الورث ـــــــ الحلقه 9/10/11/12ـــــــ بقلم نور محمد

البارت_التاسع
وفي منزل حسام
محمود پغضب_انت ليه عملت كده حرام عليك كسرت قلبي وقلبها
حسام ببرود_محمود اهدي انا عملت كده لمصلحتك
محمود پحده_مصلحتي ايه انت ليه كذبت عليهم انا بحبها ليه عملت كده
حسام_قولتلك عملت كده لمصلحتك كان لازم اقول كده قدامهم
محمود_لا انت عملت كده علشان مصلحتك مش مصلحتي كذبت عليهم وقولت اني ابنك ليه
حسام_علشان مينفعش يعرفوا الحقيقه دلوقتي قبل ما حنان وميرا يسامحوني
محمود پصدمه_حقيقه ايه
حسام بحزن_حقيقه اني مبخلفش
محمود پصدمه_مبتخلفش ازاي يعني ميرا مش بنتك
حسام بسرعه_لا ميرا بنتي..بنتي الوحيده
محمود بعدم فهم_انا مش فاهم حاجه
حسام بحزن_تعال هنا جنبي وانا هحكيلك كل حاجه من اولها
قرب محمود وقعد جنبه وبدأ حسام يتكلم
_انا من ايام الطفوله بحب جارتي الي هي امك نسمه.. كبرنا سوى وحبي لها كبر اوي معانا
وبعد ما دخلت الجامعه انا ونسمه.. قررت اخلص جامعه وادور على شغل في شركه كويسه علشان اقدر اتقدم لها.. وفعلا دورت كتير على شغل بعد تخرجي في كل مكان
بس بدون فايده كل شركه كانت عاوزه واسطه علشان اقدر اشتغل هناك.. وانا كونت فقير مش معايا امكانيه الواسطه دي.. وفي وقتها بقت العرسان تتقدم لمامتك نسمه
وانا كونت خاېف اوي اخسرها.. ففكرت في أي طريقه اجمع بيها فلوس بسرعه.. وقتها شوفت حنان كانت لسه في الجامعه بتدرس
وكانت جميله ورقيقه اوي.. وانا سئلت عنها وعرفت ان بباها عنده شغل كبير ومحلات ملابس في كل مكان.. فطمعت فيها بنت صغيره وجميله وكمان معاها فلوس كتير
واقدر اضحك عليا بسهوله.. وفعلا عملت كده وحنان حبتني اوي واتقدمت لها.. بس عم محمد ابوها واخوها جلال شكو فيا وعرفوا انا ناوي على ايه فرفضوا جوازي منها
وانا في وقتها فضلت اضغط على حنان.. علشان توافق نجوز بدون علمهم وبعد مجهود كبير وافقه وكتبت كتابي عليها.. وروحت انا وهيا لعمي محمد
وحطيته تحت الامر الواقع.. وهو بعد ماصعبت عليه بنته وافق.. بس كان بيراقبني علطول هو وابنه جلال والد احمد.. وانا في وقتها حاولت اجمع منهم فلوس كتير بأسم حنان مراتي طبعا.. بس عم محمد كشفني فكتب كل حاجه بأسم جلال ابنه
وانا اتعصبت اوي واتخانقت مع حنان بعد ماخلفت منها بنتي ميرا وكانت يادوب عمرها شهرين.. وبعد مااتخانقت معاها طلعت اشوف نسمه
بس اتفاجئت انها اتجوز حسين ابن عمها.. وانا وقتها انهرت تماما بعد الخبر ده.. كل حاجه ضاعه من ايدي فلوس حنان وحبيبتي نسمه الي عملت كل ده علشانها.. والدنيا بقت سوده قدامه فسبت كل حاجه وهربت بره البلد
بدون ماافكر في حنان او بنتي هيحصل فيا ايه من بعدي.. واستقريت بره مصر واشتغلت وبقى معايا فلوس.. فقررت ارجع تاني كونت مكسوف اوي من نفسي.. وعاوز ارجع اعتزر لحنان واشوف بنتي تاني بس
وانا في الطريق عملت حاډث كبير.. وفضلت في المستشفي ست شهور.. وانا في غيبوبه وبعدها فقت بصعوبه والدكتور قال اني فقت منها بمعجزه.. بس للاسف حصلت معايا مضاعفات وبقيت مش بخلف تاني.. زعلت في وقتها اوي على حالتي.. بس قولت ده حق حنان وبنتي الي سيبتهم بدون زنب
ورجعت علشان اشوف حنان.. بس سمعت ان نسمه مامتك جوزها ماټ وبقت ارمله.. وكمان معاها ابنها من جوزها الي هو انت يامحمود.. وكان عمرك وقتها سنتين.. فقلبي حن لها تاني لاني حبتها اوي فروحت اتقدم لها علطول ونسيت حنان وبنتي تاني
في وقتها كونت بسمع لقلبي بس.. ومن فرحتي كلمت نسمه وقولت لها كل حاجه حصلت.. وهي بعد اصرار كبير مني وافقت.. لما قولت اني بحبها اوي وهبقى اب ليك.. وفعلا اجوزها وربيتك على انك ابني باظبط.. بس انا عمري مانسيت بنتي كانت علطول في بالي.. وكونت عاوز اروح اشوفها
بس عرفت انهم نقلوا لمكان تاني من زمان.. فزعلت اوي بس فضلت ادعي ربنا كتير اني اشوفها تاني ولو مره وحده.. وربنا بعد العمر ده كله استجاب ليا.. لما شوفتها صدفه في المستشفي مع العيله كلها.. وقتها عرفت انها بنتي فجرت اشوفها بس حنان منعتني منها
محمود پصدمه_انت عملت كل ده فيهم
حسام بندم_ايوه بس انا ندمان انا غلطت وربنا انتقم مني من زمان لما انحرمت من الخلفه تاني
محمود بعدم فهم_طيب انت ليه كذبت عليهم برضو