بابا وخطيبي

معقولة منال ورؤوف خطيبي انا مصدقة اللي سمعتة ده انا لازم اعرف بابا باللي بيحصل من وراه ده
و في اليوم التاني كان قاعد يحيى ورؤوف في اجتماع ومستهدين الفرصه الثانيه فجاه دخل عليهم واحد
يحيي
ايه ده مين حضرتك وازاي دخلت شركتي بالطريقه دي
مصطفي
خليه يدخل يا يحيى بيه وهو هيشرح لك كل حاجه دلوقتي
يحيي
مين ده اصلا ويشرح لي ايه
رؤوف برتباك
سيبك منه يا حمايا وركز في المناقصه مش عايزين نخسرها زي الاولى
الراجل
لا تخسروها زي الاولى يا رؤوف عارف ليه تحب تقول ولا اقول انا
يحيي
هو ايه اللي بيحصل هنا ده ومين حضرتك
الراجل
انا اسمي عز العلايلي عارف ان حضرتك مش فاكرني لان عدى ثلاث سنين تقريبا على اخر مره شفتك فيها ويمكن لان الشكل يتغير كمان اصل حضرتك عارف ان الفلوس بتغير كثير ولا ايه يا رؤوف
يحيي
انا فعلا حاسس اني سمعت الاسم ده قبل كده... معقوله انت الشاب اللي جه يشتغل معايا من ثلاث سنين وانا رفضته بعد ما اعترفت لي انك معجب بولاء بنتي
عز مبتسم
كويس انك لسه فاكر يا يحيى بيه بس نسيت تقول انت رفضتني ليه عشان كنت ساعتها مجرد واحد لسه متخرج جديد ومعهوش فلوس
يحيي
ممكن اعرف انت جاي ليه دلوقتي يا عز
عز
جايه عشان انقذك من الخطړ اللي انت حطيت نفسك فيه انت وولاء بنتك.. اللي قاعد جنبك ده اكبر مصېبه انت عايز تحط بنتك فيها
رؤوف پغضب
ايه اللي انت بتقوله ده يا عز وانت ازاي ساكت له يا حمايا اطرده بره الشركه حالا
عز
لو في حد هينطرد من هنا فهو انت رؤوف انا سكت عليه كثير وانا شايفك بتلعب بطريقه رخيصه جدا حوالين راجل وثق فيك وبنت بريئه سلمت لك قلبها بكل سهوله
يحيي پغضب
انا زهقت من طريقه الالغاز دي انا عايزه اعرف دلوقتي عايز انت جاي هنا تعمل ايه وايه وكل النغنغه اللي انت بقيت فيها دي وتعرف رؤوف منين وايه الكلام اللي انت بتقوله عليه ده
عز
رؤوف اللي قاعد جنبك ده يا يحيى بيه هو اللي بيوجع لك الشركه مش بينجحها لك زي ما انت متخيل... وهو كمان اللي بدل اوراق المناقصه الاولى باوراق تانيه مزيفه واشترى واحد من موظفينك عشان يساعده في كده اللي هو مصطفى بس مصطفى ما يعرفش ان انا اللي خليته يقع قدامه عشان يكشف العيبه الزباله دي
يحيي
مستحيل اللي انت بتقوله ده مستحيل يكون حقيقي
رؤوف بتوتر
ايوه طبعا يا عمي انا مستحيل اعمل كده صدقني الراجل ده جاي يوقع ما بينا عشان لسه بيحب ولاء
عز
بما اني بقيت راجل اعمال ناجح فانا مش بقول اي كلام وخلاص كل كلمه بتطلع مني بتبقى ليها دليل والدليل معايا دلوقتي... طلع ليحيى بيه كل الورق والتسجيلات يا مصطفى خليه يشوف ويسمع عشان يتاكد بنفسه