جوزي مش عايزني اكمل تعليمي ـــ كامله ـــ بقلم هويدا زغلول

اومال ايه
وكنت ساعتها في المطبخ وسمعت صوت حاجة اتكسرت وخرجت جري لقيت ابن سهى كسر الفازة وهو بيلعب وزعقت فيه
انت ايه اللي انت عملته ده مش تخلي بالك ياواد انت بتكسر الفازة ليه
الولد كان خاېف وسهي قالت لي
الله جرا ايه ياحلوه انتي بتزعقي للولد كده ايه انتي خوفتيه
هدير
هو انتي مش شايفاهم وهما بيجرو ورا بعض وكسرو الحاجة
سهى
مايكسرو اللي يكسروه ياحبيبتي ده بيت اخويا ويعملوا اللي هما عايزينو ولا انتي هتتحكمي فينا في بيت اخويا
هدير
انا ماقولتش حاجة ماهو بيت اخوكي بس دي حاجاتي اللي انا جبتها في الجهاز بتاعي يعني المفروض يخلو بالهم لما يلعبو
سهى
حاجة مين ياحبيبتي الحقي ياماما دي بتقولك حاجاتها اومال اخويا ماضي على القايمة ليه أن شاء الله
الحما
لا ياروح امك انا ابني ماضي على كل حاجة انتي جيباها يعني كل حاجة بتاعت ابني وإياكي اسمعك بتتكلمي عن حاجة زي دي تاني وولاد بنتي يكسرو زي ماهما عايزين
هدير
خلاص اعملو اللي تعملوه ممكن بقا ادخل اكمل مذاكرة انا خلصت البيت والاكل ومش ورايا حاجة تاني اعملها سيبوني اشوف مذاكرتي
سهى
ياحلاوة وهو انتي كمان لسه هتذاكري ده ايه الدلع اللي ابنك مدلعه لمراته ده ياماما هاهاها
الحما
انا قولت مفيش مذاكرة دلوقتي وبعدين جوزك زمانه جاي وهايعوز ياكل مين اللي هيحطله الاكل انا ولا اخته انتي تقعدي تستنى جوزك
وبعدها رحت الدرس وانا مش مذاكرة ومش عارفه ايه حاجة المس قالت لي
ايه ياهدير ده انتي مستواكي قل كده ليه ياحبيبتي انتي كنتي اشطر بنت في المجموعة هنا ايه اللي حصلك
هدير
اعمل ايه بس يامس ماهو انا في البيت مش بقعد خالص وحماتي علطول مشغلاني ومش بتسبني ارتاح
المس
طيب وجوزك فين من ده كله هو مش المفروض عارف انك بتكملي تعليمك وفي ثانوي السنة دي ولازم متسبيش الكتب وتفضلي تذاكري
هدير
ماهي حماتي اللي بتفضل طول النهار مشغلاني وهو لما بيرجع اخر الليل برضو بيفضل طلبات من أكل لشاي مش برتاح
المس
انا مش عارفه اقولك ايه والله ياهدير انا من الاول مكنتش موافقه على فكرة الجواز بدري دي خالص بس هاقول ايه لبابباكي ومامتك هما السبب
وبعدها جه جمال اخدني من الدرس وقولت له
انا عايزة اقولك على حاجه ياجمال انا دلوقتي نفسي اقعد اذاكر ومامتك مش تقولي اعمل حاجة انت عارف انا في ثانوي وكل وقت عايز مني مذاكرة
جمال
طيب ما انتي بتذاكري ياهدير هو حد بيحوشك ولا بيحوشك ولا انتي عايزة نكد وخلاص
هدير
لا مش عايزة نكد ياجمال انا عايزة مامتك تسبني اذاكر هي مش بتسبني ابدا افتح كتاب خالص
جمال
يووه بقولك ايه انا مش عايز وش كتير واللي امي تقول عليه تعمليه ياهدير ومش عايز مشاكل مع امي
ورجعنا البيت وفضلت اعيط ومش برضى اشتكي لبابا ابدا
وعند عمتي قالت لابنها إيهاب
انت هتفضل كل شوية