بنتي رفضت احضر فرحها ـ الجزء الاول ـــ بقلم هويدا زغلول

علي امي
قالت اف انتي اي با حبيبتي متعرفيش
حاجه اسمها شاور ولا اي عجبك ريحتك
دي
الام
مالها ريحتي يا ام اسامه انا الحمد لله نظيفه
وزي الفل وبعدين انا كنت جايبه
ليكم شويه سمك ممكن تكون ريحته بس
الحما
محدش فينا يا حبيبتي بياكل السمك
ابقي خدي وانتي ماشيه بقي اتفضلوا
اقعدو وبعدها قعدنا ولقيت ماما بتقولي
الام .
يلا بينا نمشي انتي مش شايفه حماتك بتكلمني ازاي يا ولاء
ولاء
علشان خاطري يا ماما ارجوكي عدي
ليها وانا اصلا قولتك
بلاش نجيب سمك انتي اللي صممتي
الام
انتي شايفه ان اللي بيحصل ده عادي
الحما
مالك يا حبيبتي فيه حاجه مزعلاكي ولا اي
احنا المفروض هنكون أهل ومافيش
حاجه تزعلنا من بعض اه
الام
ولا يهمك يا حبيبتي وخرجت مروه
بصنيه الاكل كانو شويه فول ولقمتين عيش
مروه
ازيك يا ولاء عامله اي معلش والله الانبوبه
فضيت ومش لحقت اكمل الغدا
حقك عليا بس اي لقمه بقي
مهو مش بالاكل
الام
فعلا يا بنتي بس احنا وكلين في بيتنا
ومش عايزين ناكل واحنا خلاص اطمنا
عليكي اهو يا ام اسامه يلا بينا يا ولاء
وبعدها مشينا وروحنا البيت وكنت مكشره
ولقيت ماما بتقولي
الام
اوعي تزعلي نفسك يا حبيبتي هما ناس قليله
الذوق
ولاء
هما برضه فيها أي يعني لو كنتي كلتي اي لقمه
علي اساس انك مش بتكلي هنا فول يعني
واخدين احنا علي الفراخ دائما مش كده
الام
هو فيه اي من امتي وانتي بتتكلمي معايا
بالطريقه دي وبعدين هو انتي مش شوفتي
طريقه حماتك
ولاء
عندها حق رايحه بريحتك كلها زفاره كان لازم ناخد السمك يعني يا ماما
الام
عندك حق يا بنتي من هنا ورايح انا مش رايحه البيت ده تاني حتى لو انت اتجوزتي اسامه انا ما ينفعش حد يكلمني بالطريقه اللي هما كلموني بيها دي
ولاء
نفسي افهم انتي حاطه دايما مناخيرك في السما ليه كده يعني هو انت مش شايفه الشقه اللي احنا عايشين فيها والبيت اللي هم عايشين فيه ولا شايف عيشتنا وعيشتهم عامله ازاي انتي المفروض تحمدي ربنا ان هو عايز يتجوزني اساسا
الام
مهو يا بنتي لو انا قليت من نفسي
لازم هقل منك المفروض تكوني خاېفه عليا
اكتر من كده
ولاء
يووو بقي أنا زهقت ليه حق بابا يسيبك
ويمشي بجد انا اتخنقت من العيشه دي
وفي شقه حماتي كان قاعد اسامه وقال
اسامه
هو اي اللي حصل ده ينفع يا ماما تتكلمي
معاها بالطريقه دي وانتي يا مروه
انا دخلت ولقيت الانبوبه شغاله عادي
فين الغاز اللي مش موجود غير اني
لقيت الاكل مش معمول اساسا
مروه
الله الانبوبه كانت مطفيه وانا مخدتش
بالي
اسامه
هو فيه اي يا ماما انتي ليه بتعملي كده معايا حرام عليكي انا بحب ولاء ومش عايز
اسبها ارجوكي بلاش اللي انتي بتعملي ده
وخرجت ساميه من الاوضه وقالت
ساميه
نفسي افهم عجباك فيها ايه ايمان كانت احلى منها بكثير وايمان كانت من العيله مش زي دي
اسامه
قولي كده بقى ماما كانت مرتاحه جدا للموضوع قبل ما انتي ما تيجي انتي بتسمعي كلام بنتك يا ماما
الام
بقولك اي أنا مش مرتاحه للناس دي
ومش عايزك تكمل معاهم واظن انا حره
بقي في اللي انا عايزه ي ابني
اسامه
حره في اي انك تعملي خطيبتي وحش
اعملي حسابك انا هتجوزها مهما أن حصل
وبعدها مشي
ساميه
يا ماما انا مش عارفه هرجع اقول لوليد ايه المفروض ان انا جايه علشان اتكلم علشان ارجع عند اخته ايمان
الام
سيبي الموضوع ده عليا انا والله ما هخلي
يتجوزها مهما أن حصل اي
وفي شقتي ماما دخلت الاوضه
الام
يا ولاء هو انت مش سامعه ان انا عمال انادي عليك يا بنتي انا جعانه جدا وانت عارفه ان انا مش بعرف اكل من غيرك
ولاء
مش عايزه اكل عارفه يا ماما لو اسامه
راح مني والله بجد مش هعيش معاكي