بنتي كامله بقلم هويدا زغلول

بنضف الشقه وبغسل المواعين
الجارة
يلهوي ازاى الكلام ده ياهدير يعني هي مش بتسيبك تلعبي
هدير
لا ياطنط دي بتخليني اعمل حاجات كتير في البيت وبتضربني لما بقول لها مش قادرة اعمل حاجة
الجارة
لاحول ولا قوة الا بالله طيب ياحبيبتي هو بابا فين مش بيقول لها حاجة لما بيشوفك بتعملي كده
هدير
لا ياطنط عشان بابا بيبقا في الشغل بيرجع متأخر وهي قالت لي لو قولت لبابا حاجة هتدحبني وانا بخاف لحسن تتدبحني
الجارة
استغفر الله العظيم ده ايه الست دي وقالت لجوزها
انت معاك نمره المهندس خالد يامحسن هاتها عشان لازم احكي له
محسن.
ملناش دعوة احنا يافاتن احنا مالنا بيهم
فاتن
مالنا ازاى لا طبعا لازم يجي يشوف اللي بيحصل مع بنته هات ياراجل الرقم
وفعلا اتصلت بخالد وحكت له وطلعت هدير عند هيام ولقتها محضرة السفرة وعامله اكل كتير وحلو وهدير قالت لها
الله ياماما ايه الاكل ده شكلة حلو اوي انا جعانة هو انا ممكن اكل ياماما
هيام
انتي ايه يابت اللي طلعك انا مش قولت مطتلعيش غير لما ابعت لك
هدير
عايزة اكل وانا اتكسفت اكل عند طنط عشان انا مش متعوده اكل عند حد ممكن اكل من ده
هيام
امممم طيب ومسكت طبق وحطت فيه صوباعين محشي وقالت لها
خودي اطفحي بس تعالي معايا وأخدتها طلعتها على السلم قدام الشقه وقالت لها
تترزعي هنا وانتي بتطفحي وملكيش دعوة باي حد يجي انتي سامعه ولا لا
واقعدت هدير على السلم والطبق قدامها وفضلت ټعيط وأصحاب هيام جم ودخلو الشقه وهما داخلين افتكرو ان هدير بنت البواب
ورجع خالد علي فجأة لاقي هدير حاطه دماغها على السلم والطبق قدامها وبتعيط وقالها
بنتي ايه ياحبيبتي اللي مقعدك كده حضنتة وفضلت ټعيط وقالت له
طنط هيام اللي قالت لي اقعد هنا ومدخلش جوه عشان أصحابها جوه وعاملة اكل حلو ومش رضيت تديني الا ده بس
خالد
هو انت عملتي حاجة زعلتها ياهدير
هدير
لا والله يابابا ده حتى بسمع كلامها في كل حاجة وكنت بنضف البيت واغسل المواعين ومش كنت بقولك
خالد بكل ڠضب قال
تعالي معايا ودخل وكانت قاعده بتضحك مع أصحابها ولما شافته اتخضت وقالت له
خالد انت جيت بدري ليه كده ياحبيبي مش قولت هترجع بالليل
خالد
رجعت عشان اشوف اللي بتعمليه مع بنتي يا اوطي خلق الله بقا مدخله العررر دول بيتي ورامية بنتي على السلم
هيام
خالد استني هفهمك
خالد
انا مش عايز افهم حاجة انتي طالق ياهيام ويلا خودي الژبالة اللي شبهك دول واخرجي بره يلاااا بررررة استني وانتي ماشية اوعي تاخدي الدهب اللي انا جيبتهولك
هيام
انا ماشية بس هتندم على اللي انت عملتة ده
ومشيت هيام وخالد قال لهدير
انا اسف ياحبيبتي انا غلطت اني جيبت لك واحده زي دي حقك عليا
ومن بعدها خالد قرر انه مش هيتجوز تاني ويعيش لبنتة وبس
وبكده تكون خلصت حكايتنا