالد
ما تخافيش يا خالتي ان شاء الله هتقوم بالسلامه
ام بسنت
سيبني يا خالد دلوقتي وما تزعلش مني انسى الموضوع اللي كنت فاتحتني فيه
خالد
ليه خالتي حصل مني حاجه
ام بسنت
انا السبب في اللي حصل لبنتي انا اللي زعلتها وغصبتها تيجي ڠصب عنها علشان تقابلك ايه هي رافضه الجوازه دي يا رب اقومها لي بالسلامه ومش هغصبها ابدا على حاجه مش عايزه تعملها
خالد
انا واقف معاكي يا خالتي دلوقتي مش علشان انا عاوزه اتجوز بسنت لا علشان انا راجل وابقى ابن خالتها وده الواجب المفروض اعمله اما الجواز فكل شيء قسمه ونصيب ربنا يقومها بالسلامه ويرزقها بابن الحلال
وبعد ساعتين
خرج هشام من اوضه العمليات وهو مرهق
هشام
الحمد لله يا امي بسنت بقت بخير دلوقتي قدرت اوقف الڼزيف بفضل ربنا
ام ايمان
الحمد لله انا كنت موجود احنا في العيد والدكاتره كلها اخده اجازه
هشام
نقلناها دلوقتي الاوضه وان شاء الله لما تفوق من البنج هتبقى كويسه وان شاء الله البوليس هيعرف يجيب لها حقها لما يعرف مين اللي خپطها
وفي اوضه المستشفى اللي قاعده فيها ثريا
ثريا
من ساعه ما عرفت اللي حصل للدكتوره وانا ربنا عالم بيا دي كانت بتشربني العصير الصبح ربنا يقومها بالسلامه وينتقم من اللي كان السبب
هشام
ايوه يا حاجه ادعي لها ربنا يقومها بالسلامه خاېف يكون وشي وحش عليها بعد ما جيت لها بعد سنين طويله
ثريا
جالها تليفون وطلعت تجري ما اعرفش مالها قالت حاضر يا ماما وطلعت تجري يمكن وهي نازله ولا بتعدي السكه اتخبطت علشان كانت مستعجله
هشام وكانه بيكلم نفسه
الموضوع غريب بتعدي سكه ايه بس دي عربيتها واقفه قدام المستشفى على طول
وفي بيت ايمان
محروس
الحقيني يا هانم ما كنتش واخد بالي اني في كاميرات في المنطقه كل محل حاطط قدامه كاميرا وكمان المستشفى قدامها كاميرا
ايمان
هو انت ما كنتش شايل نمر العربيه
محروس
كنت مغطي نمر العربيه لكن المشكله نسيت البس كاب فوق راسي وخاېف يكونوا جابوا شكلي وانا مسجل عندهم عندهم من زمان
ايمان بعصبيه
مش فاهمه يا محروس يعني ايه مسجل عندهم الموضوع ده كان قديم واكيد اتنسى
محروس
كل حاجه بتبقى في سجلتهم يا مدام
ايمان
عايزاك تخرج من هنا وما تبانش خالص تستخبى في اي حته لغايه ما يعدي وقت طويل والموضوع يتنسى واي فلوس عايزها انا هديها لك خد دي عشرة الاف جنيه مشي بيها حالك دلوقتي
محروس
ما يكفوش يا هانم ما انا لازم اسيب لعيالي فلوس في البيت قبل ما اختفي