فستان الفرح

انتي ازاى تعملي حاجة زي كده انطقي يابنت
شروق بټعيط
خلاص والله مش هعمل كده تاني وفي الوقت اللي كنت بزعق في لشروق لقيت حماتي بتخبط على الباب وفتحتلها لقيتها بتقولي
في ايه يا ليلي عماله بتزعقي ليه انا سامعه صوتك وانا واقفه عند الباب
ليلى
دخلت على شروق دلوقتي لقيتها عامله حمام على نفسها يا ماما
الحما
الله وماله يا ليلي دي عيلة صغيرة واكيد ڠصب عنها ايه المشكلة يعنى
شروق راحت علي واخدتها بالحضن وفضلت تهدي فيها
اهدي ياحبيبتي متعيطيش ماما متقصدش
ليلى
اهو دلعك فيها ده ياماما اللي موديها في داهية هو انا فيا حيل اشيل مراتب واهويها وانضف مكانها
الحما
مخلاص بقا ياليلي اللي حصل حصل وشروق مش
هتعمل كده تاني كفاية زعيق فزعتي البنت
الله
ليلى
حاضر ياماما عشان خاطرك بس هسكت بس والله ياشروق لو عملتيها لحرقك بالسکينة
البنت اڼهارت وفضلت ټعيط وتقول
لا سکينة لا سکينة لا خلاص والله ياماما خلاص مش هعمل كده تاني
ليلى
مالك ياشروق اهدي ياحبيبتي اهدي خلاص مش هعملك حاجة واخدتها في حضنها
الحما
شوفتي عمايلك يا ليلي خليتي البنت اټفزعت اياكي تكلميها بالطريقة دي تاني
ليلى
اول مره اشوفها بالحالة دي اهدي يابنتي
الحما
هو يسري لسه مرجعش من برة برضو
ليلى
مانتي عارفه هو يسري بقا يقعد في البيت خالص
الحما
ربنا يعينة يابنتي
وعند يسري في مكتبة كان قاعد لقى تليفون بيرد
الوو مين معايا
محروس
الووو ايوه ياباشا انا محروس
يسري
انتي بتتصل بيا ليه يا زفت انا مش قولتلك متتصلش بيا خالص
محروس
انا بس عايزك تشوفلي قرشين كده ياباشا
يسري
قريشين ايه مانت واخد حقك كله على داير مليم يامحروس
محروس
ايوه بس الفلوس خلصت ومش معايا حتى اجيب علبة سجاير وبعدين مانت عارف الدنيا غليت ازاى
يسري رد عليه بعصبية وقالو
اسمع يا زفت انت هديك قرشين وتحلي عن سمايا خالص واياك تتصل بيا تاني انت سامع ولا لا
محروس
اه اه طبعا سامع وبعد ماقفل مع يسري فضل يقول لنفسه هو انت فاكرني هسيبك في حالك ولا ايه ياباشا هاهاهاها
وتاني يوم الصبح جهزت الفطار لجارنا وبقول لشروق
يلا ياحبيبتي تعالي معايا نودي الاكل ده لجدو سليمان
شروق
لا لا لا مش هروح عنده روحي انتي ياماما وانا هستناكي هنا على ماتيجي
ليلى
لا ياحبيبتي مش هينفع اسيبك لوحدك في البيت يلا بس يلا هنروح ونرجع علطول
شروق بتخبط رجلها في الارض وفضلت تقول
لا مش هاروح معاكي مش هاروح وديني عند تيتا لحد ماترجعي
ليلى
انا مش عارفة يابنت انتي بقيتي عامله كده ليه طيب يلا اوديكي عند تيتا وانا اروحله بالأكل
وفعلا نزلت وديت شروق عند حماتي ورحت عند عم سليمان جارنا
ليلى
صباح الفل ياعم سليمان انت لسه صاحي دلوقتي ولا ايه
سليمان
لا يا ليلي يابنتي انا صاحي من بدري وبعدين هو انتي كل يوم تتعبي نفسك وتجبيلي الاكل لحد عندي
ليلى
متقولش كد انت زي والدي ياعمو
سليمان
امال شروق مجتش معاكي ليه
ليلى
ابدا أصلها كانت عايزة تروح عند جدتها فانا وديتها النهاردة
سليمان
طيب المرة الجاية هاتيها معاكي وابقي سلمي على ام يسري
ومشيت من عنده ورجعت اخدت شروق من عند حماتي ورجعت البيت
عند يسري أحمد دخل عليه شكله حزين ومربي دقنة
يسري
وبعدين معاك يا أحمد انت هتفضل على الحال ده لحد امتى مينفعش اللي انت عاملة في نفسك ده
أحمد
انا بحاول انسي اللي حصل مش قادر يا استاذ يسري نفسي اعرف اسماء غلطت مع او مين اللي عمل فيها كده
يسري رد عليه بخبث وقاله
اسماء خلاص ماټت وسرها اندفن معاها يا أحمد ويمكن ربنا عمل كده عشان يفضل سترها وميفضحش سرها
احمد
ونعم بالله ربنا يسامحها دي مهما ان كانت اختي ومكنتش بستحمل عليها حاجة
وفي اللحظه
دي دخل HR ومعاه بنت زي القمر وقال ليسري
انا جبتلك السكرتيرة الجديدة يا استاذ يسري تقدر حضرتك تطلع على ال CV بتاعها
يسري فضل يبص للبنت باعجاب من فوق لتحت وقالة متشكر يا استاذ مصطفى سيب الانسة واتفضل انت
واحمد بصلها وقاله
وانا كمان هستأذنك اروح واروح اشوف شغلي
وخرج من عنده
البنت واقفه قدام مكتب يسري وهو لسه بيبص عليها باعجاب وقالها اتفضلي اقعدي ياااا وبص في ورقها وقال يا إيناس
وفضل يتكلم معاها وقبلها وبقت السكرتيرة بتاعتة
أحمد خلص شغلة ورجع على البيت ولسه حزين وحاسس انه تايه فضل قاعد على الكنبة في الصالة ويبص لكل ركن في البيت ويفتكر كل موقف مع أسماء اختة وبيعيط وبيقول الله يرحمك يا اسماء الله يرحمك ياحبيبتي ومن كتر العياط نام مكانة
يسري راجع البيت متاخر ودخل لقى ليلى اعده واول ماشافته قالت
انت كل يوم هترجع متأخر كده يايسري هو وانا وبنتك ملناش حق عليك ترجع يوم بدري تقعد معانا
يسري
وهو انا بعمل كل ده ليه يا ليلي ماهو عشانك انتي وبنتي
ليلى
لا يايسري المفروض تقعد معانا ولو حتى يوم واحد في الأسبوع مش تروح الشغل يوم الاجازة كمان دي حتى مامتك مش عارفه تشوفك خالص
يسري
اسمعي يا ليلي انا بحب شغلي وبحب أطول فيه وكمان عشان اقدر اثبت كفائتي لصاحب الشركة
ليلى
وهو صاحب الشركة موافق انك تهمل مامتك ومراتك وبنتك عشان الشغل ده